Ársrit Ræktunarfélags Norðurlands - 01.01.1975, Qupperneq 48

var reiknaður, sem summan a£ auðri jörð í fjórðungum
hvern dag hlákunnar, þannig að dagar með snjóhulu 0, 1,
2 og 3 fengu eyðueinkunn 4, 3, 2 og 1.
Svelldagar voru taldir frá því að hlákunni lauk og þar til
ný hláka olli því að minnst þrír dagar með snjóhulu 1 eða 0
komu hver á fætur öðrum. Telja má líklegt að eitthvað af
svellunum hverfi í slíkum hlákum.
Vatnsmagnið í vorleysingunum var talin úrkoman 30 dög-
um áður en jörð varð auð að viðbættu vatnsmagninu í
snjónum, sem hlánaði á þessum tíma. Var mestu snjódýpt á
þessum 30 dögum breytt í vatn, og þar sem þetta er venju-
lega vetrarsnjór var reiknað með eðlisþyngdinni 0,30 g/cm3
(NJÖS 1968). Loks var talin saman úrkoman fyrstu þrjár
vikurnar eftir að jörð varð varanlega auð að vori. Þessar
vatnsmagns- og úrkomuathuganir ættu að geta gefið til
kynna hvort vatn að vori í of litlum eða of miklum mæli
hefði einhver áhrif á kalskemmdirnar, þ. e. hvort um vatns-
kal eða þurrakal væri að ræða á þessum tíma.
Þeir sjö þættir, sem hér hafa verið skýrðir voru síðan
bornir saman við kalskemmdir. Var reiknuð fjölfylgni
þeirra við kalskemmdir og þeir reyndir í fleiri samstæðum.
Var þetta gert á öllum veðurathugunarstöðvunum nema
Grímsstöðum og Reykjahlíð.
NIÐURSTÖÐUR
a. Samband ýmissa veðurfarsþátta og kalskemmda.
Átján útreiknaðir veðurfarsþættir voru bornir saman við
kalskemmdir á fyrrgreindu átta ára tímabili í tíu hreppum
norðanlands. Eru niðurstöður fylgniprófunarinnar fyrir sex
slíka þætti sýndir í töflu 1. Eru hér sýndir tveir þættir er
lúta að hita, tveir úrkomuþættir og tveir snjóþættir. Eru
einungis sýndir þeir tveir þættir hvers hóps, er í heild
fylgdu kalskemmdum bezt. Aðrir þættir, sem voru með í
útreikningunum virtust svipaðir eða hafa minna gildi.
Fyrst kemur berlega fram að hitaþættir sýna neikvæða
51