Ársrit Ræktunarfélags Norðurlands - 02.02.1952, Qupperneq 8

8
en Stefán Stefánsson hóf umræður, og síðan tók til niáls Páll
Briem, sem stjórnaði fundinum. Mæltu þeir báðir kröftug-
lega með félagsstofnuninni. Því næst voru borin upp og sam-
þykkt lög fyrir félagið, sem Páll Briem hafði átt mestan þátt
í að semja. Var þá nafn þess ákveðið Rœktunarfélag Norður-
lands. Þá voru samdar og samþykktar fjárhagsáætlanir fyrir
árin 1903 og 1904. Voru niðurstöðutölur þeirra 4000 kr. og
11000 kr. Var þar drýgsti tekjustofninn áætlaður landssjóðs-
styrkur, 10 þús. krónur.
Loks voru þeir kosnir í stjórn: Páll Briem, Sigurður Sig-
urðsson og Stefán Stefánsson. Hinn 14. júní skiptu þeir með
sér störfum þannig, að Páll varð formaður, Stefán ritari og
Sigurður gjaldkeri.
Á fundinum ríkti mikill áhugi og bjartsýni um framtíð
félagsins. Var stofnunar þess vinsamlega getið í blöðum hér
nyrðra, einkum þó í Norðurlandi, sem þá var undir stjórn
Einars Hjörleifssonar. Farast blaðinu m. a. svo orð: „Ekki
leynir það sér, að hér er verið að vinna eitt hið fegursta nyt-
semdarverk, sem unnið verður fyrir þetta land — að vekja
áhuga á menningu og framförum þjóðarinnar." Líkt þessu
munu margir hafa hugsað þá hér norðanlands, en hversu vel
menn tóku stofnun félagsins sést bezt af því, að á fundinum
11. júní voru skrásettir félagsmenn 553. Með þenna álitlega
félagafjölda að bakhjarli, árnaðaróskir og góðvild alls þorra
Norðlendinga og bjartsýni og þekkingu forystumanna sinna,
lióf Ræktunarfélag Norðurlands störf sín vorið 1903.