Frjáls verslun - 01.05.1995, Blaðsíða 55

ERLENT
GAGNRYNIÐ
YFIRMENN
Æðstu yfirmenn þýska fyrirtækisins
Siemens, sem var með 60,4 milljarða
dollara sölu á sl. ári, kalla þær nýju
áherslur, sem orðið hafa í rekstri
fyrirtækisins, menningarbyltingu.
Áhersla verður lögð á uppfinningar og
þjónustu við viðskiptavini, og starfs-
menn mega gagnrýna yfirmenn sína
og tjá þeim hugmyndir sínar. Vinnu-
sálfræðingur fyrirtækisins aðstoðar
stjórnendur við að sinna hlutverki
sínu, og dagar endalausra funda,
ómarkvissra rannsókna, samþykkt-
arbeiðna og hræðslunnar við að taka
áhættur, eru liðnir. Forstjórinn Hein-
rich von Pierer segir þetta algjörlega
nýjan hugsunarhátt, en hann kom á
fót sérstökum starfshópum til að
hanna nýjar vörur og finna nýja mark-
aði, réði nýja kynslóð deildarstjóra á
fertugsaldri, lagði niður tvö lög milli-
stjórnenda, gaf svæðistjórum frelsi til
að skera niður kostnað og gera tilboð í
verkefni, auk þess sem hann skyldaði
rannsóknarstofur til að vinna beint
með framleiðsludeildum. Við breyt-
ingamar hefur samvinna aukist í
Hjá Siemens eiga starfsmenn að gagnrýna yfirmenn og tjá þeim hugmyndir
sínar.
deildum fyrirtækisins. Rekstrarein-
ingar fyrir 2 milljarða dollara voru
seldar, 7,5% vinnuaflsins var sagt
upp og útibú voru sett upp í Asíu og
Austur-Evrópu til að ná til nýrra við-
skiptavina og lækka kostnað.
BESTU flUGLÝSINGARNAR 1994
Þó nokkuð sé liðið á árið ’95 hafa lesendur Business
Week tíunda árið í röð valið þau fyrirtæki, sem eftir-
minnilegust þóttu á árinu ’94 fyrir auglýsingaherferðir
sínar. Könnunin var gerð af Roper Starch Worldwide
Inc., sem er óháð rannsóknarfyritæki og viðurkennt
fyrir lesendakannanir sínar í prentiðnaðinum. Eftirtöld
fyrirtæki voru valin: Amoco Chemicals, Andersen
Consulting, Digital Equipment, Fortis, Fujitsu, GE
Capital, IBM, Morgan Stanley Group, Norfolk Sout-
hern, Siemens, Sun Microsystems og Unisys. Athygli
vekur að Amoco Chemicals, Digital Equipment og
Siemens eru á þessum lista fimmta árið í röð, Fujitsu,
Norfolk Southern og Unisys með í fjórða sinn á sama
tíma, og IBM í þriðja skipti yfir sama tímabil.
Auglýsingin frá Amoco Chemicals, ein af þeim bestu.
TEXTI: STEFÁN FRIÐGEIRSSON
55