Ársrit Ræktunarfélags Norðurlands - 02.02.1952, Blaðsíða 45

45
Vera má að einhverja vanti í skrá þessa, en fleiri hef ég
ekki getað fundið í bókum félagsins. En eitt sýnir skráin
Ijóslega, að í flokki þessara manna er að finna ýmsa jrá, er
fremst hafa staðið í búvísindum landsmanna um langt skeið.
Auk leiðbeininga þeirra, er liér er getið, hafa framkvæmd-
arstjórar félagsins ætíð haft miklar bréfaskriftir við bændur
víðs vegar um félagssvæðið, svarað fyrirspurnum og veitt
leiðbeiningar um fjölda vandamála. Voru á hverju ári
hundruð slíkra bréfa send frá skrifstofu félagsins, og liggur
mikið starf þar að baki.
3. Arsritið. I stofnlögum félagsins var svo kveðið á, að það
skyldi gefa út árlega skýrsslu um störf sín, og sjái það sér
fært að gefa út tímarit eða smáritlinga um jarðrækt. Skyldi
það allt látið félögunum í té ókeypis. Arsrit félagsins hóf
þegar göngu sína 1904, og hafa nú alls komið út af því 48 ár-
gangar. Núverandi árgangur er 49.—50. árg. saman. Af fjár-
hagsástæðum, hefur Ársritið samt ekki stundum komið út
nema annað hvort ár, einkum nú seinni árin. Alls er stærð
Ársritsins 3945 bls., og er nú annað elzta búfræðitímarit
landsins og meðal hinna elztu tímarita er nú koma út á ís-
landi. Svo var til ætlast, að Ævitillagasjóður mundi að mestu
leyti fá staðið straum af kostnaði Ársritsins. En síðan verðlag
hækkaði, hefur svo farið, að vextir hans hafa naumast hrokk-
ið fyrir 1/10 hluta kostnaðarins.
En hvað, hefur þá Ársritið flutt? Samkvæmt ákvæðum
laga Rf. hefur það árlega flutt skýrslur um starfsemi félags-
ins. Eru þær tvíþættar. Annars vegar fundargerðir og reikn-
ingar, og er þar hin fyllsta heimild um sögu félagsins. Hins
vegar eru svo skýrslur um tilraunirnar, sem að sjálfsögðu
fylla mun meira rúm .Þær eru að vísu misjafnlega fullkomn-
ar, en síðan Olafur Jónsson tók við framkvæmdarstjórn eru
þær í föstu formi, og af hinni fyllstu nákvæmni. Engar aðrar
jafn samfelldar og nákvæmar tilraunaskýrslur eru til á ís-
lenzku. Þótt Ársritið hefði ekkert annað flutt, þá væri það