Árbók Hins íslenzka fornleifafélags - 01.01.1989, Side 163

BYGGÐ Á ÍSLANDI Á 7. OG 8. ÖLD?
167
korns, sem rúmast í kornþrónni og hve stórt svæði hefði þurft til rækt-
unar á því magni.
I lokakafla er samantekt á niðurstöðum uppgraftarins. Par er leitast
við að gera grein fyrir þróun byggðarinnar og aðferðum við aldurs-
greiningu mannvistarleifanna. Þar kemur fram að geislakolsaðferðin og
gjóskutímatalsfræðin eru helstu aðferðirnar við tímasetningu rústanna.
Of lítið er fjallað um rannsóknir á öðrum bæjarstæðum á landinu með
tilliti til húsagerðar og betur hefði mátt tengja saman niðurstöður frá
öllum lóðunum. í þessum kafla er vísað í nokkrar heimildir í fyrsta sinn
m.a. er rætt er um geislakolsaðferðina. Sú umfjöllun hefði átt að koma
fyrr og vera ítarlegri. í bókinni er t.d. alltaf gefinn upp B.P.-aldur (fyrir
1950) sýnanna en ekki leiðréttur aldur, sem er óþægilegt.
Um bókina í heild má segja að hún er skrifuð á þjöppuðu máli og því
frekar tyrfin og seinlesin. Má merkja að höfundur talar ekki ensku sem
móðurmál. Prófarkalestur er góður og myndir vel staðsettar við texta.
Teikningar hafa prentast ágætlega, en eru of fáar og er skýringum við
þær nokkuð ábótavant. í bókinni er ítarleg lýsing á framkvæmd upp-
graftarins og gögnum hans, en of lítil úrvinnsla og umræða um niður-
stöður. f úrvinnslunni vantar að sjá fyrir sér byggðina í þrívídd og
endurmóta húsin. Einnig hefði mátt fjalla ítarlegar um það sem lesa
mátti úr þeim hlutum og mannvistarleifum, sem fundust m.a. um lifn-
aðarhætti og mataræði svo eitthvað sé nefnt. Bókin er að öðru leyti
samviskusanrlega unnin skýrsla þar sem flestum atriðum uppgraftarins
hafa verið gerð skil. Athyglisvert hefði verið að sjá tillögur uni áfram-
haldandi rannsóknir á Kvosarsvæðinu og hvers vænta mætti á nærliggj-
andi lóðum. Þessi fornleifarannsókn er gott framlag í umræðuna um
fyrstu byggð á íslandi og verður spennandi að sjá hvort seinna verði
unnið nánar úr þessum niðurstöðum. Af bókinni er ljóst að frekari
fornleifarannsókna er þörf á þessu svæði til þess að heilleg mynd fáist
af fyrstu byggð í Reykjavík.