Dagblaðið Vísir - DV - 05.12.1987, Blaðsíða 9

LAUGARDAGUR 5. DESEMBER 1987.
9
Guðrún Helgadóttir - Ég er búin með bænina.
DV-mynd GVA
Ég er afskaplega
óskáldleg í þinginu
- segir Guðrún Helgadóttir sem hefur sent frá sér nýja bók
„Já, þetta er síðasta bókin í þess-
um flokki,“ segir Guðrún Helga-
dóttir, alþingismaður óg rithöfund-
ur, um bók sern hún hefur nú sent
frá sér og nefnir Sænginni yfir
minni. Fyrri bækurnar í þessum
flokki kallaði hún Sitji guðs englar
og.Saman í hring. Þetta er síðasta
hendingin úr alþekktri kvöldbáen.
„Það væri þó ekki nema vegna þess
að ég er búin með bænina að ég
verð að hætta hér,“ segir Guðrún.
„í upphafi hugsaði ég þó þetta sem
þrjá sögur og nú er sú seinasta
komin.“
Tilnefning til verðlauna
Guðrún á að baki langan feril sem
barnabókahöfundur og þar hafa
sögurnar af Jóni Oddi og Jóni
Bjarna og Páli Vilhjálmssyni orðið
þekktastar. Nú á þessu hausti var
Guðrún útnefnd til H.C. Andersen-
verðlaunanna sem veitt eru þriðja
hvert ár fyrir barnabækur. Brian
Pilkington er einnig útnefndur til
þessara verðlauna fyrir mynd-
skreytingar en hann gerði m.a.
teikningarnar við Ástarsögu úr
fjöllunum eftir Guðrúnu.
„Ég á auðvitað enga möguleika á
að fá þessi verðlaun," segir Guör-
ún. „í hópi þeirra sem hafa fengið
þessi verðlaun eru stórskáld á borð
við Marie Gripe og Asfrid Lindgren
þannig að ég er ákaflega stolt af
tilnefningunni. íslenskir höfundar
hafa áður ekki verið tilnefndir til
þessara verðlauna.“
Um nýju bókina segir Guðrún að
hún sé hugsuð sem „litil kvennasa-
ga fyrir yngstu kynslóðina. Þessi
saga er sögð út frá sjónarhorni
Öbbu hinnar sem er sú yngsta af
systrunum sem eru aðálpersónur
þessara bóka. Abba hefur hæfileika
til að mála tilveruna eins og hún
er fallegust og því ætlar hún að
mála eins og Jóhann Briem.
Sögusviðið er árin fyrst eftir
stríöið þegar heimur þessa litla
samfélags, sem ég hef verið að segja
frá, gjörbreyttist þannig að hann
varð aldrei samur og áður. Þetta
eru árin þegar meiri breytingar
urðu á islensku samfélagi en nokk-
ur maður hér hafði upplifað áður.“
Án tilefnis í veruleikanum
„Ég var krakki á þessum tíma og
er því að skrifa um hugarheim sem
ég þekkti sjálf en atburðirnir sem
ég segi frá eru meira og minna án
tilefnis í veruleikanum. Ég hugsa
þetta sem bók um tilfmningar og
hvernig börn upplifðu þessa breyt-
ingatíma en ekki til að halda til
haga tilteknum atburðum."
í fyrstu sögunni, Sitji guðs engl-
ar, var það elsta systirin sem sagði
söguna. í næstu bók var það mið-
systirin og nú er það sú yngsta. „Ég
á þrjár systur og er sú elsta,“ segir
Guðrún. „Þegar fyrsta bókin kom
út var sagt að hún fjallaði um mig.
Þegar yngri systur mínar fréttu
hvernig ég ætlaði að skrifa fram-
haldið varð þeim svolítið órótt því
þær héldu að nú ætti að skrifa um
þær. Þegar önnur bókin kom út
fundu þær sig ekki enda er þetta
meira og minna sama persónan
sem er í aðalhlutverkinu í öllum
bókunum."
Þótt Guðrún þvertaki fyrir að
persónurnar í þessum sögum eigi
sér nákvæma fyrirmynd í veruleik-
anum þarf enginn að velkjast í vafa
um að þær gerast í Hafnarfirði. „Ég
hefði aldrei komist framhjá
klaustrinu," segir Guðrún til út-
skýringar. „Það geta ekki öll
sjávarþorp státað af klaustri og það
var allt of dramatísk stofnun til að
hægt væri að ganga framhjá henni.
Sjálf var ég í kaþólskum barna-
skóla.“
Hvaða sjávarþorp sem er
„Að öðru leyti gæti svona saga
gerst í hvaða sjávarþorpi sem er á
þessum tíma. Þessar sögur eru að
því leyti ólíkar öðrum sögum. sem
ég hef skrifað að ég sæki hugmynd-
irnar lengra aftur. Ég skal ekki
sverja fyrir að þarna bregði ekki
fyrir persónum seni voru til en ég
held að það skipti í sjálfu sér ekki
máli.
Ég hugsa að_ ég hefði ekki getað
skrifað þessar bækur fyrr en nú.
Það þarf vissa fjarlægö til að.geta
skrifað um uppruna sinn og þá íjar-
lægð hafði ég t.d. ekki fyrir 10
árum. Það hefur verið sagt að það
taki menn alla ævi að vinna sig frá
uppeldi sínu. Ég er komin það langt
að ég er farin að geta skrifað um
það.“
Guðrúnu er mjög annt um að
sögur fyrir börn séu taldar fullgild-
ar skáldsögur og ekkert annað.
„Þetta er skáldverk," segir hún.
„Ég gerist æ frekari í kröfunni um
að flokka barnabækur með bók-
menntum. Böm eiga fyllilega skihð
að fá fullgildar bókmenntir eins og
annað fólk. Það verður að taka sög-
ur fyrir börn sömu tökum og önnur
skáldverk þótt tekið sé tillit til
þroska lesenda.
Allar bækur þurfa aö vera
skemmtilegar en að baki léttleikan-
um býr alvara ekkert síður í
barnabókum en bókum fyrir full-
orðna. í barnabókum á heldur ekki
að svara öllum spurningum heldur
að eftirláta þær lesendum. Ég enda
þessa síðustu bók á spurningar-
merki."
Get ekki skrifað fyrir börn í
þinghúsinu
Nú, þegar Guðrún hefur lokiö við
að skrifa þríleikinn um systurnar
í Hafnarfirði, vilja menn eðlilega
forvitnast um hvað komi næst.
„Auðvitaö hef ég hug á að halda
áfram að skrifa," segir Guðrún „en
hvað það verður segi ég ekkert um.
Ég vinn þannig að ég tek mér lang-
an meðgöngutíma . til að velta
efninu fyrir mér áður en ég byrja
aö skrifa. Sögurnar skrifa ég síðan
í striklotu. Þær verða til eins og
smá eldgos.
Mér hefur verið sagt að það sé
þægilegt að lesa þessar sögur upp-
hátt. Ég er stolt af því. Börn vita
ekkert betra en að njóta einhvers
með öðrum og þau eiga ekki að
hafa á tilfinningunni að einhvetjar
sögur séu skrifaðar fyrir þau ein
en ekki fyrir fullorðna líka. Það
eykur sjálfsvirðingu þeirra ef þau
fmna að bækurnar eru skrifaðar í
fullri alvöru.
Það getur vel verið að textinn
verði svona sjálfkrafa. Ég veit ekk-
ert af hverju ég skrifa eins og ég
skrifa."
Guðrún segist skrifa sögur sínar
að sumrinu en leggur þær á hilluna
yfir þingtímann. „Ég er eins og
Gerald Ford. Ég get ekki gert nema
eitt í einu,“ segir Guðrún. „Ég er
líka afskaplega óskáldleg hér í
þinginu. Ég held t.d. að ég sé meö
leiðinlegri ræðumönnum hér. Ég
gæti aðstöðunnar vegna skrifað á
skrifstofunni hér í þinghúsinu ef
mér dytti eitthvað í hug. Ég get
bara ekki skrifað fyrir börn hér
inni.
Ég hugsa um þessar sögur þegar
ég er að fara á milli í bílnum eða
að gera húsverkin en ekki í þingsöl-
um. Þetta er lík aðferð og hjá Öbbu
hinni við að gera veruleikann
skemmtilegan,“ segir Guðrún
Helgadóttir.
-GK
SMIÐJUVEGI 30
SÍMI 72870
Khúsgagna-i
val
Sófasett
og hornsófar
Tórínó sófasett. Áklæði: leður- leður lux.
Róma hornsófi, smíðaður eftir máli. Áklæði
leður - leður lux.
Róma sófasett. Áklæði: leður - leður lux.
Tórínó hornsófi, smíðaður eftir máli. Áklæð
leður- leður lux.
Mílanó sófsett. Áklæði: leður- leður lux.
Góð
greiðslukjör
ÉöRö
KREDff
HHÚSGAGNA-I
val
SMIÐJUVEGI 30
SÍMI 72870