Tímarit Hins íslenzka bókmentafélags - 01.10.1882, Blaðsíða 45

25«
þeirra son sjera Tómas síðast prestur í Holti í Önund-
arfirði.
81. Sigurður Sverrisson, fæddur á Hamri í Mýra-
sýslu 13. marz 1831 ; sonur Eiríks sýslumanns Sverris-
sonar (B 6); útskrifaður úr Reykjavíkurskóla 1853 og
skrifaður árið eptir í stúdentatölu við háskólann; cand.
juris 16. júní 1862 með 2. einkunn í báðum prófum.
Hann var s. á. settur sýslumaður í Suður-Múlasýslu,
og fjekk veitingu fyrir Strandasýslu 25. júlí 1863 (sbr.
Stj.tíð. 1879 A 76. bls.); jafnframt þjónaði hann Dala-
sýslu frá 4. júlí 1867 þangað til Lárus Blöndal tókvið
sama sumar, aptur frá því að Lárus Blöndal sleppti
henni 1877 og þangað til Skúli Magnússon tók við 6.
júní 1878, og loks frá is.júní til 31. ágúst 1881. Hann
býr á Bæ í Hrútafiiði, og er kvæntur Ragnhildi Jóns-
dóttur prests á Felli í Mýrdal Torfasonar.
82. Skúli Magnússon (Nordahl), fæddur á Hvammi í
Norðurárdal 5. janúar 1842, sonur sjera Magnúsar Jóns-
sonar Nordahls í Langholti og konu hans Rannveigar
Eggertsdóttur prests í Staf holti Bjarnasonar; útskrif-
aður úr Reykjavíkurskóla 1862; cand. juris 13. janúar
1869 með 2. einkunn í báðum prófum. Hann var síð-
an á skrifstofu landfógeta og fjekk Snæfellsnes- og
Hnappadalssýslu 22. maí 1871 og síðan Dalasýslu 5.
nóvember 1877. Hann andaðist i Dagverðarnesi 1.
júní 1881, ókvæntur.
83- Snæbjörn Stadfeldt, fæddur á Ósi í Steingríms-
firði 29. september 1753, sonur Ásgeirs prófasts Jóns-
sonar á Stað í Steingrímsfirði og fyrri konu hans Krist-
ínar Guðnadóttur prests í Nesþingum Jónssonar; út-
skrifaður úr Skálholtsskóla 1775; cand. juris 31. marz
1781 með 1. einkunn. Hann var síðan í rentukammer-
inu; varð hjeraðsfógeti og skrifari í Middelsom og
Sönderlyng hjeruðum í Vebjarga amti 1784, bæjarfó-
geti í Randers og hjeraðsfógeti og skrifari í Rougsö,