Frjáls verslun - 01.11.1997, Qupperneq 22

Þeir feðgar þykja harðir samningamenn en það er Jón Ás-
geir sem annast samninga við alla birgja og heildsala.
segir að lykillinn að því hvað kerfið sé gott sé að þeir vissu ná-
kvæmlega hvað þeir vildu.
„Við höfum séð keppinautana gera þarfagreiningar á 400 blað-
síðna skýrslum sem eru orðnar úreltar um leið og þær eru tilbún-
ar. Okkar þarfagreining hefur yfirleitt rúmast á einu A4 blaði.“
VORU KOMNIR MEÐ FIMM BÚÐIR ÞEGAR
SAMKEPPNIN VAKNAÐI
Helstu keppinautar Bónus fyrstu árin voru Hagkaup, sem þá
var nýflutt í Kringluna, Mikligarður, sem barðist í bökkum og
endaði í risastóru gjaldþroti, Nóatún, sem var gamalgróin keðja
og Grundarkjör en þessum árum reis veldi þess afar hratt en féll
í miklu gjaldþroti skömmu síðar. Það er mat feðganna að keppi-
nautarnir hafi ekki áttað sig fýrr en of seint að þeir voru komnir
til að vera.
„Þetta átti sinn þátt í að koma undir okkur fótunum. Ef við
hefðum mætt harðari samkeppni er ekki víst að við hefðum haft
þetta af. Við vorum komnir með fimm búðir þegar þeir áttuðu
sig.“
HAFA ALDREITEKIÐ BANKALÁN OG ALDREI HAFT
YFIRDRÁTTARHEIMILD
Þeir Bónusfeðgar komu með breytta viðskiptahætti inn í mat-
vöruverslunina hvað varðaði samskiptin við heildsalana. Heildsöl-
um var boðið upp á þá kosti að i hvert sinn sem þeir kæmu með
vörur fengju þeir greitt fyrir næstu sendingu á undan. Aður hafði
tíðkast að gera upp hvern úttektarmánuð með 45 daga víxli og í
raun voru vörurnar lánaðar í sex til átta vikur.
„Þetta hafði tíðkast í mörg ár og auðvitað var þetta orðið inn-
byggt í verðið," segir Jón Asgeir.
„Þessu vildum við breyta og það tókst. Langflestir tóku þessu
vel og lækkuðu verðið i samræmi við þessar örari greiðslur.
Við höfum aldrei tekið bankalán og aldrei haft yfir-
dráttarheimild í okkar rekstri. Við vildum ekki steypa okkur í
skuldir til að kaupa inn-
réttingar, kæliborð og
mublur. Við vildum frekar
fjárfesta í tölvubúnaði svo
við gætum alltaf séð eftir
daginn hvernig staðan
væri.“
Til þessa dags hefúr Jó-
UR 7.0001800 V0RUTEGUNDIR
„Þegar við fórum af stað með Bónus vorum við með um 800 vöruteg-
undir. Þeim hefur smátt og smátt fjölgað upp í það að vera um 1.250 í
dag. Okkar fyrirmyndir erlendis, Aldi keðjan í Þýskalandi og Netto í
Danmörku eru með 600-700 tegundir. Þegar veldi Sláturfélagsins reis
sem hæst hafa trúlega verið til um 7000 vörutegundir í Austurveri."
IVI E N N ARS INS
hannesi og Jóni Ásgeiri tekist að reka Bónusveldið þannig að
upphaflega stefnan að taka engin bankalán og nýta aldrei yfir-
drátt stendur óhögguð þó að veltan sé að nálgast sex milljarða
en það er markmið yfirstandandi árs. Á síðasta ári velti Bón-
us 4,7 milljörðum.
Aðeins þremur mánuðum eftir að fyrsta verslunin var
opnuð í Skútuvogi var opnuð ný Bónusverslun í Faxafeni,
rétt við nefið á Hagkaup, aðalkeppinautnum. Þar voru mót-
tökurnar svipaðar, fullt út úr dyrum á hveijum degi sem
opið var og ekkert lát á vinsældunum.
,Á þessum fýrstu árum vorum við í hvað mestri sam-
keppni við Miklagarð. Það var dálítið ójafh leikur því þar var borg-
að að minnsta kosti 10% með öllum vörum. Mikligarður var svo
látinn rúlla með 1.800 milljóna króna gjaldþroti."
Bónus hefur ekki breytt miklu í sínu rekstraríýrirkomulagi
þótt búðunum hafi fjölgað. Opnunartíminn hefur verið lengdur
svolítið með því að bæta við opnun í þrjá tíma á laugardögum.
„Erlendir kollegar okkar öfúnda okkur mikið af þessu fyrir-
komulagi en reynslan segir að ef þú lengir opnunartímann þá get-
ur þú ekki stytt hann aftur. Við höfum haldið fast í þetta en við
þykjumst sjá þess skýr merki að sunnudagurinn verður stöðugt
meiri verslunardagur hjá fólki. Eg held að það hafi allar matvöru-
verslanir nema Bónus opið á sunnudögum. Við gætum þurft að
breyta þessu.“
Á öðru sviði sker Bónus sig frá öðrum verslunum en þar hef-
ur aldrei verið tekið við kreditkortum sem þó eru einn útbreidd-
asti og vinsælasti greiðslumáti á Islandi.
„Það stendur ekki til að breyta þessu. Forstjóri annars aðal-
kortafyrirtækisins sagði skömmu eftir að við opnuðum að við ætt-
um eftir að koma skríðandi til hans og biðja um viðskipti. Við
erum ekki farnir á hnén ennþá.
Við höfum ekki verið beðnir að taka þátt í fríðindakortum eða
sérkortum eins og nú eru í tísku. Menn vita sem er að fjölskyld-
an getur hæglega sparað sér fyrir sólarlandaferð á hverju ári með
því að versla í Bónus. Það þarf ekki fríkort til.“
Má draga þá ályktun af auknu vöruvali í Bónus að mjög eftir-
sótt sé að koma vörum í sölu þar:
„Það er gífurlega mikil ásókn,“ segir Jón Ásgeir. „I þessum efh-
um, eins og öðrum, notum við Skútuvoginn sem mælistiku. Þeg-
ar menn eru farnir að kvarta þar undan of mörgum tegundum er
óhætt að draga saman. Þetta er í stöðugri endurskoðun og við
höfum hreyfingarlista fyrir hveija einustu búð á hveijum degi.“
HOF KAUPIR HELMINGINN
Árið 1992 var gerð sú breyting á eignarhaldi í Bónus að Hof hf.
eignaðist helminginn í fyrirtækinu. Það var reyndar gert með
þeim hætti að Hof, fyrirtæki Hagkaupsfjölskyldunnar, stofnaði
eignarhaldsfélag, Þor hf., sem keypti helminginn í Bónus sf. Hinn
helminginn á Gaumur, fyrirtæki í eigu Jóhannesar og Jóns Ás-
geirs. Saman eiga síðan Bónusfeðgar og Hofsmenn fýrirtækið
Þyrpingu sem á og rekur
fasteignir sem hýsa
nokkrar Bónusbúðir og
Hagkaupsverslanir.
Tók langan tíma að
koma þessum samning-
um á?
„Við vorum búnir að
22