Morgunblaðið - 26.01.2001, Side 20

VIÐSKIPTI
20 FÖSTUDAGUR 26. JANÚAR 2001 MORGUNBLAÐIÐ
Tilkynning
frá bandaríska sendiráðinu
Fulltrúi frá bandarískum skattayfirvöldum (IRS)
verður til viðtals í sendiráði Bandaríkjanna í
Reykjavík frá kl. 9-12 og frá kl. 14-17,
mánudaginn 29. og þriðjudaginn 30. janúar nk.
Hann mun aðstoða bandaríska ríkisborgara og
aðra sem þurfa af einhverjum ástæðum að greiða
skatta í Bandaríkjunum við að fylla út bandarísk
skattframtöl. Tímapantanir í sendiráði
Bandaríkjanna í síma 562 9100. Vinsamlegast
athugið að fjöldi viðtalstíma er takmarkaður.
An agent from the U.S. Internal Revenue Service (IRS) will be
available at the U.S. Embassy in Reykjavik from 9:00 a.m. to
12:00 noon and 2:00 p.m. to 5:00 p.m., on the 29th and the
30th of January to assist U.S. citizens (and others who might
be liable to pay U.S. income taxes) in completing their U.S.
income tax returns. If you are interested in seeing the IRS
agent, please call the Embassy and make an appointment.
The number is 562-9100. Appointments will be available on
a first come first serve basis.
For all U.S. citizens resident in Iceland:
ÞRJÁR auglýsingastofur, Auk, Fít-
on og Nonni og Manni hafa í sam-
einingu stofnað nýtt félag, Auglýs-
ingamiðlunina ehf. Allar eru þessar
stofur í Sambandi íslenskra auglýs-
ingastofa (SÍA). Stjórn Auglýsinga-
miðlunarinnar skipa framkvæmda-
stjórar auglýsingastofanna þriggja,
Þormóður Jónsson, framkvæmda-
stjóri Fítons, en hann er jafnframt
stjórnarformaður hins nýja félags,
Jón Örn Valsson, framkvæmda-
stjóri AUK, og Jón Sæmundsson,
framkvæmdastjóri Nonna og
Manna. Að sögn þeirra eru skipta-
hlutföll þannig að hver auglýsinga-
stofa fyrir sig eignast einn þriðja
hluta í hinu sameinaða félagi. Fram-
kvæmdastjórarnir segja að Auglýs-
ingamiðlun ehf. muni sjá um dreif-
ingu og miðlun á auglýsingum til
fjölmiðla. Hver stofa fyrir sig muni
hins vegar halda sjálfstæði sínu sem
auglýsingastofa.
Gera má ráð fyrir að heildarvelta
hins nýja félags verði rúmlega millj-
arður á ári. Þeir segja að tilagngur
félagsins sé að mæta þeim breyt-
ingum sem orðið hafa á markaðnum
undanfarið og um leið að tryggja
viðskiptavinum stofanna bestu fáan-
legu kjör og þjónustu. Þá sé einnig
tilgangur félagsins að ná hagræð-
ingu í krafti stærðar. Viðskiptavin-
unum sé að fjölga, markaðurinn hafi
verið að breytast mikið og nauðsyn-
legt sé að ná ákveðinni stærð á
markaðinum. Með þessu sé verið að
auka fagmennskuna og veita betri
þjónustu. Afsláttarreglur hjá fjöl-
miðlum hafi verið að breytast og þá
mest hjá ljósvakamiðlunum og fyr-
irsjánlegt sé að Auglýsingamiðlun
muni kaupa auglýsingapláss fyrir
um einn milljarð króna eða jafnvel
meira á þessu ári þannig að stærðin
skipti vissulega máli.
Síauknar kröfur viðskiptavina
Framkvæmdastjórarnir segja að
tilgangurinn sé jafnframt að efla
samkeppnishæfi stofanna á sí-
breytilegum markaði. Kröfur við-
skiptavinanna séu alltaf að aukast
og því sé nauðsynlegt að bæta þjón-
ustustigið. Þá sé og stefnt að því
setja meiri kraft í fjölmiðlarann-
sóknarvinnu og vinnu við birtingar-
áætlanir. Aðspurðir segja þeir að
rannsóknir hafi verið unnar bæði
með Félagsvísindastofnun og Gall-
up. SÍA hafi verið að þróa þær í um
áratug þó mest hafi gerst síðastliðin
þrjú ár eða svo. Því sé kominn mjög
góður gagnagrunnur sem ætunin sé
að bæta enn frekar.
Morgunblaðið/Ásdís
Þormóður Jónsson, framkvæmdastjóri Fítons, Jón Örn Valsson, framkvæmdastjóri Auk, og Jón Sæmundsson,
framkvæmdastjóri Nonna og Manna.
Sér um dreifingu og
miðlun til fjölmiðla
Auglýsingastofurnar Auk, Fíton og Nonni
og Manni stofna nýtt félag
STEFNT er að því að setja nýja
vörulínu úr ull á markað í Banda-
ríkjunum og Kanada. Hexa, sem
staðsett er í Kópavogi, og Elf-
works, sem staðsett er í Kaliforn-
íu, vinna saman að þessu verkefni
og hafa fengið til liðs við sig
Michael Casey, sem er tískuhönn-
uður sem sérhæfir sig í hátísku-
kvöldklæðnaði. Casey hefur 17
ára reynslu í tískuiðnaðinum og
föt hans eru seld í öllum Neiman-
Marcus verslunum í Bandaríkjun-
um og Nordstrom Couture-deild-
um, að því er fram kemur í frétt
frá fyrirtækjunum tveimur.
Casey hefur hannað haust- og
vetrarlínu fyrir þetta ár og verður
hún kynnt á sýningum í Banda-
ríkjunum í febrúar og mars. Bæði
er um að ræða fatnað fyrir börn
og fullorðna, en karlalínan verður
sett á markað seinna en kvenlín-
an. Casey hefur komið nokkrum
sinnum hingað til lands undanfar-
ið ár og segir hönnun þessarar
línu hafa gengið afar vel, því auð-
velt sé að vinna hugmyndir út frá
náttúrunni hér á landi.
Barnafötunum mun fylgja lítil
bók um íslenskt huldufólk og telja
fyrirtækin að þessi tenging við ís-
lenska menningararfleifð auki
gildi vörunnar og muni höfða til
barnanna.
Kvenlínan ber merki fornra
víkingamynstra, og inniheldur
meðal annars prjónatoppa við
kvöldkjóla og síðbuxur, og nú-
tímaútfærslu á hefðbundnum
lopapeysum.
Getur skapað vinnu fyrir
ullarverksmiðjur allt árið
Fyrirhugað er að bjóða bæði
haust- og vetrarlínu og vor- og
sumarlínu og í frétt fyrirtækjanna
segir að þetta muni gera ullar-
verksmiðjum hér á landi kleift að
halda úti starfsemi allt árið.
Að sögn Johans Christiansen,
framkvæmdastjóra Hexa, reyndi
fyrirtækið að koma hönnun á
framfæri á Bandaríkjamarkaði í
fyrra, en niðurstaðan varð sú að
Bandaríkjamönnum þótti íslenska
ullin ekki nægilega mjúk. Síðan
hefur verið leitað leiða til að finna
sem mýksta ull og nú er áformað
að nota úrvalsull frá Jökuldals-
svæðinu, en vegna þurrara lofts-
lags í dalnum en annars staðar
komi mýkri ull af ánum þar. Sam-
hliða verður unnið að rannsóknum
á fínull af lambsfé, en fyrsti rún-
ingur af lömbum gefur úrvalsull.
Auk þess er notuð ull frá öðrum
löndum þar sem það þykir henta.
Hönnuður fatnaðarins segir að
honum sé stefnt inn á dýrari enda
markaðarins, enda sé færi þar til
að keppa um markaðshlutdeild, en
afar erfitt sé að keppa við lönd á
borð við Kína á ódýrari enda
markaðarins.
Hátísku-
fatnaður úr
íslenskri ull
Morgunblaðið/Ásdís
Íslenskt og bandarískt
fyrirtæki í samstarfi um útflutning
Í LOK nóvember keyptu Bananar
ehf 95,03% hlutafjár í Ágæti af Græn-
meti ehf. en Bananar er fyrirtæki
tengt Sölufélagi garðyrkjumanna
(SFG). Samkeppnisstofnun ákvað að
taka til skoðunar samruna Banana og
Ágætis og hefur samkeppnisráð nú
ákveðið að leggja dagsektir á Vöxtu
ehf. vegna þessa máls.
Forsaga málsins er sú að fyrir um
einu ári keypti Grænmeti ehf. um-
rædd hlutabréf í Ágæti af Búnaðar-
bankanum og fjallaði samkeppnisráð
um þau kaup. Ráðið ákvað að hafast
ekki að vegna þeirra viðskipta og var
sú ákvörðun byggð á þeirri forsendu
að SFG eða félög tengd því hefðu
ekki komið að fjármögnun Grænmet-
is á kaupunum í Ágæti. Tveir ráðs-
menn létu þó bóka að þeir töldu
ástæðu til að ætla að SFG, Búnaðar-
bankinn og Þórhallur Bjarnason,
fyrrum eigandi Ágætis, hefðu haft
með sér samráð til þess að tryggja að
SFG myndi innan tíðar öðlast yfirráð
yfir Ágæti.
Vaxta ehf. hafði aðeins milligöngu
Vegna þessarar forsögu ákvað
Samkeppnisstofnun að taka til athug-
unar að nýju ýmis atriði sem tengd-
ust upphaflegum kaupum. Fram-
kvæmdastjóri Grænmetis hafði áður
upplýst Samkeppnisstofnun um að
fyrirtækið Vaxta ehf. hefði fjármagn-
að kaup þess á hlutafénu í Ágæti en á
fundi með fulltrúum Samkeppnis-
stofnunar í byrjun janúar upplýsti
hann að Vaxta ehf. hefði ekki lánað fé
til kaupanna heldur haft milligöngu
um að útvega lánsfé frá þriðja aðila.
Framkvæmdastjórinn kvaðst hins
vegar ekki geta upplýst um það hver
raunverulegur lánveitandi hefði ver-
ið. Í kjölfarið var gerð krafa um afrit
af öllum gögnum sem væru í vörslu
Vöxtu og tengdust umræddri fjár-
mögnun og gefinn frestur til 9. janú-
ar. Vaxta áfrýjaði þessum úrskurði
Samkeppnisstofnunar til áfrýjunar-
nefndar samkeppnismála.
200 þúsund í dagsektir
Þann 19. janúar staðfesti áfrýjun-
arnefndin ákvörðun Samkeppnis-
stofnunar og fékk Vaxta þá frest til
22. janúar að afhenda gögnin en
stjórnendur félagsins urðu ekki við
kröfunni fyrir lok frestsins. Sam-
keppnisráð úrskurðaði þá í málinu og
segir í úrskurði að þar sem Vaxta ehf.
hafi ekki orðið við því að greina frá
nafni og kennitölu þess aðila sem lán-
aði fé til kaupa Grænmetis ehf. á
hlutafé í Ágæti í fyrra og afhenda af-
rit af öllum gögnum sem tengjast
fjármögnuninni leggi samkeppnisráð
dagsektir með heimild í 53. gr. sam-
keppnislaga. „Skal Vaxta ehf. greiða
200 þúsund krónur á dag þar til til-
greindar upplýsingar og gögn hafa
verið látin Samkeppnisstofnun í té.“
Vöxtu ehf. gert að greiða 200 þúsund í dagsektir
Samkeppnisstofnun rann-
sakar kaup Banana á Ágæti
ÁRIÐ í fyrra var metár í fjölda er-
inda til Nýsköpunarsjóðs en þá
bárust 380 formleg erindi og voru
143 þeirra um hlutafjárþátttöku.
Árið 1999 voru erindi um hluta-
fjárþátttöku 87, þannig að aukn-
ingin er 65% milli ára. Á árinu
2000 nam hlutafjárþátttaka sjóðs-
ins í fyrirtækjum samtals 660
milljónum króna. Í tilkynningu frá
Nýsköpunarsjóði kemur fram að
árið 2000 samþykkti stjórn sjóðs-
ins þátttöku í 34 fyrirtækjum. Í 13
tilvikum var um að ræða aukna
þátttöku sjóðsins í þeim fyrirtækj-
um sem sjóðurinn hafði áður fjár-
fest í.
Alls bárust 132 umsóknir um
áhættulán og námu lánveitingar
sjóðsins 155 milljónum króna. Um-
sóknir um verkefnafjármögnun
voru samtals 50, átta erindi bárust
tryggingadeild útflutningslána og
44 fyrirtæki og einstaklingar sóttu
um hjá vöruþróunar- og markaðs-
deild sjóðsins.
Metfjöldi erinda til Nýskjöpunarsjóðs