Morgunblaðið - 02.02.2001, Blaðsíða 9

FRÉTTIR
MORGUNBLAÐIÐ FÖSTUDAGUR 2. FEBRÚAR 2001 9
ÚTSALAN
ER HAFIN
SPORTSKÓR
SKÓVERSLUN
KÓPAVOGS
HAMRABORG 3
SÍMI 554 1754
Þjónusta í 35 ár
FJÖLDI TILBOÐA
Opið laugardag
kl. 10-16
Stærðir 36-46
kr. 1.990
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
25%
aukaafsláttur
af öllum vörum
Allt á að seljast til að rýma fyrir vorvörum
ÚTSALA
Hverfisgötu 6, 101 Reykjavík , sími 562 2862
10% aukaafsláttur
af öllum drögtum
og yfirhöfnum
Neðst við Dunhaga
sími 562 2230
Opið
laugardag kl. 10-16
20% aukaafsláttur
eða tvær flíkur fyrir eina
LAUGAVEGI 56, SÍMI 552 2201
í
Skólavörðustíg 21, sími 552 2419
Opið virka daga frá kl. 12-18, laugard. 12-16.
Höfum til sölu sérstaklega falleg „Renesans“
borðstofuhúsgögn frá 1920, stakan sófa o.fl.
Leitið upplýsinga í síma 552 2419
KARLMAÐUR í Reykjavík vann 4,5
milljónir króna á trompmiða þegar
dregið var úr Heita pottinum hjá
Happdrætti Háskólans í fyrradag.
Vinningurinn kom á miða númer
22647 en auk trompmiðans voru
tveir einfaldir miðar með því númeri
og fengu eigendur þeirra 890 þúsund
krónur hvor.
Vann 4,5 millj-
ónir króna í HHÍ
FULLTRÚAR Íslandssíma og
Landssíma Íslands skrifuðu undir
reikisamning í gær. Samningurinn
tryggir að Íslandssími GSM getur
þjónað viðskiptavinum sínum utan
dreifikerfis fyrirtækisins sem verið
er að byggja upp. Þetta er gert á
þann hátt að Landssíminnveitir Ís-
landssíma GSM aðgang að dreifi-
kerfi sínu um allt land eða þar sem
dreifikerfi Íslandssíma sleppir. Áð-
ur höfðu fyrirtækin lokið gerð
reikisamnings sem náði til svokall-
aðra skyldureikisvæða sem eru
landsvæði á Vestfjörðum, Norður-
landi og Austurlandi.
Morgunblaðið/Arnaldur Halldórsson
Samninginn undirrituðu Eyþór Arnalds, framkvæmdastjóri Íslands-
síma, og Þórarinn V. Þórarinsson, framkvæmdastjóri Landssímans.
Íslandssími og Landssími
Íslands gera reikisamning
YFIRGNÆFANDI meirihluti
ferðamanna á hálendi Íslands telur
að virkjunarmannvirki séu óæskileg
á ferðamannastöðum á hálendi Ís-
lands og mikill minnihluti ferða-
manna er þeirrar skoðunar að virkj-
unarmannvirki hafi aðdráttarafl
fyrir ferðamenn, samkvæmt könnun
sem gerð var fyrir verkefnisstjórn
sem vinnur að rammaáætlun um
nýtingu vatnsafls og jarðvarma.
Áberandi meirihluti ferðamanna tel-
ur þá að virkjanir og ferðaþjónusta
fari ekki saman.
Ráðgjafarfyrirtækið Rannsóknir
og ráðgjöf ferðaþjónustunnar vann
könnunina og voru niðurstöður
hennar kynntar í gær. Fram kom að
88–94% erlendra gesta og 88–91%
Íslendinga, sem ferðuðust á hálend-
inu síðastliðið sumar, töldu virkjun-
armannvirki eins og háspennulínur
og möstur, eða stíflur og miðlunar-
lón, óæskileg á þeim svæðum sem
þeir ferðuðust um. Tæplega helm-
ingur Íslendinga taldi hins vegar
stíflur og miðlunarlón æskileg á
sumum stöðum á hálendinu og þriðj-
ungur taldi háspennulínur æskileg-
ar. 71% erlendra ferðamanna og 56%
Íslendinga töldu að fyrirhugaðar
virkjunarframkvæmdir hefðu þau
áhrif að þeir kæmu sjaldnar á við-
komandi svæði. 14% Íslendinga voru
sammála fullyrðingunni um að virkj-
anir drægju að ferðamenn og 4% út-
lendinga. Þá voru 66% Íslendinga og
81% útlendinga sammála því að
virkjanir og uppbygging í ferðaþjón-
ustu færu ekki vel saman. 41% út-
lendinga var tilbúið að greiða aðgang
að hálendinu og 30% Íslendinga.
Afstaða ferðamanna á fjórum
hálendissvæðum könnuð
Spurningakönnun var lögð fyrir
alls 1.800 erlenda og innlenda gesti,
þar af voru 1.200 þeirra á ferðalagi á
fjórum mögulegum virkjunarsvæð-
um á hálendinu, en 600 manns voru á
ferð á láglendi. Þau fjögur svæði sem
könnunin náði til voru svæðið norðan
Vatnajökuls, þ.e. frá Kverkfjöllum til
Lónsöræfa, vatnasvæði Austari- og
Vestari-Jökulsár norðan Hofsjökuls,
Síðuvatnasvæði frá Tindfjöllum í
vestri til Núpsstaðar í austri og
Torfajökulssvæðið, þ.e. frá Vestari-
Reykjadölum austur að Eldgjá.
Í könnuninni kom fram að flestir
vildu hafa ferðaþjónustu á svæðun-
um fremur einfalda í sniðum og
margir vildu að þar yrðu áfram
óuppbyggðir vegir, þótt þeir yrðu
eitthvað endurbættir. Allmargir
vildu uppbyggða vegi en fáir að vegir
á hálendinu yrðu lagðir bundnu slit-
lagi. Flestir töldu fjallaskála og
tjaldstæði æskileg á svæðunum en
einungis 15% útlendinga og 25% Ís-
lendinga töldu hótel eða gistiheimili
æskileg þar.
Svarendur voru jákvæðastir gagn-
vart sambúð virkjunarmannvirkja
og ferðaþjónustu á svæðinu norðan
Hofsjökuls, þar sem tæplega helm-
ingur Íslendinga taldi að virkjunar-
mannvirki og ferðaþjónusta gætu
farið vel saman, en færri töldu þessa
sambúð æskilega á öðrum svæðum.
Meirihluti Íslendinga eða 88% var
hins vegar sammála því að vegakerf-
ið á hálendinu ætti að skipuleggja
með hagsmuni ferðaþjónustu og úti-
vistar að leiðarljósi. 47% erlendra
gesta voru sama sinnis hvað þetta
varðar.
Niðurstöður könnunarinnar verða
m.a. nýttar við vinnu sem er fram-
undan vegna rammaáætlunar við að
flokka virkjunarkosti með tilliti til
hagkvæmnis- og náttúruverndar-
sjónarmiða og efnahagsuppbygging-
ar á viðkomandi svæðum, nýtingar
hlunninda og notkunar svæðis til úti-
vistar.
Ferðamenn andsnúnir virkjunum á hálendinu
Virkjunarmannvirki óæski-
leg á ferðamannastöðum
ANDSTÆÐINGAR flugvallar í
Vatnsmýrinni í Reykjavík hafa að
undanförnu undirbúið stofnun nýrra
samtaka. Stofnfundur samtakanna
verður haldinn í Tjarnarsal Ráðhúss-
ins kl. 16 laugardaginn 3. febrúar.
Markmið samtakanna verður að
berjast fyrir því að flugvellinum í
Vatnsmýri verði lokað og svæðið nýtt
til að efla mannabyggð í borginni.
Kosið verður um veru flugvallarins í
Reykjavík hinn 17. mars nk. og er
samtökunum ætlað að vinna að und-
irbúningi atkvæðagreiðslunnar í
þeim tilgangi að flugvöllurinn fari,
segir í fréttatilkynningu.
Allir Reykvíkingar sem bera um-
hyggju fyrir uppbyggingu og framtíð
borgarinnar eru hvattir til að mæta,
segir ennfremur.
Stofnfundur
samtaka gegn
flugvelli í
Vatnsmýrinni