Ársrit Ræktunarfélags Norðurlands - 01.01.1961, Blaðsíða 8
8
sprottið til þurrheysgerðar, veldur það of mikilli stöðvun í
sprettunni og ófullnægjandi endursprettu.
Á íslandi hafa bændurnir að sjálfsögðu þegar tekið af-
stöðu til margra þátta votheysgerðarinnar og mótað aðferð-
ir, sem bezt henta á hinum ýmsu býlum, með hliðsjón af
hagkvæmastri nýtingu vinnu og tækni og valið þær aðferðir
við gerð votheysins, er bezt henta á hverjum stað.
En ný viðhorf koma sífellt fram, og því skulu nú raktir
nokkrir höfuðþættir þessarar heyverkunar:
Votheysgerðir.
Upphaflega aðferðin við votheysgerð, að láta heyið gerjast
af sjálfu sér án íblöndunar, reyndist víðast hvar óhagkvæm.
Efnatapið varð alltof mikið, gæðin léleg og öryggið lítið.
Smám saman kom þó í ljós, að léleg tækni, svo sem eins og
það, að loftið var ekki pressað nógu fljótt úr heyniu, átti að
nokkru sök á misfellunum og þegar bætt hafði verið um
mistökin, kom í ljós, að mögulegt er að gera gott vothey úr
ýmsum jurtagróðri án íblöndunarefni. Samkvæmt danskri
reynslu verður þó að leggja áherzlu á eftirfarandi atriði, ef
íblöndunarefnum er sleppt og er þá gengið út frá ungum,
ótrénuðum jurtagróðri, sem hentar vel til votheysgerðar:
1. Magn af léttleysanlegum kolvetnum verður að vera að
minnsta kosti 2—3 sinnum meira en hráproteinið f liráeggja-
hvíta). Skal þá bent á, að sterkja gerjast mun hægar en syk-
ur. Sænskar tilraunir, sem fengið hafa stuðning af dönskum
tilraunum, sýna, að sé malti blandað í sterkjuríkan gróður
fæst betri árangur við votheysgerðina. Maltíblöndun hefur
þó sennilega litla þýðingu fyrir ísland.
2. Því betur sem gróðurinn er saxaður og pressaður sam-
an, því fyrr tæmist loftið úr heyinu en það hindrar, að í því
hitni. Helzt þarf að hindra, að hitinn fari yfir 30° C í vot-
heysgeymslunum, en það getur reynzt örðugt, einkum ef
hlýtt er í veðri.
3. Því votara sem grasið er, því örðugra er að losna við