Morgunblaðið - 02.02.2001, Blaðsíða 34

LISTIR
34 FÖSTUDAGUR 2. FEBRÚAR 2001 MORGUNBLAÐIÐ
GORGEIR er heiti á sýnirými starf-
andi listamanna með aðsetur á
Korpúlfsstöðum. Sýningar í Gor-
geir hafa staðið í eitt ár og verið
með fjölbreyttum hætti. Einn liður í
starfsemi Gorgeirs er útgáfa graf-
íkmöppu sem inniheldur sex verk,
árituð og tölusett af listamönn-
unum. Verkin eru tölvuprent Ásu
Ólafsdóttur vefara, háþrykk Bryn-
dísar Jónsdóttur leirlistamanns,
trérista Kristínar Geirsdóttur list-
málara, flísar-afþrykk Magdalenu
Margrétar Kjartansdóttur, þurrnál
Pjeturs Stefánssonar og tölvuprent
Þorgerðar Sigurðardóttur graf-
íklistamanns.
Það var Inga Pálsdóttir sem
keypti fyrstu möppuna.
Nú stendur yfir sýning Bryndísar
Jónsdóttur í sýnirýminu og nefnist
hún Blæðandi hjarta, Suomelinna
Helsinki, Finnland 1998. Henni lýk-
ur 1.mars.
Sýningarýmið er opið alla mið-
vikudaga frá kl. 12-18, eða eftir
samkomulagi við listamenn stað-
arins.
Gorgeir gefur
út grafíkmöppu
Listamennirnir afhenda Ingu Pálsdóttur fyrstu grafíkmöppuna.
LEIKRITIÐ Sniglaveislan eftir ÓlafJóhann Ólafsson verður frumsýnt íSamkomuhúsinu á Akureyri í kvöld,föstudagskvöldið 2. febrúar, í upp-
setningu Leikfélags Akureyrar og Leikfélags
Íslands. Leikgerðin er eftir Sigurð Hróarsson,
leikhússtjóra hjá Leikfélagi Akureyrar, og
höfundinn, Ólaf Jóhann. Sigurður Sigurjóns-
son leikstýrir verkinu en Gunnar Eyjólfsson
fer með aðalhlutverkið. Auk hans leika í
Sniglaveislunni þau Sigurþór Albert Heimis-
son, Sunna Borg og Hrefna Hallgrímsdóttir.
Skáldsagan Sniglaveislan kom út árið 1994
og naut þá þegar mikilla vinsælda. Þetta er
fyrsta leikgerðin sem unnin er eftir sögum
Ólafs Jóhanns, en áður hefur verið sýnt við
mikla aðsókn leikrit hans Fjögur hjörtu í Loft-
kastalanum árið 1997. Sú sýning vakti athygli
og gekk í tvö ár. Nú nýlega var keyptur kvik-
myndaréttur að nýjustu skáldsögu Ólafs Jó-
hanns, Slóð fiðrildanna, en hún hefur þegar
verið þýdd á átta tungumál.
Í Sniglaveislunni segir af Gils Thordarsen
stórkaupmanni sem ársfjórðungslega heldur
sjálfum sér mikla veislu, en sagan gerist ein-
mitt á slíku kvöldi. Svo vill til að þessu sinni að
óboðinn gest ber að garði og verður úr að Gils
býður honum að setjast með sér að veisluborði,
öldungis grunlaus um erindi gestsins. Smám
saman kemur í ljós að gesturinn er ekki allur
þar sem hann er séður, átökin fara vaxandi og
uppgjör er óumflýjanlegt.
Sá söguna strax fyrir mér á sviði
Sigurður Hróarsson sagði að strax og hann
hefði lesið söguna þegar hún kom út hefði
hann fengið hugmynd að því að leikgera hana.
„Ég sá þessa sögu strax fyrir mér á sviði,“
sagði hann. „Þetta er myndræn saga, í henni
er sterk persónusköpun, hún er af hentugri
lengd, gerist á afmörkuðum tíma og í afmörk-
uðu rými og stærsti hluti hennar er í beinni
ræðu. Innri og ytri aðstæður hennar eru þann-
ig að vel hentar að gera upp úr sögunni leik-
gerð,“ sagði Sigurður.
Hugmyndin blundaði lengi með Sigurði og
þegar fleiri fóru að nefna hugmyndir af svip-
uðu tagi hafði hann samband við höfundinn,
Ólaf Jóhann, og falaðist eftir höfundarrétti til
að gera leikgerðina. Sigurður sagði Ólaf Jó-
hann hafa brugðist góðfúslega við beiðni sinni
og nefndi einnig hvort höfundurinn vildi taka
þátt í að semja leikgerðina og sýndi hann því
strax áhuga.
Sigurður hafði þá þegar unnið fyrstu drög
að því að snúa sögunni í leikbúning, en langur
vegur var frá því að leikgerðin væri fullbúin.
„Grunnhugmyndin var komin fram og í kjöl-
farið hófst okkar samvinna sem fólst í því að
koma sögunni yfir í leikritsform. Það þurfti
ýmsu að breyta, atvikum, samtölum, færa til
senur og fleira því það eru önnur lögmál í gildi
hvað varðar leikrit en sögu á bók,“ sagði Sig-
urður.
Hann sagði samstarfið hafa gengið einkar
vel þó að höfundurinn sé búsettur í Bandaríkj-
unum og Sigurður á Akureyri, en þeir hafi ver-
ið í sambandi með tölvupósti að mestu leyti.
Vinnan hófst síðla sumars og stóð fram eftir
hausti, en þó að leikgerðin hafi verið tilbúin
nokkru fyrir jól hafi þeir unnið að ýmsum
breytingum allt fram á síðasta dag.
Spennandi og dramatísk saga
„Sagan er spennandi og dramatísk, afskap-
lega vel skrifuð og það á eflaust þátt í vinsæld-
um hennar,“ sagði Sigurður. Hann taldi það
frekar kost en galla að margir þekktu til sög-
unnar, hefðu lesið hana og hefðu á henni skoð-
anir. „Vissulega eru menn búnir að gera sér
sínar eigin hugmyndir um persónurnar, en við
þekkjum ótal dæmi um slíkt áður. Íslensk
sviðsverk eru rík af leikgerðum upp úr skáld-
sögum og nægir þar að nefna sögur Halldórs
Laxness í því sambandi,“ sagði Sigurður.
Sýningin á Sniglaveislunni er samstarfs-
verkefni Leikfélags Akureyrar og Leikfélags
Íslands og verða sýningar fyrst í Samkomu-
húsinu á Akureyri nú í febrúar og fram í mars,
en þá hefjast sýningar í Iðnó í Reykjavík. Sig-
urður sagði að leikfélögin tvö hafi áður átt með
sér ágætt samstarf og þau hafi við uppsetn-
ingu þessa verks séð að listrænn og fjárhags-
legur ávinningur hlytist af því að setja þetta
leikrit upp í sameiningu. Sigurður Sigurjóns-
son leikstjóri kemur frá Leikfélagi Íslands en
þetta er í fyrsta sinn sem hann starfar með
Leikfélagi Akureyrar. „Það var mjög kröftugt
að fá hann til liðs við okkur í þetta verkefni, ég
er mjög ánægður með það og líst vel á það sem
hann er að gera,“ sagði Sigurður.
Heiður að fá Gunnar til liðs við okkur
Gunnar Eyjólfsson leikur sem fyrr segir að-
alhlutverkið, Gils Thordarsen stórkaupmann,
og er þetta í annað sinn sem hann starfar með
Leikfélagi Akureyrar, en hann fór með hlut-
verk Galdra-Lofts árið 1964. Gunnar lék einn-
ig í leikriti Ólafs Jóhanns, Fjórum hjörtum, á
sínum tíma. Hann fagnar 75 ára afmæli sínu
24. febrúar næstkomandi og mun af því tilefni
flytja einsamall Pétur Gaut, leikrit Ibsens, á
sviði Þjóðleikhússins. „Það er mikill heiður
fyrir okkur að fá Gunnar til liðs við okkur í
Sniglaveislunni á þessum merku tímamótum í
lífi hans. Við erum mjög stolt af því,“ sagði Sig-
urður.
Finn fyrir miklum áhuga
Hann sagðist finna fyrir miklum áhuga á
sýningunni en hann kæmi sér ekki á óvart.
Höfundur verksins hefði vakið mikla athygli
og hrifningu meðal íslenskra lesenda, en sögur
hans hefðu átt greiða leið að hjörtum Íslend-
inga. Þá hefði Ólafur Jóhann einnig vakið
verðskuldaða athygli úti í hinum stóra heimi
þar sem hann hefði hlotið einróma lof gagn-
rýnenda fyrir skáldskap sinn. „Þannig að það
er ósköp eðlilegt að fólk hafi áhuga á þessu
leikriti og ég finn að áhorfendur ætla sér ekki
að missa af því.“
Elín Edda Árnadóttir sér um leikmynd og
búninga í Sniglaveislunni, Hilmar Örn Hilm-
arsson semur tónlist, Halldór Örn Óskarsson
hannar lýsingu og Randver Þorláksson hefur
verið aðstoðarmaður leikstjóra við uppsetn-
ingu Sniglaveislunnar.
Frumsýning verður sem fyrr segir í kvöld
en einnig verða sýningar á laugardags- og
sunnudagskvöld. Sigurður sagði að ætlunin
væri að sýna nokkuð þétt þar sem tíminn sem
til umráða væri fyrir þessa sýningu væri tak-
markaður. Það kæmi bæði til af því að verkið
verður sýnt í Reykjavík í næsta mánuði og eins
þarf að rýma Samkomuhúsið vegna næstu
sýninga, en mikið stendur til þar allt fram á
vor. Næsta leikrit verður frumsýnt fyrir
páska, Ball í Gúttó eftir Maju Árdal, þá verður
leiklesið verk eftir Guðmund L. Friðfinnsson,
sem er 95 ára gamall, og loks setur Leikhús-
kórinn upp Sígaunabaróninn á fjölum Sam-
komuhússins á vordögum.
Leikfélag Akureyrar og Leikfélag Íslands frumsýna Sniglaveisluna á Akureyri í kvöld
Vel skrifuð saga
sem hentar vel
til leikgerðar Morgunblaðið/Kristján
Gunnar Eyjólfsson og Hrefna Hallgrímsdóttir í hlutverkum sínum.
Gunnar Eyjólfsson og Sigurþór Albert Heimisson í hlutverkum sínum. Fátt er betra en íslenskir brekkusniglar. Gunnar Eyjólfsson í hlutverki sínu.
200. SÝNING á barnaleikritinu
Snuðra og Tuðra verður í Möguleik-
húsinu við Hlemm á sunnudag kl. 16.
Sýningin var frumsýnd í október
1998 og hefur síðan verið sýnd um
land allt.
Leikritið er byggt á sögum Iðunn-
ar Steinsdóttur um systurnar
Snuðru og Tuðru. Sýningin er aðal-
lega byggð á fjórum sögum; Snuðra
og Tuðra verða vinir, Snuðra og
Tuðra missa af matnum, Snuðra og
Tuðra laga til í skápum og Snuðra og
Tuðra og fjóshaugurinn.
Snuðra og Tuðra eru leiknar af
þeim Aino Freyju Järvelä og Ingi-
björgu Stefánsdóttur.
200. sýning
á Snuðru
og Tuðru