Dagblaðið Vísir - DV - 05.12.1987, Page 37

LAUGAHDAGUR 5. DESEMBER 1987.
49
Bönnum bjórinn
Að undanfórnu hefur verið gert
mikið átak í því af hendi lögreglu
og Umferðarráðs að halda niðri
umferðarhraða og taka menn fyrir
ölvun við akstur ef þeir hafa ekið
ölvaðir og þeir sem keyra á hundr-
að og fimmtíu á Hringbrautinni eru
sviptir ökuleyfmu og hélt ég að þaö
leiddi til þess að nú hættu þeir að
keyra en það er víst öðru nær en
vonandi hægja þeir örlítið á sér.
Einnig hefur fíkniefnalögreglan
staðið í stórræðum. Til dæmis lét
hópur manna á hennar vegum til
Háaloft
Benedikt Axelsson
skarar skríða gegn einum eitur-
lyfjasmyglara um daginn og réðst
af því tilefni á blásaklausan sendi-
bílstjóra og handtók hann bæði
hratt og örugglega og setti í járn.
Þetta fannst mér vel af sér vikið
og minnti mig einna helst á það
þegar víkingasveitin er að ráðast á
gömul hús í vesturbænum og
skjóta á þau með gúmmíkúlum.
Merkileg mál
En þótt það sé fjör hjá lögregl-
unni og bílstjórum þessa dagana
er íjörið ennþá meira niðri við
Austurvöll þar sem bjórinn er til
umræöu en þegar menn hafa ekk-
ert þarfara að gera þar fara þeir
að tala um bjórinn enda er hann
hér um bil stöðugt til umræðu.
í öllum merkilegum málum
skiptast menn í tvo hópa og er ann-
ar hópurinn meö en hinn á móti,
þannig er þetta í bjórmálinu.
- Við viljum fá bjórinn, segja þeir
sem eru meðmæltir honum.
- Við viljum ekki fá bjórinn, segja
þeir sem eru á móti. Og svo halda
menn langar ræöur um það hvaö
bjórinn geti skaöað unglingana
mikið en nú til dags er svo fátt sem
ekki getur skaðað unglingana að
maður er alltaf jafnhissa á því að
það skuli ekki enn hafa farið fyrir
þeim eins og geirfuglinum og fíest-
um frystihúsum landsins.
Einu sinni var smjörlíkið versti
óvinur mannkynsins og töldu sér-
fræðingar að ef það væri haft ofan
á brauð dræpi það fólk áður en það
næði sjötugsaldri og það eru svo
sem ekkert mörg ár síðan ein-
hverjir vitringar fundu það út að
sjö bollar af kaffí á dag gerðu menn
brjálaða og úú má ekki byggja ráð-
hús þar sem mönnum sýnist af því
að það gæti truflað endurnar.
Þegar ég var úti í Danmörku
rannsakaði ég áhrif bjórs á mig til
að geta tekið þátt i umræöunni um
hann af einhverju viti og til að geta
talist marktækur, eins og skoðana-
kannanir um það hvor hafi nú
heldur skapað heiminn Steingrím-
ur Hermannsson eðá guð minn
almáttugur, gerði ég þetta vísinda-
lega.
Ég fór út í næstu búð og keypti
einn kassa af öli og eftir að hafa
komið mér makindaiega fyrir inni
í stofu byrjaöi ég að drekka og
vegna þess að heimsmeistara-
keppnin í knattspyrnu stóð yfir um
þetta leyti horfði ég á hana og
fannst mér hún því skemmtilegri
þeim mun fleiri sem bjórarnir urðu
sem ég innbyrti en skemmtilegast
fannst mér þegar leikmennirnir
voru orönir áttatíu og eitthvað og
dómararnir þrír.
Ég gerði nokkrar tilraunir til viö-
bótar og urðu þær til þess að ég er
algjörlega á móti því að hér verði
seldur áfengur bjór því að ég er hér
um bil sannfærður um að hann
muni einfaldlega ekki verða keypt-
ur heldur hrannast upp í útsölum
Áfengisverslana ríkisins öllum til
ama og ríkinu til tjóns.
Og núna þegar flest fyrirtæki
landsins eru á leiðinni á höfuðiö,
sálarlíf andanna á Tjörninni er í
hættu, búið er að segja sendibíl-
stjórum stríð á hendur og skjóta
flest gömul hús vestur í bæ, finnst
mér að íslenska ríkið ætti að sjá
sóma sinn í því að leyfa ekki bjór-
inn.
Síöan gæti það snúið sér að því
að banna allt hitt sem er annað-
hvort hættulegt lífi manna eða
dýra svo sem smjörlíki. kaffí, vetn-
issprengjur, sakkarín. hjartasjúk-
dóma, hangikjöt. strætisvagna.
kólesteról í blóöinu, fjölmettaðar
fitusýrur og svo framvegis.
Kveðja
Ben. Ax.
Finnurðu
átta breytingar?
72
Þessar tvær myndir sýnast í fljótu bragði eins. En á neðri
myndinni hafa fallið burt hlutar af myndinni eða þeir
breyst, alls á átta stöðum. Það er misjafnlega erfitt að finna
þessar breytingar en ef fjölskyldan sameinast um að leysa
þetta trúum við því að allt komi þetta að lokum.
Merkið með hring eða krossi þar sem breytingarnar eru
og sendið okkur neðri myndina. Skilafrestur er tíu dagar.
Að þeim tíma liðnum drögum við úr réttum lausnum og
veitum þrenn verðlaun, öll frá versluninni Japis, Brautar-
holti 2. Þau eru LED útvarpsvekjari (verðmæti 4.680,-),
Supertech útvarp (verðmæti 2.840,-) og Supertech ferðatæki
(verðmæti 1.880,-).
I öðru helgarblaði héðan í frá birtast nöfn hinna heppnu
en ný þraut kemur í næsta helgarblaði.
Góða skemmtun!
Merkið umslagið:
„Átta breytingar - 72, c/o DV, pósthólf5380,125 Reykjavík.
Verðlaunahafar 70. gátu reyndust vera: Ragnhildur Bene-
diktsdóttir, Arnórsstöðum, Jökuldal, 701 Egilsstaðir (ferða-
tæki); Guðrún Haraldsdóttir, Suðurengi 13, 800 Selfoss
(útvarpsvekjari); Guðrún Sigurðardóttir, Meistaravöllum
33, 107 Reykjavík (útvarpstæki).
Vinningarnir verða sendir heim.
K--------------------------------------------—|
NAFN ............ .........................
HEIMILISFANG ..............................
PÓSTNÚMER .................................