Dagblaðið Vísir - DV - 05.12.1987, Page 22

22
LAUGARDAGUR 5. DESEMBER 1987.
Hús Landsbankans við Austurstræti er eitt af elstu steinhúsunum í borginni. Það var hlaðið
árið 1899 eftir teikningum danska arkitektsis Thuren. Árið 1923 var það endurbyggt og stækk-
að, að mestu í sama stíl og áður. Þá kom það í hlut Guðjóns Samúelssonar að teikna
breytingarnar en hann teiknaði á fyrri helmingi þessarar aldar mörg virðulegustu húsin hér
á landi.
Hús Útvegsbanka íslands hefur verið nefnt sem væntanlegt ráðhús. Fyrsti hluti þess var hlað-
inn árið 1904 eftir teikningu Thuren hins danska til að hýsa íslandsbanka en því var síðan breytt
i Útvegsbankann. Árið 1962 var húsinu breytt verulega eftir umdeildum teikningum Eiriks Ein-
arsson arkitekts. Þá hækkaði það um fjórar hæðir og fékk nýtískulegan svip.
Miðbæjarbarnaskólinn að Frikirkjuvegi 1 var vígður árið 1898 og hýsti árum saman helsta barnaskóla bæjarins. Síðar var þar til húsa Menntaskólinn
við Tjörnina og nú gæti hann hýst ráðhúsið við Tjörnina.
Til hvers að byggja nýtt ráð-
hús þegar hægt er að flnna því
stað í gömlum og virðulegum
húsum? Þá væri ró andanna við
Tjörnina ekki raskað en ráð-
húsið fengi að vera á góðum
stað í borginni - í það minnsta
betur í sveit sett en við Rauða-
vatn.
Af hugmyndum, sem nefndar
hafa verið, sést að allmörg hús
í miðbænum eða næsta ná-
grenni hans koma til greina.
Enn eru þetta þó aðeins hug-
myndir og ekkert hefur verið
gert til að fá fram þessa lausn
á deilunum um ráhúsið.
Til sögunnar hafa verið nefnd
hús eins og Oddfellowhúsið við
Vonarstræti, steinsnar frá lóð-
inni þar sem nýja ráöhúsinu er
ætlað að rísa. Menn hafa einnig
fengið augastað á húsi Lands-
bókasafnsins við Hverfisgötu.
Vonir standa til að safniö verði
komið í Þjóðarbókhlöðuna eftir
fá ár ef ráðherrar mennta- og
íjármála verða sammála um
íjáveitinga til þess. Þetta er eitt
glæsilegasta húsið í borginni.
Þar skammt frá hefur hús
Seðlabankans risið á undan-
fornum árum. Sagt er að húsiö
sé allt of stórt fyrir bankann og
gæti þess vegna hýst ráðhús.
Aðrir bankar koma einnig til
greina. Við Austurstræti standa
stórhýsi Landsbankans og Út-
vegsbankans. Þau eru á besta
stað í bænum og gætu þess
vegna þjónað sem ráðhús.
Hús Oddfellowreglunnar við Vonarstræti gæti sómt sér vel sem ráðhús. Það var byggt áriö
1931 eftir teikningum Þorleifs Eyjólfssonar byggingameistara og var þá nánast framúrstefnu-
legt í útliti. Seinna var því breytt og sett á það þak með kvistum.
Safnahúsið við Hverfisgötu er af mörgum talið fallegasta húsið í borginni. Það var reist í „húm-
inu og kreppunni í bænum“ á árunum 1906-til 1908 eftir teikningum sem danski arkitektinn
J. Magdahl-Nielsen gerði. Eftir að Landsbókasafnið verður flutt þaðan er allt óráðið um fram-
tíð þess.