Skírnir - 01.08.1909, Page 49

Abraham Lincoln.
241
írin við hlið hans og fór mjúklega höndum um hið stríða
hár hans. Með tárin í augunum rétti hann henni leyfis-
skírteinið og mælti: »Nú er jafnt á komið með okkur,
nú fáið þér annan soninn, en eg held hinum.«
Lincoln auðnaðist að sjá fyrir endann á hinni mann-
skæðu styrjöld. Norðurríkjamenn náðu Richmond, höfuð-
horg Suðurríkjanna, 3. apríl 1865 og fám dögum síðar
varð Lee aðalfyrirliði þeirra að gefast upp fyrir Grant
yfirhershöfðingja Norðurríkjanna og mátti ófriðnum heita
þar með lokið. En Lincoln átti þá skarnt eftir ólifað. 14.
apríl var hann myrtur í leikhúsi einu í Washington af
ofstækisfullum leikara, sem vildi hefna ófara Suðurríkjanna.
Hann lét líf sitt, er að því var komið, að hugsjón
hans og þrá rættist og Norður- og Suðurríkin yrði aftur
ein ríkisheild. En hugsjónirnar lifa þótt mennirnir deyi,
og skoðun hans og stefnuskrá hefir fyrir löngu orðið ofan
á í Bandaríkjunum. Og í ár hefir þjóðin öll minst þessa
góða sonar með sorgblandinni ást og lotningu.
Þorleifur H. Bjamason.
16