Ársrit Ræktunarfélags Norðurlands - 02.02.1952, Qupperneq 51

51
an af, óx sjóðurinn hægt, svo að fyrst 1926 þótti fært að setja
honum skipulagsskrá. Var þá ákveðið að verja skyldi vöxt-
um hans, til þess að kosta útgáfu Ársritsins, svo og annarrar
útgáfustarfsemi, ef kleift væri.
Þegar amtsráð Norðuramtsins lagðist niður, ákvað það á
síðasta fundi sínum, 10. júní 1907, að afhenda Rf. búnaðar-
sjóð amtsins. Var hann þá rúmar 3000 kr. Skipulagsskrá hans
var samþykkt á aðalfundi félagsins 1908, og var þá ákveðið
að verja 3/4 ársvaxta „til verðlauna handa þeim félagsmönn-
um, sem sýnt hafa eftir ástæðum, framúrskarandi dugnað og
áhuga í jarðrækt og kvikfjárrækt. Aðalfundur 1933 breytti
skipulagsskránni í þá átt, að verja skyldi 4/5 ldutum árs-
vaxta, til að greiða fyrir efnarannsóknir er Rf. lætur gera,
eða styrkja stofnun og starfrækslu efnarannsóknastofa í þágu
landbúnaðarins á Norðurlandi, ef hún kæmist á fót.
Magnús Jónsson, úrsmíðameistari á Akureyri, er andaðist
24. júní 1905, ánafnaði Rf. 3000 kr. í arfleiðsluskrá sinni.
Var af því fé stofnaður sjóður, Gjafasjóður Magnúsar Jóns-
sonar, og var honum sett skipulagsskrá á aðalfundi 1913.
Þegar sjóðurinn hefði náð 4000 kr. skyldi 2/3 ársvaxta varið
annað tveggja til „til að verðlauna þá karla og konur, sem
sýnt hafa frábæran dugnað í garðyrkju, eða styrkja efnilega
garðyrkjumenn." Þessu var breytt svo á aðalfundi 1933, að
3/4 ársvaxta skuli varið til að styrkja garðyrkjukennslu í
Gróðrarstöð Rf.
Minningarsjóður Moritz Fraenckels var stofnaður af gjöf-
um, er M. Fraenckel, stórkaupmaður í Gautaborg, gaf félag-
inu. En svo stóð á því, að Sigurður Sigurðsson kynntist hon-
um lítilsháttar í Gautaborg 1902. Sagði Fraenckel við hann
að skilnaði: „Ef yður vantar fé til að láta gera einhverjar til-
raunir á Islandi eða til kennsluáhalda í skólanum, þá megið
þér leita til mín.“ Þegar Rf. var stofnað, skýrði Sigurður
honum frá því, og sendi hann síðan næstum árlega félaginu
300 kr. að gjöf meðan hann lifði, en hann lézt 1910. Af gjöf-
4*