Dagblaðið Vísir - DV - 08.10.1988, Qupperneq 21

LAUGARDAGUR 8. OKTÓBER 1988.
21
María Ellingsen er 24 ára leikkona
sem útskrifaðist frá leiklistarskóla í
New York fyrir tæpu ári. Hún vakti
athygli sl. vor er leikritið Ef ég væri
þú var fnunsýnt í kjallara Þjóðleik-
hússins. Enn meiri athygU vakti
María er kvikmyndin Foxtrot var
frumsýnd í ágúst. Þar fer hún með
eitt aöalhlutverkið. María er nú að
leika í kvikmynd Þráins Bertelsson-
ar, Magnúsi. Hún er aftur komin á
litla sviðið og æfir af kappi leikritið
Hættuleg kynni sem sett verður upp
af Þjóðleikhúsinu í Gámla bíói í nóv-
ember.
Þetta eru þó ekki fyrstu spor henn-
ar á hvíta tjaldinu því María lék Lóu
í kvikmynd Hrafns Gunnlaugssonar,
Okkar á milli, sem sýnd var hér á
landi fyrir nokknnn árum. Það hlut-
verk kom á óvenjulegan hátt upp í
hendumar á Maríu. „Þegar ég var
fimmtán ára í Hólabrekkuskóla átt-
um við að skrifa ritgerð um þekktan
íslenskan listamann. Ég valdi Hrafn
Gunnlaugsson meðan aðrir völdu t.d.
Þórberg Þórðarson. Ég hafði tals-
verðan áhuga á kvikmyndagerð á
þeim tíma og hafði heyrt af Hrafni.
Það var áður en hann gerði sína
fyrstu kvikmynd. Tveimur árum síð-
ar bauð hann mér að leika í kvik-
myndinni Okkar á miili,“ segir Mar-
ía.
Ætlaði að verða læknir
Hún var á sínum unglingsárum í
leiklistarklúbbi en ætlaði sér þó ekki
að leggja fyrir sig leiklist. „Ég ætiaði
að verða læknir," segir hún. Þau
áform breyttust og átján ára hætti
María í skóla og gerðist blaðamaður
á Morgunblaðinu um tveggja ára
skeið eða þar til hún fór í leiklist-
amám til Bandaríkjanna.
„Mig langaði til að læra í New York
því ég vissi að það myndi þroska
mann mikið að standa á eigin fótum.
Við tókum nokkrir íslendingar íbúö
saman á leigu. Mér fannst mannlífið
í New York vera hálfgert leikhús,“
segir María. Jón Tryggvason, fram-
kvæmdastjóri Foxtrot, var með
henni í skólanum í byijun og það var
einmitt hann sem bauð henni hlut-
verkið í þeirri kvikmynd.
„Ég var hér heima í heilt sumar
og vann við Foxtrot. Við vorum nán-
ast í útilegu það sumar því myndin
var tekin upp að mestu leyti úti á
landi. Allur hópurinn var þvi alltaf
saman. Það er talsvert annað en
vinnan við Magnús. Ég er aðeins
þrjá daga í upptöku þrátt fyrir að ég
sé í meðalstóru hlutverki. Magnús
er mjög íslensk mynd og ólík Fox-
trot. Þeim er ekki hægt að líkja sam-
an.“
Erfið sena
María fer með hlutverk Eddu í
Magnúsi. „Edda er frökk og tekur
lífmu létt. Hún er fordómalaus og
skemmtileg. Það var mjög erfið sena
sem var verið að taka upp á Borgar-
María Ellingsen í hlutverki sinu sem Edda í kvikmyndinni Magnús sem nú er i vinnslu. „Þetta var ein erfiðasta
senan min,“ segir María um heimsóknartimann á Borgarspítalanum þar sem hún þurtti aó gráta f heilan dag.
DV-mynd Kristján Ari
„Óþægilegt að
sjá sig á
hvíta tjaldinu"
- segir María Ellingsen, ung leikkona á uppleið
spítalanum. Þá reyndi bæði á ein- svona atriðum þarf maður að ganga að mig. Þó hef ég aldrei velt fyrir
beitingu og þolinmæði,“ segir María nyög nærri sér og ekki síður gefa af mér að fara að læra kvikmynda-
og á við atriðið er hún þurfti að gráta sér. Það er ólíkt að leika í kvikmynd gerð,“ segir María ennfremur. „Mér
yfir sjúkrabeði fóður síns. Atriöið eða á sviði,“ segir María. þykir reyndar mjög gaman að læra.
þurfti að taka upp aftur og aftur. „í „Kvikmyndagerö hefur alltaf heill- Og finnst það lúxus. Leiklistarskól-
inn var eríiður og reyndi mikið á
mann.“
Hef verið heppin
Eftir að hún kom heim frá námi
kynnti hún sig í leikhúsunum eins
og venja er. „Það varð til þess aö
Andrés Sigurvinsson bauð mér hlut-
verk í Ef ég væri þú eftir Þorvarð
Helgason. Ég hef verið heppin," segir
María.
Auk alls þessa stundar María nám
í Söngskólanum. „Það er líka tals-
verð vinna,“ segir hún. Snæbjörg
Snæbjamardóttir er kennari Maríu
í Söngskólanum en María telur að
æskilegt sé fyrir leikara að geta sung-
ið. „Ég neyddist til að syngja í verk-
um í New York á meðan ég kunni
ákaflega lítið að syngja,“ segir hún.
„Þetta kemur smátt og smátt en enn-
þá er langt í land með að ég geti sung-
iö,“ heldur María áfram og brosir.
Hættuleg kynni, sem María æfir
þessa dagana, er skemmtilegt verk
að hennar sögn. „Þó að undirtónninn
sé alvarlegur er mikill húmor í því.
Hættuleg kynni er verk sem er fullt
af erótík," segir María. Hún hefur
ekki áður leikið á stóru sviði þannig
að það verður nýtt fyrir hana. „Ég
er bæði farin aö hlakka til og kviða
fyrir frumsýningunni, hlakka þó að-
allega til, held ég. Verkið gerist á
átjándu öld og það er einmitt
skemmtilegt að leika í öðrum tíma.
Síðir kiólar. blúndur, hárkollur og
á verkið."
„Kaupmenn, prestar
og sjómenn“
Margir hafa kannski velt þvi fyrir
sér hver María Ellingsen sé. Flestir
þekkja verslunina Ellingsen en hver
er María? „Langafi og langamma
komu hingað til lands um aldamótin
frá Noregi, settust hér að og stofnuðu
þessa verslun. Annar afi minn var
Ellingsen sem kom frá Noregi og
hinn var Haraldur Níelsson, prófess-
or í guðfræði við Háskólann. Faðir
minn er Haraldur Ellingsen. Móðir
mín er frá Færeyjum, þannig að þaö
eru sjómenn, prestar, smiöir og
kaupmenn sem að mér standa. Við
systkinin erum fimm.“ Þess má geta
að faðir Maríu og Jón Óttar Ragnars-
son sjónvarpsstjóri eru systkina-
böm.
Engir leikarar era í ætt Maríu en
hún segir að leiklistin eigi hana alla
eins og er. Hún segir að ekki sé hægt
að setja samasemmerki milli hennar
sem persónu og Lísu sem hún lék í
Foxtrot. „Vegna þess hversu ólík ég
er sjálfri mér í myndinni þekkir mig
enginn á götu,“ segir hún.
Þegar Foxtrot var frumsýnd í ágúst
fannst Maríu skrýtið aö horfa á sig
á hvíta tjaldinu. „Það er óþægilegt
að vera á tveimur stöðum í einu. En
ætli það venjist ekki,“ segir María
Ellingsen sem að ári birtist okkur að
nýju á þessu margfræga tjaldi.
-ELA