Ársrit Ræktunarfélags Norðurlands - 01.01.1961, Blaðsíða 102
102
og nú væri athugandi fyrir bændur landsins að hefja
ræktun á fóðurkorni, en til landsins mundi nú flutt árlega
um 20 þúsundir smálesta af fóðurkorni, en þörfin fyrir fóð-
urkorn myndi aukast á næstu árum. Þá sagði ræðumaður, að
á þessu ári hefði kornrækt á Suðurlandi, einkum á söndum
í Rangárvallasýslu, hafizt á um það bil 300 ha. landsvæði, en
á öllu landinu mundi nú í sumar hafa verið sáð í um 500 ha.
lands. Nú væri uppskeru lokið, og mundi hún hafa gefið að
meðaltali 16—20 tunnur af byggi eða höfrum af ha. Sumar-
ið hefði þó að ýmsu verið óhagstætt til kornræktar, því seint
hefði vorað á Austurlandi, og sumarhiti hefði reynzt vera
undir meðallagi alls staðar. — Á Suðurlandi hyggja menn á
aukna kornrækt, og nú þarf að athuga möguleika fyrir slíku
hér á Norðurlandi. Nú hefur ný þekking á þessu sviði og ný
tækni með stórvirkum vélum komið til söarunnar, svo og
samyrkja margra bænda, en samt sem áður mun kornræktin
hér alls ekki vera árviss, einkum hér norðanlands, en getur
orðið mikil lyftistöng fyrir landbúnaðinn. Þá lýsti ræðumað-
ur ýmsum tækjum og aðferðum, sem nota ber við kornrækt
ina, svo og því áburðarmagni, sem nauðsynlegt er, miðað við
breytilegan jarðveg. Við kornræktina væri sáðskipti á land-
inu nauðsynleg. — Að endingu sýndi ræðumaður litmyndir
frá hinum ýmsu kornræktarstöðum í Rangárvallasýslu, þar
sem kornrækt og kornræktartilraunir eru gerðar. — Þetta
fróðlega erindi dr. Björns Sigurbjörnssonar var þakkað af
formanni og fundarmönnum.
Næstur tók til máls Ólafur Jónsson, framkvæmdastjóri.
Ræddi hann kornræktarmálin yfirleitt, tilraunir og reynslu
manna hér á liðnum áratugum, og sagði frá margra ára
reynslu sinni í þessum efnum, meðan hann var tilraunastjóri
og framkvæmdastjóri Ræktunarfélags Norðurlands. Sagði
hann kornrækt hefði yfirleitt ekki heppnazt vel hér norðan-
lands á undanförnum áratugum, og því lagst niður víðast
hvar. Olafur kvað reynslu sína hafa verið þá, að bygg hefði
ekki orðið fullþroskað hér nema ca. 3 ár af hverjum fjórum.