Ársrit Ræktunarfélags Norðurlands - 01.01.1916, Side 28

32
Ársrit Ræktunarfélags Norðurlands.
þar, sem þær eiga að vaxa, eða þá sendar eitthvað útí
buskann til þeirra, sem viija og framkvæmd hafa til
þess að byrja á trjáplöntun. Svona plöntur eigið þið að
panta. F*ær bíða minstan hnekki við flutninginn meðan
þær eru ungar.
Og hér erum við komin að grenikonginum sjálfum.
Hann mun fylgja öldinni. Pað er að segja frá því til
hans var sáð. Síðan ólst hann upp undir handarjaðri
Jóns heitins Stefánssonar, er annaðist hér stöðina fram
til 1908. Hann losaði kringum nýgræðinginn og vökvaði
endrum og eins með áburðarvatni. Þess skuluð þið minn-
ast seinna meir, er þið farið að rækta trjáplöntur, því nú
er hann fyrir það stærsta grenitré á íslandi, það eg til
veit, 2,45 mt. á hæð. Mynd af grenikonginum fylgir hér
með á næstu blaðsíðu. Þar krýpur fjallafuran að fótskör
hans, en fóstri hans stendur honum við hlið. Hann tók
við honum sem drenghnokka um álnarháum, en nú er
hann vaxinn honum yfir höfuð, enda er honum ætlað
að sjá um sig sjálfum úr þessu.
Héðan sjáum við líka þvers á trjáraðirnar eins og inn
í skógarþykni. Pað er mest reyniviður, en þó nokkuð af
birki á bak við. Þetta er sýnt á myndinni, sem er næst
á eftir myndinni af grenikonginum. Stendur þar mað-
ur við fremstu trén lil þess að sýna hæð þeirra, en
hún er frá 4,20 — 4,85 mt. Mynd þessi er tekin í október
siðastliðið haust, svo laufið var talsvert farið að falla.
Og hér rétt hjá oss er hæsti reynirunninn, vaxinnaffræi
frá 1900. Hann hefi eg aldrei haft hörku í mér til þess
að grisja nægilega og því er hann altof þéttur, en hæð
hans er 5,20 mt. (16,5 fet). Svo niðri í horninu þarna
sjáið þið einkennilegt reynitré, það er kynblendingur að
ætt (Sorbus hybrida), en það er þróttmikið að vexti og
hefir gildastan stofn allra trjáa í stöðinni, 36 cm. að um-
máli í álnarhæð. Það er 4,88 mt. að hæð.