Dagblaðið Vísir - DV - 05.12.1987, Blaðsíða 45

LAUGARDAGUR 5. DESEMBER 1987.
57
Iþróttapistill
Góð vika
að baki
Mörg ánægjuleg atvik hafa litið
d^gsins ljós innan íþróttanna í viku
þeirri sem liðin er frá síðasta
íþróttapistli. Þar ber auðvitað hæst
frækilega frammistöðu þeirra
Bjarna Friðrikssonar júdómanns
og Péturs Guðmundssonar körfu-
knattleiksmanns. Einnig má nefna
afturkomu margra snjallra skíða-
manna sem ekki hafa sést í
keppnisformi í mörg ár en gerðu
garðinn frægan hér á árum áður
og ekki má gleyma stórleik Amórs
Guðjohnsen með liði Anderlecht í
belgísku knattspymunni. Döpm
atvikin hafa einnig skotið upp koll-
inum en sem betur fer voru þau
mun færri.
Bjarni vann frábært afrek
Júdómaðurinn Bjarni Friðriks-
son vann gullverðlaun í sínum
þyngdarflokki á opna skandinav-
íska meistaramótinu í júdó. Þar
sannaði Bjarni enn einu sinni að
bronsverðlaunin, sem hann nældi
í á síðustu ólympíuleikum, vora
engin tilviljun. Bjarni er snjall
íþróttamaður sem stundar æfmgar
af einstöku kappi og
árangurinn hefur verið góð-
ur.
Pétur skorar og skorar
Pétur Guðmundsson virðist held-
ur betur vera að taka sig á í
NBA-deildinni í körfuknattleik.
Þegar þetta er skrifaö er hann á
góðri leið með að vinna sér sæti í
byrjunarliði San Antonio Spurs.
Pétur skoraði 18 stig fyrir lið sitt
gegn Atlanta Hawks og setti síðan
persónulegt met í næsta leik á eftir
gegn Detroit Pistons er hann skor-
aði 21 stig. Auk þess að skora öll
þessi stig hirti hann fjöldann allan
af fráköstum. Pétur hefur nú leikiö
um 85 leiki á sínum ferli í NBA-
deildinni með Portland Trailblaz-
ers, Los Angeles Lakers og nú hjá
San Antonio. Hann er að öðlast
dýrmæta reynslu. Pétur missti aö
mestu leyti af keppnistímabilinu í
fyrra vegna meiðsla og var sem
kunnugt er látinn fara frá því
fræga félagi Los Angeles Lakers.
Margir töldu það mikið áfall fyrir
Pétur en ég held þvert á móti að
það eigi eftir að koma á daginn að
það var Pétri til góös að fara frá
Lakers. Þar eru samankomnir
flestir mestu snillingar körfuknatt-
leiksins í heiminum, 12 að tölu og
í raun ekkert pláss fyrir aðra en
þá sem em í allra fremstu röð. Pét-
ur fékk lítið að spreyta sig með
þessu fræga liöi enda ekki auð-
hlaupið að því fyrir miðherja að
velta „gamla manninum", Kareem
Abdul Jabbar, úr sessi.
San Antonio er lið framtíðar-
innar
Hjá San Antonio fær Pétur að
spreyta sig og nú er hann væntan-
lega kominn í byrjunarliðið. Hann
varð fyrir smávægilegum meiðsl-
um í upphafi keppnistímabilsins
sem gerði það að verkum aö hann
fékk lítiö að spila í fyrstu leikjun-
um. Nú er þetta allt að koma og ég
spái því að Pétur og félagar eigi
eftir að gera góða hluti í vetur. Lið
San Antonio er mjög ungt og þjálf-
ari liðsins, Bob Weiss, hefur lýst
því yflr nýlega aö hann stefni að
því að lið sitt verði á toppnum eftir
3-4 ár. Það er ekki dónaleg reynsla
sem Pétur getur krækt sér í á þess-
um tíma.
í raun einstakt afrek
Það afrek Péturs Guðmundsson-
ar eitt aö komast í NBA-deildina
er í raun einstakt. í mínum
Umsjón:
Stefán Kristjánsson
huga er ekki hægt að tala um það
í sama orðinu aö íslenskur knatt-
spyrnumaður komist að hjá
meðalliði í Evrópu eða að íslenskur
körfuknattleiksmaöur komist að
hjá liði í bandarísku atvinnu-
mannadeildinni. Staðreyndin er
nefnilega sú að þeir leikmenn, sem
árlega reyna aö komast að hjá lið-
unum í NBA, skipta hundruðum
þúsunda. Aðeins örfáir þeirra kom-
ast alla leið. Og þeir eru margir sem
gera sér alls enga grein fyrir þess-
ari staðreynd. Einn kunningi minn
sagði til að mynda við mig í fyrra
að það væri ekki mikið afrek að
vera hjá liði í NBA-deildinni og fá
aldrei að leika, verma varamanna-
bekkinn leik eftir leik. Þá spurði
ég þennan félaga minn: Hvort er
meira afrek að sitja á varamanna-
bekknum hjá körfuboltaliðinu Los
Angeles Lakers eða enska knatt-
spyrnuliðinu Sheffield Wednesday,
með fullri virðingu fyrir Sigurði
Jónssyni? Það var lítið um svör.
Pálmar sér ekki fram úr
verkefnum
Körfuknattleikssamband íslands
hefur nýverið ráðið landsliðs-
manninn Pálmar Sigurðsson í starf
fræðslustjóra sambandsins.
Skemmst er frá því að segja að
verkefnin hafa hrannast upp.
Pálmar hefur fengið ívar Webster
í Uð með sér og saman hafa þeir
félagar farið skóla á milli og kynnt
körfuknattleikinn. Slíkar hafa
undirtektir verið að hringt hefur
verið til KKÍ úr mörgum skólum
og þeir félagar-pantaðir. Mér býður
í grun að slíkt mætti gera í fleiri
íþróttagreinum. Kynningarstarfið
er mjög mikilvægt og það má ekki
vanrækja. Haldið áfram á sömu
braut KKÍ-menn.
„Gamlir refir“ með vönd í
hendi
í DV í vikunni var greint frá því
að margir gamalreyndir skíða-
menn hygðust sópa rykið af skíð-
um sínum og keppa á skíðamótum
hér heima í vetur. Að mínu viti var
þetta ein gleðilegasta íþróttafrétt
vikunnar. Staðreyndin er nefnilega
sú að skíðamót hérlendis hafa ekki
verið upp á marga fiska undanfarin
ár að mínu mati. Breiddin hefur
verið mjög lítil og lítill áhugi hefur
verið á þessum mótum. Með til-
komu skíðamanna eins og Karls
Frímannssonar, Árna Þórs Árna-
sonar, Helga Geirharðssonar og ef
til viíl Sigurðar Jónssonar gæti
hlaupið mikiö lif í skíðamótin og
allir unnendur skíðaíþróttarinnar
hljóta að vera í sjöunda himni með
ákvörðun „gömlu refanna".
Eðlilegt tap gegn Júggum?
Margan handknattleiksunnand-
ann rak í rogastans þegar hann
frétti um úrslitin í leik íslendinga
og Júgóslava á Lotto-mótinu í Nor-
egi á miðvikudagskvöldið. Lykil-
menn vantaði í bæði lið en þó var
greinilegt að íslenska liðiö saknaði
sterkari leikmanna meira en lið
heimsmeistararina. Vissulega er
það engin afsökun fyrir hinu stóra
tapi að lykilmenn skyldi vanta. í
raun hafði íslenska liðið öll tök á
því að vinna Júgóslava en þegar
14 dauðafæri fara forgörðum í ein-
um og sama leiknum er ekki hægt
að búast við öðru en stóru tapi,
sérstaklega þegar um heims- og
ólympíumeistara í greininni er að
ræða. íslenska liðið á margt eftir
ólært fram að ólympíuleikum og
ég tel rétt og eðlilegt að geyma stóru
orðin þar til þeir eru afstaðnir.
Stefán Kristjánsson
• Bjarni Friöriksson vann frábært afrek þegar hann sigraði i sínum þyngdarflokki á opna skandinavíska
meistaramótinu í júdó um síðustu helgi.
LISTGLER
Viðskiptavinir athugið.
Erum flutt á Kársnesbraut 110, Kóp.
Fegrið heimilið með LIST-
GLERI - blýlagt gler í ótal
mynstrum og litum. Tilval-
ið í svalahurðir, forstofu-
hurðir, útihurðir og alls
konar glugga til skrauts
og nytja.
Vinnum gler eftir pöntun-
um. Hringið eða komið og
kynnið ykkur liti, mynstur
og verð. Gerum föst verð-
tilboð. Framleiðum einnig
skrautspegla eftir máli.
Úrval af gleróróum, til-
valdar jólagjafir.
Listgler, Kársnesbraut 110
Sími 45133
Krefjandi
stjórnunarstarf
Ríkismat sjávarafurða óskar að ráða mann í krefjandi
ábyrgðar- og stjórnunarstarf við að veita eftirliti
stofnunarinnar forstöðu:
Starfið felst i:
Stjórnun eftirlits stofnunarinnar með hráefnis- og
vörugæðum íslenskra sjávarafurða. I þvi felst m.a.
dagleg stjórn starfa þeirra manna sem hafa með hendi
eftirlit stofnunarinnar þar sem fiskur eða sjávarafurð-
ir eru meðhöndlaðar og/eða unnar.
Að annast eftirlit með gæðaeftirliti úftlytjenda og
hvernig þeir standa að gæðastjórnun á sínum vegum.
Yfirumsjón eftirlits með hreinlæti og búnaði fisk-
vinnslustöðva, svo og með hvaða hætti fiskvinnslu-
fyrirtæki standa að gæðastjórnun framleiðslu sinnar.
Þátttöku í stefnumörkun og þróun vinnubragða
Ríkismats sjávarafurða.
Starfið krefst:
Mikils frumkvæðis og stjórnunarhæfileika.
Þekkingar, áhuga og skilnings á gæðamálum sjávar-
útvegsins.
Háskólamenntunar í matvælafræðum eða annarrar
sambærilegrar menntunar og starfsreynslu.
Umsóknarfrestur er til 15. desember nk. Umsóknum
ber að skila á skrifstofu stofnunarinnar.
Nánari upplýsingar og starfslýsing fæst hjá skrifstofu-
stjóra stofnunarinnar, Nóatúni 17, 105 Reykjavík,
sími: 91-627533
Ríkismat sjávarafurða hefur að leiðarljósi:
Að stuðla að auknum hráefnis- og vörugæðum islenskra sjávaraf-
urða.
Að þróa starfsemi sina þannig að hún verði einkum fólgin i miðl-
un þekkingar og færni og að skapa sjávarútveginum réttar
forsendur til starfa.
Að verða í krafti þekkingar sinnar og reynslu forystuafl i gæða-
málum.
Að skapa samstarfsvettvang stjórnvalda og sjávarútvegsins í
stöðugri viðleitni þeirra til að auka þekkingu og færni í vinnubrögð-
um og vörumeðferð.
Að móta afstööu þeirra sem við sjávarútveg starfa til gæðamála
og efla almenna gæðavitund.
Ríkismat sjávarafurða telur þaö vera helsta verkefni sitt að stuðla
að vönduðum vinnubrögðum svo að islenskar sjávarafuröir nái
forskoti á markaðnum vegna gæða og þar með hærra verði en ella.
Ríkismat sjávarafuröa
Nóatún 17 — 105 Reykjavík — Sími: 62-75-33