Frjáls verslun - 01.05.1995, Blaðsíða 60
FOLK
GUNNARINGIMUNDARSON, HUG HF.
„Fyrirtækið Hugur hefur
þróast smátt og smátt og
hvert verkefni leitt af öðru.
Við sérhæfðum okkur í hug-
búnaðargerð fyrir fram-
leiðslufyrirtæki, hönnuðum
síðan tímaskráningarkerfi
og höfum nú tengt það við
viðskiptahugbúnaðinn Con-
corde en þær lausnir höfum
við þróað í samvinnu við
danskt fyrirtæki,“ segir
Gunnar Ingimundarson,
framkvæmdastjóri Hugar
hf.
Gunnar er 39 ára. Hann
varð stúdent frá M.R. 1976
og lauk prófi úr viðskipta-
deild H.í. 1981. Hann hóf
störf hjá Félagi íslenskra
iðnrekenda 1982 og vann
þar þangað til Hugur var
stofnaður 1986.
„Ingjaldur Hannibalsson
réði mig í tæknideild FÍI og
varð ég tölvuráðgjafi fyrir
félagsmenn sem vildu koma
sér upp tölvubúnaði. Á há-
skólaárunum fiktaði ég við
tölvur hjá Þjóðhagsstofnun,
undir leiðsögn Sigurðar B.
Stefánssonar, en þegar ég
var í H.í. var kennt á gamla
spjaldakerfið. Starf okkar í
tæknideild FÍI leiddi út í
þróun hugbúnaðar fyrir fé-
lagsmenn og þar kviknaði
hugmyndin að sjálfstæðum
rekstri. Við stofnuðum Hug
1986 og voru starfsmenn
fjórir í upphafi en þeir eru nú
orðnir 24,“ segir Gunnar.
TÍMASKRÁNINGARKERFIÐ
ÚTVÖRÐUR
Gunnar segir að fyrirtæk-
ið hafí vaxið í hæfilegum
skrefum. Starfsmenn eiga
um helming hlutafjár og fyrir
nokkrum árum eignaðist
Þróunarfélag íslands tals-
verðan hluta í fyrirtækinu.
„Eitt af fyrstu verkefnum
okkar var að þróa tíma-
skráningarkerfi fyrir fyrir-
tæki sem leysti gömlu
stimpilklukkuna af hólmi og
tengdist launaútreikningi
beint. Kallast tækið Út-
vörður og hugbúnaður þess
Bakvörður. Um 1988 fór að
halla undan fæti hjá mark-
hópi okkar, iðnfyrirtækjum í
landinu, en þá héldum við
áfram þróun búnaðarins
með fleiri fyrirtæki í huga.
Viðskiptavinir okkar eru um
300 hér á landi og fer fjölg-
andi í Noregi og Danmörku.
Okkur gengur vel að selja
kerfið þar því við höfum
þurft að finna margar lausnir
í launaútreikningi, vegna
þess hve launasamningar
hér á landi eru flóknir. Við
höfum lausnir á ýmsu sem
þeir eru að byrja að glíma
við.
Fyrir þremur árum hóf-
um við samstarf við danskt
fyrirtæki um sölu á Con-
corde viðskiptahugbúnaði
og getum því boðið fyrir-
tækjum heildarlausnir.
Flestum fmnst þægilegt að
hafa allan tölvubúnað frá
sama fyrirtæki og er sala á
Concorde orðin um helm-
ingur af starfsemi fyrirtæk-
isins,“ segir Gunnar.
KEPPNISMAÐUR
Eiginkona Gunnars er
Hrund Scheving Thor-
steinsson, hjúkrunarfram-
kvæmdastjóri á Landspítal-
anum. Þau eiga 15 ára og 2
ára syni og eitt barn á leið-
inni.
„Ég hef alltaf verið
íþróttafrík, er fæddur KR-
ingur enda alinn upp á
Kaplaskjólsveginum," segir
Gunnar um líf sitt utan vinn-
unnar. „Ég spila enn þá fót-
bolta einu sinni í viku og er
svo mikill keppnismaður í
mér að ég á erfitt með að
stunda íþrótt eins og t.d.
sund. Eldri sonur minn spil-
ar körfubolta með KR og ég
tek þátt í foreldrastarfi og
ýmsu öðru starfi hjá KR.
Áhugamál okkar beggja
tengist einnig syni okkar en
hann hefur verið í Drengja-
kór Laugameskirkju og þar
hefur verið mikið foreldra-
starf. Ég hef verið í forsvari
fyrir því starfi undanfarið og
þykir það mjög skemmti-
legt. Þar hef ég kynnst
mörgu góðu fólki,“ sagði
Gunnar að lokum.
TEXTI: ELÍSABET ÞORGEIRSDÓTTIR MYNDIR: KRISTJÁN EINARSSON
60
Gunnar Ingimundarson byrjaði að þróa tölvuhugbúnað á tæknideild Félags íslenskra
iðnrekenda og það starf leiddi til þess að fyrirtækið Hugur var stofnað.