Eimreiðin - 01.09.1897, Qupperneq 10

170
lögin og eptirlaunalögin og aukalaunalögin og bitlingaveitingar,
skáldalaun, fuglafriðun, seladráp, laxatímgun og ótal fleira þess-
háttar. Það hafði engan tíma eða peninga til að verja
til mannlífsfriðunar.
III.
Síra Konráð varð prestur í Kálfárþingum eptir föður sinn og
þjónaði hann því brauði i fjögur ár.
Ekki fór það með leynd, að síra Konráði og konu hans Ás-
gerði íjellst mjög um fráfall síra Höskuldar. Var hún jafnan ept-
ir það meira eða minna veil á geðinu, þrátt fyrir allt, sem reynt
var við hana að læknisráði. En þó kastaði fyrst tólfunum eptir
dauða Ara frænda hennar. Tók það svo á hana, að sjá upp á
hann og kynnast holdsveikinni, að henni fór að standa óbærileg-
ur stuggur og ógn af lífinu.
Mánuði eptir lát Ara var presturinn sóttur til að gera eitt-
hvert embættisverk þar í sókninni. En um kvöldið, þegar hann
kom heim, var kona hans horfin. Var hennar þegar leitað, og
fannst hún hvergi. Degi síðar sá prestur lík konu sinnar í Laxa-
hyl, sem er skammt fyrir neðan túnið á Kálfá. Ljet hann þegar
slæða það upp, og fannst við það tækifæri einnig beinagrindin af
Unni Sigurðardóttur. — Ekki hafði þeim hjónum orðið barna auð-
ið, en þegar Ásgerður drekkti sjer, var hún kona eigi einsömul,
Síra Konráð var orðinn mæddur af lífinu, þó eigi væri hann
gamall maður. Tók hann sjer mjög nærri dauða konu sinnar,
-og öll Kálfár-mannslátin, þvi honum var fullljóst, af hverju þau
voru sprottin. Dó hann þrem mánuðum síðar en kona hans, og
þó það væri faraldsveiki, sem var aðaldauðamein hans, var það
víst, að hann hafði ekki lengur þrá til lífisins. Þó hann yrði ekki
nema 29 ára að aldri, var hann ekki einungis búinn að tæma í
botn bikar gleði sinnar og lífsvona, heldur hafði hann og hlotið
að bergja hjer um bil til botns eiturlyfjabikar mannlífsins, byrlað-
an af tilfellum og þjóðinni. —
Eptir farandi brjefkaflar, sem síra Konráð skrifaði vini sínum,
skömmu fyrir andlát sitt, sýna ljóslega, að hann hefir að lokum
skilið rjett alla Kálfár-viðburðina. Þeir hljóðuðu svo: