Árbók Landsbókasafns Íslands - Nýr flokkur - 01.01.1985, Page 5

JÓN HELGASON
Bækur og handrit á tveimur húnvetnskum
höfuðbólum á 18du öld
Um bækur og handrit í Víðidalstungu í tíð Páls lögmanns Vídalíns
(1667-1727) og á Þingeyrum í tíð Bjarna sýslumanns Halldórssonar
(1703-73), tengdasonar Páls, er tiltölulega mikil vitneskja varðveitt.
Aðalheimildirnar eru þrjár skrár sem hér verða táknaðar A, B og C:
A: Skrá um bækur, flestar skrifaðar, sem Arni Magnússon mæltist
til að fá keyptar, eða réttara sagt greiddar upp í skuld, úr dánarbúi
Páls Vídalíns 1728.
B: Skrá um handrit og bækur Páls Vídalíns sem fóstursonur hans,
Jón Ólafsson úr Grunnavík, hefur tekið saman í Kaupmannahöfn
eftir minni.
C: Skrá handrita sem Bjarni Halldórsson lét eftir sig. Hún er
einungis til í uppskrift eftir skipta-aktinum, sem kallaður er, en það
skjal er sjálft glatað.
Hér á eftir verður vitnað til fáeinna bóka með skammstöfuðum titli:
ANF — Arkiv för nordisk filologi.
BiblArn = Bibliotheca Arnamagnæana.
Embedsskrivelser = Arne Magnussons Embedsskrivelser og andre
offentlige aktstykker, 1916.
ÍRSA = íslenzk rit síðari alda.
ÍÆ = Páll Eggert Ólason, íslenzkar Æviskrár.
KatAM = Kálund, Katalog over Den Arnamagnæanske Hánd-
skriftsamling.
KatKB = Kálund, Katalog over de oldnorsk-islandske hándskrift-
er i Det store Kongelige Bibliotek og i Universitetsbiblioteket, 1900.
PrivBrevv. = Arne Magnussons Private Brevveksling, 1920.
Skrá = Páll Eggert Ólason, Skrá um handritasöfn Landsbóka-
safnsins.