Ársrit Ræktunarfélags Norðurlands - 02.02.1952, Síða 80

80
Einhver kann að segja, að þetta sé þegnskylduvinnan
gamla. En það er víðs fjarri, að svo sé. Markmið þegnskyldu-
vinnunnar átti að vera það, að útvega ódýrt vinnuafl til arð-
bærra nytjastarfa, svo sem vegalagningu og brúargerða, rækt-
unarframkvæmda hjá bændum o. s. frv. Elún var hagspeki-
legs eðlis, sérskattur á æskumenn, er greiddist með framlagi
vinnu. Hér er ekki að ræða um neitt hagsmunamál, heldur
um landvörn, útboð til óarðbærra landvarnarstarfa til bar-
áttu gegn náttúruöflum, sem eru markvíst að breyta landi
voru í eyðimörk, feykja og skola gróðurmold þess undan fót-
um vorum, binda enda á lífsmöguleikana í landinu og breyta
því í gróðurlausa grjótauðn. Þessi óvinur hefur viðstöðulaust
fengið að herja og eyða landið í ellefu aldir. Nú er fyllilega
tími til kominn, að honum sé viðnám veitt.