Dagblaðið Vísir - DV - 15.12.1990, Blaðsíða 37

LAUGARDAGUR 15. DESEMBER 1990.
45
DV
Regnboginn:
Fimm nýjar
franskar
kvikmyndir
Það eru margir sem réttilega fár-
ast yfir því hversu lítið af evrópsk-
um kvikmyndum er sýnt í kvik-
myndahúsum í höfuðborginni.
Vonir standa til að á næsta ári
verði aðeins breyting á. Háskólabíó
hefur ákveðið að sýna evrópskar
kvikmyndir reglulega og Regn-
boginn er búinn að kaupa sýning-
arréttinn á fimm nýjum frönskum
kvikmyndum sem fjallað verður
um aðeins hér. Þegar er hyrjað að
sýna eina þeirra og hinar verða
sýndar með jöfnu millibili á næsta
ári.
Skúrkar (Les Ripoux) heitir
myndin sem nú er sýnd. Fjallar
hún um tvær vafasamar löggur
sem leiknar eru af Philippe Noiret
og Thierry Lhermitte. Þessir heið-
irsmenn fá samviskubit yflr gerð-
um sínum og ákveða að gerast
heiðarlegir, en þeir eru fljótir að
sjá að það er lítið að græða á þvi
að vera heiðarlegur, sérstaklega
þegar allir aðrir eru óheiðarlegir.
Aðrir þekktir, franskir leikarar
sem leika í Skúrkum eru Guy
Marchant, Michel Aumont og Je-
an-Claude Brialy sem þeir ættu aö
kannast við sem fóru í kvikmynda-
hús fyrir tveimur áratugum eða
þegar franskar kvikmyndir voru
algengar í bíóhúsum. Leikstjóri er
Claude Zidi.
La Gloire de mon Pére og Le Cha-
tau de ma Mére eru í raun ein kvik-
mynd sem skipt er í tvo hluta. Fjall-
ar myndin um Marcel allt frá barn-
æsku.til fullorðinsára.
Strax í skóla kemur í ljós að
Marcel er óvenju gáfaður. Veldur
það föður hans mikilli ánægju en
móður hans áhyggjum. Fyrri
myndin íjallar nær eingöngu um
barnæsku hans og viðkvæmt sam-
band hans við sína nánustu.
í seinni myndinni hefur Marcel
þroskast. Hann er samt enn sama
gáfnaljósið en nú koma fleiri
manneskjur við sögu í lífi hans og
hann kynnist ástinni í fyrsta skipt-
ið.
La Gloire de mon Pére og Le
Chateu de ma Mére hafa fengið af-
bragðs viðtökur bæði hjá gagnrýn-
endur og almenningi og er sú síðar-
nefnda vinsælasta kvikmyndin í
Frakklandi það sem af er vetri.
Leikstjóri beggja myndanna er
Yves Robert.
La petite voleuse er byggð á hand-
riti sem hinn látni meistari Fran-
cois Truffaut lét eftir sig. Gerist
myndin á sjötta áratugnum. Aðal-
persónan er Janine, ung bráð-
þroska stúlka sem er falleg og
sjarmerandi og er mitt á milli þess
að vera barn og kona. Janine var
ekki viðurkennd af móður sinni.
Hún er alin upp af frænda sínum
og frænku og er þeim byrði. Til að
fyfla upp í tilbreytingarlaust líf sitt
stelur Janine úr búðum og í skólan-
um sem hún gengur í.
Kvikmyndavélin sýnir okkur í
gengum linsuna sjónarhorn stúlk-
unnar, hvernig það er að lifa lág-
stéttarlífi og hvernig millistéttin
lítur niður á fólk af hennar tagi.
Janine þráir ást en henni virðist
það meinað líka. Sér til verndar
ákveður hún að gerast fullorðin...
Janine er leikin af ungri leik-
konu, Charlotte Gainsbourg, sem
hefur fengið mikið lof fyrir leik
sinn í myndinni. Leikstjóri er
Claude Miller.
Fimmta myndin er verðlauna-
myndin Trop belle pour toi sem
leikstýrt er af einum þekktasta
leikstjóra Frakka í dag, Bertrant
Blier. Segir þar frá hinum klass-
íska þríhyrningi á nokkuð óvenju-
legan máta.
Oftast er það þannig að annar
aðilinn í hjónabandi verður ást-
fanginn og heldur fram hjá. Hér er
aftur á móti fjallað um mann sem
býr með „hjákonunni" og á með
henni tvö börn, hittir fyrir aðra
sem hann telur verðuga eiginkonu
sína og giftist henni. Aðalhlutverk-
ið leikur vinsælasti leikari Frakka
í dag, Gerard Depardieu, ásamt
Josiane Balasko og Carole Bouqu-
et.
-HK
Kvikmyndir
Hilmar Karlsson
Lögregluskúrkana tvo leika hinir þekktu frönsku leikarar Philippe Noiret
og Thiery Lhermitte.
Kvikmyndir
Rocky Balboa (Sylvester Stallone) er fyrir utan hringinn
í Rocky V.
Frægt er orðið hvernig Sylvester Stallone barðist fyrir
því að láta hnefaleikakappann Rocky deyja í lok flmmtu
kvikmyndarinnar. Hann tapaði þeirri orrustu. Fram-
leiðendur töldu það dauðadóm í aðsókn fyrir myndina.
Stallone hefur þó greinilega fengið ýmsu að ráða við
gerð myndarinnar þegar litið er yfir söguþráðinn. Hann
er á allt öðrum nótum en fyrri Rocky myndirnar.
Söguþráðurinn er tekinn upp þar sem Rocky IV end-
aði. Rocky Balboa kemur heim frá Rússlandi þar sem
hann varði heimsmeistaratitil sinn gegn Drago. Hann
veit ekki betur en að allt sé í lagi hjá honum og hann
geti hætt að keppa vitandi það að framtíð hans sé borg-
ið íjárhagslega.
Fljótlega eftir heimkomuna uppgötvast aö öll þessi
slagsmál hafa farið illa með hann og hætt er við að heil-
inn í honum skemmist. Eins' og þetta sé ekki nóg þá
kemst hann að því að bókhaldari hans og mágur hafa
verið að leika sér með peninga hans og tapað öllu. Þeg-
ar svo skatturinn rukkar hann um ógreidda skatta verð-
ur hann að selja villuna sína til að geta borgað.
Rocky flytur því ásamt fjölskyldu sinni í hverfið í
Fíladelfiu þar sem hann ólst upp. Honum er sama þótt
lúxusinn sé horfinn en fjölskylda hans er orðin vön hinu
ljúfa lífi og vill halda því áfram. Þrátt fyrir freistandi
tilboð um að koma aftur í hringinn neitar hann, enda
mundi það aðeins flýta fyrir dauða hans.
Á sama tíma hefur ungur boxari nauðað í honum að
gerast þjálfari sinn. Rocky lætur loks tilleiðast, þó hann
sé í váfa um getu sínma sem þjálfari. Nú fer ævintýrið,
sem byrjaði í fyrstu myndinni, að endurtaka sig þótt
Rocky sé ekki sá sem klæðist boxhönskum.
Eins og sjá má er hetjuljóminn farinn af Rocky og
kominn á annan einstakhng. Má eiginlega segja að Stall-
one, sem skrifar handritið, hafi orðið að ósk sinni að
, jarða" boxarann Rocky, en uppistandandi er manneskj-
an Rocky Blaboa. Leikstjóri Rocky V er John G. Avilds-
en en það var einmitt hann sem leikstýrði fyrstu Rocky
myndinni og hlaut hann óskarsverðlaun fyrir. Rocky V
verður fljótlega á næsta ári sýnd í BíóhöJlinrú. -HK
Metsölubókin eítir
Myrah Lawrance
loksins komin út
í þýðingu
Ásgeirs Ingólfssonar.
^Allt sem þú vilt fá að vita
um framtíðina og sjálfan þig, lestu úr lófa þínum
Fæst í öllum helstu bókaverslunum. Póstkröfusími: 91-72374.
útgáfunónusun