Frjáls verslun - 01.10.1967, Qupperneq 31

FRJÁLS VERZLUN
31
tvær: í fyrsta lagi hafa Austur-
Evrópuríkin, einkum Sovétríkin
og Pólland, stóraukið fiskfram-
leiðslu sína og þurfa því ekki að
flytja inn eins mikið magn af
fiski og áður. í öðru lagi hafa ýms-
ar vörur, sem áður voru háðar
innflutningsleyfum og mikið flutt-
ar inn frá Austur-Evrópu, verið
settar á frílista og verið fluttar
meira inn frá frjálsgjaldeyris-
löndum síðan. Þó hafa íslenzk
stjórnarvöld verndað viðskiptin
við Austur-Evrópu með ýmsum
ráðstöfunum. Meginhlutinn af olí-
um og benzini er t. d. fluttur inn
frá Sovétríkjunum eða 395 tonn
í ár. Og stærsti hlutinn af strá-
sykri er fluttur inn frá Tékkósló-
vakíu og Póllandi.
BATNANDI
FRAMLEIÐSLUGÆÐI.
Framleiðslugæði vara frá Aust-
ur-Evrópu hafa batnað mikið hin
síðari ár, og eru ríki þessi á mörg-
um sviðum nú alveg samkeppnis-
fær, hvað varðar verð og gæði.
Hefur salan á mörgum vöruteg-
undum frá A.-Evrópu haldizt hér,
enda þótt slíkar vörur hafi verið
settar á frílista. Innflutningur á
öðrum vörutegundum að austan
hefur hins vegar dregizt saman,
eftir að hömlur á innflutningi
þeirra voru afnumdar. Svo er t. d.
um járn og timbur, sem mikið
hefur verið flutt inn frá Sovétríkj-
unum, en þær vörur voru settar
á frílista í janúar 1966. Er það þó
ekki fyrst og fremst vegna þess,
að gæði þessara vara þyki betri
í vestrænum ríkjum, heldur vegna
þess, að afgreiðsla þessara vara
er hraðari og liprari í frjálsgjald-
eyrislöndum en í Austur-Evrópu-
ríkjunum.
SÖLUERFIÐLEIKAR.
Það er fyrst og fremst síld, freð-
fiskur og fiskimjöl, sem Austur-
Evrópuríkin hafa keypt af íslend-
ingum. Fyrstu 3 árin eftir stríð
áttu íslendingar veruleg viðskipti
við Rússa, en síðan féllu þessi við-
skipti niður og hófust ekki á ný
fyrr en 1953. En það ár var gerð-
ur 2ja ára viðskiptasamningur
milli íslands og Sovétríkjanna og
samkvæmt honum keyptu Rússar
m. a. af okkur 21 þús. tonn af
frystum fiskflökum, 10 þús. tonn
af Suðurlandssaltsíld, 3000 tonn
af freðsíld og 80000 tunnur af
saltaðri Norðurlandssíld. Hafa síld
og freðfiskur síðan verið hefð-
bundnir liðir í viðskiptasamning-
um fslands við Sovétríkin. í gildi
er nú 3ja ára viðskiptasamningur
við Sovétmenn. Samkvæmt hon-
um geta Sovétmenn keypt árlega
af okkur 12—15 þús. tonn af fryst-
um flökum, 5 þús. tonn af heil-
frystum fiski og 10—15 þús. tonn
af saltsíld. Er það þó undirveiðum
okkar komið, hvort unnt er að
flytja allt þetta magn út til Sovét-
ríkjanna árlega. Tékkar, Pólverjar
og Austur-Þjóðverjar hafa einnig
keypt af okkur mikið af freðfiski
og síld. Þó reynist æ erfiðara að
selja þessar fiskafurðir til þessara
landa. Pólverjar létu þess getið í
síðustu samningaviðræðum, sem
fram fóru í Reykjavík í haust, að
fyrirtæki þau í Póllandi, sem
hefðu með höndum matvælakaup,
hefðu nú frjálsari hendur en áður
um slík innkaup. Þau keyptu nú
vörurnar þar, sem hagkvæmast
væri hverju sinni. Yrðu íslend-
ingar því að reka aukna sölustarf-
semi í Póllandi, ætluðu þeir að
selja áfram fisk þangað. Er aug-
ljóst, að íslendingar verða að stór-
auka sölustarfsemi í Austur-
Evrópulöndunum vegna hinnar
nýju stefnu þar, ætli þeir ekki
að missa markaði sína í þessum
löndum.
LEIT AÐ NÝJUM
MÖRKUÐUM.
íslendingar verða að gera sér
það ljóst, að ríki þau í Austur-
Evrópu, sem auka fiskveiðar
sínar og fiskframleiðslu ár frá
ári, munu ekki hafa eins mik-
inn áhuga og áður á innflutningi
fisks frá íslandi. íslendingar verða
því einnig að huga að nýjum
mörkuðum fyrir síldarafurðir sín-
ar.
□IIMERS CLUB
(CREDIT CARD)
AÐALUMBOÐ:
Austurstræti 6,3ja hæð. Sími18354

er
rétti
tíminn
til
að
panta
dagatöl
eru bezta auglýsingin
allan ársins hring
Talift t’/ð ahliBEt'
fyrst
30 ára reynsla í
framleiðslu dagatala
Félagsprent-
smiðjan h.f.
SPÍTALASTÍG 10 - SÍMI 1-16-40