Morgunblaðið - 11.03.2001, Blaðsíða 18
LISTIR
18 SUNNUDAGUR 11. MARS 2001 MORGUNBLAÐIÐ
Brynja Benediktsdóttir vinnum
saman, því hún setti upp Óvitana
mína í bæði skiptin. Ég er ekkert
að blanda mér í hvað hún gerir.
Ég hef rétt litið inn á tvær æfing-
ar og ekkert skipt mér af. Það er
nefnilega ágætt að gera sér grein
fyrir hvað maður kann ekki. Að
því leyti held ég að ég sé mikið
eftirlæti leikstjóra – ég læt þá al-
veg í friði.“
Fyrir fullorðna líka
Guðrún segir leikritið ætlað
smáfólkinu, frá tveggja ára aldri
og upp í sjö til átta ára.
„Svo held ég að fullorðna fólkið
hefði nú bara gott af því að sjá
þetta líka,“ botnar Guðrún Helga-
dóttir.
ur,“ segir hún. „Þetta verður ef-
laust hin skemmtilegasta sýning –
alveg burtséð frá textanum – því
það er heilt landslið í þessu,“ held-
ur Guðrún áfram og vísar til
þeirra listamanna sem að uppsetn-
ingu verksins koma og getið er
annars staðar hér á síðunni. „Það
er nú gömul hefð fyrir því að við
LEIKRITIÐ skrifaði Guðrún
Helgadóttir að beiðni Möguleik-
hússins. Það er stutt, ekki nema
um 45 mínútur í sýningu, enda
ætlað yngstu leikhúsgestunum.
Fyrstu sýningarnar verða í húsa-
kynnum Möguleikhússins við
Hlemm en að vanda verður einnig
farið með sýninguna út um víðan
völl.
„Það er satt að segja ekki mjög
auðvelt að skrifa fyrir svona far-
andleikhús. Leikararnir mega ekki
vera of margir og sviðið verða þeir
eiginlega að geta borið á bakinu,“
segir Guðrún. Engu að síður tók
hún áskoruninni, skrifaði Skugga-
leik og hafði gaman af.
Erfiðara en hann hélt
að vera strákur
„Þar segir frá stráknum Binna
sem er leiðinlegur, eigingjarn og
frekur, þannig að það vill enginn
vera með honum – og á endanum
ekki einu sinni skugginn hans.
Skugginn tekur sig til og ákveður
að gera eitthvað í málinu og reyna
að bæta hann Binna. Hann gengur
inn í mannheima en það fer nú
þannig fyrir honum að það er erf-
iðara en hann hélt að vera strák-
Skugginn
Uggi rífur
sig lausan
Morgunblaðið/Jón Svavarsson
Bjarni Ingvarsson og Pétur Eggerz í hlutverkum sínum í Skuggaleik.
Morgunblaðið/Ásdís
Brynja Benediktsdóttir leikstjóri og Guðrún Helgadóttir, höfundur Skuggaleiks, tylltu sér fyrir framan leik-
arana Bjarna Ingvarsson og Pétur Eggerz, sem standa hvor sínu megin við höfund tónlistar, Valgeir Guð-
jónsson, og Tryggva Ólafsson, sem gerði leikmynd.
AÐRIR burtfararprófs-
tónleikar þessa árs úr
Tónlistarskólanum í
Reykjavík verða haldnir í
Salnum í Kópavogi í dag,
sunnudag, kl. 14. Það er
Eva Þyri Hilmarsdóttir
píanóleikari sem þá þreyt-
ir burtfararpróf sitt frá
skólanum.
Á efnisskránni eru
Prelúdía og fúga í d-moll
nr. 6 BWV 875 (WK II)
eftir Johann Sebastian
Bach, Sónata í As-dúr op.
110 eftir Ludwig van
Beethoven, Úr Vingt reg-
ards sur ĺenfant Jésus I
og XIV eftir Olivier
Messiaen, Úr Iberia El Albaicin eftir
Isaac Albeniz og Scherzo nr. 3 í cís-
moll op. 39 eftir Fryderyk Chopin.
Fyrsta píanóplatan
Þegar Eva Þyri er spurð hvað hún
hafi haft að leiðarljósi þegar hún
setti saman efnisskrána segist hún
hafa haft fjölbreytnina í fyrirrúmi,
enda sé um það ákveðin krafa af
hálfu skólans.
„Sumt af þessu hafði mig lengi
langað til að spila og annað var ég
spennt að prófa. Svo raðar maður
þessu saman,“ segir hún.
Aðspurð hvort eitt verkanna um-
fram önnur sé í sérstöku uppáhaldi
viðurkennir hún að það síðasta, eftir
Chopin, hafi verið í miklu uppáhaldi
hjá henni síðan hún var yngri. „Það
var á fyrstu hljómplötunni sem ég
eignaðist með píanótónlist, þegar ég
var nýbyrjuð að læra.“
Finnst henni hún svo vera tilbúin
að ganga á svið í Salnum og þreyta
burtfararprófið frammi fyrir áheyr-
endum? „Ég held reyndar að manni
finnist maður aldrei vera alveg tilbú-
inn. Það væri alltaf gott að hafa viku
í viðbót en ég kann þetta samt orðið
alveg. Ég held að þetta sé bara
spurning um að kýla á það og hafa
gaman af því,“ segir Eva Þyri.
Stór ákvörðun
Hún er að síðustu spurð hvort hún
hyggist leggja píanóleikinn fyrir sig í
framtíðinni. „Ég hef satt að segja
ekki hugmynd um það á þessari
stundu. Þetta er svolítið stór ákvörð-
un. Ég hugsa um það á hverjum degi
en er ekki alveg búin að ákveða mig.“
Chopin í uppáhaldi
Morgunblaðið/Árni Sæberg
Eva Þyri Hilmarsdóttir þreytir burtfarar-
próf í píanóleik frá Tónlistarskólanum í
Reykjavík í Salnum í dag.
SKUGGALEIKUR eftir Guð-
rúnu Helgadóttur.
Leikstjóri: Brynja Benedikts-
dóttir.
Leikarar: Bjarni Ingvarsson
og Pétur Eggerz.
Leikmynd: Tryggvi Ólafsson.
Tónlist: Valgeir Guðjónsson.
Búningar: Kjuregej Alexandra
Argunova.
Raddir fugla, kattar og móð-
ur: Árni Tryggvason, Bessi
Bjarnason og Alda Arnardótt-
ir.
Leikarar og
listrænir
stjórnendur
BANDALAG sjálfstæðra leikhúsa
lítur á það sem sigur að samkeppn-
isráð hafi beint þeim tilmælum til
menntamálaráðherra að hann beiti
sér fyrir endurmati á opinberri að-
stoð við leikhúsrekstur.
Samkeppnisráð svaraði í vikunni
erindi Bandalags sjálfstæðra leik-
húsa um meint brot Leikfélags
Reykjavíkur, Þjóðleikhússins og Ís-
lensku óperunnar á samkeppnislög-
um. Bandalag sjálfstæðra leikhúsa
krafðist þess að fá úr því skorið
hvort LR og Þjóðleikhúsið hefðu
brotið samkeppnislög með því að
nýta opinbera styrki til undirboða á
verði leikhúsmiða og hvort þessum
leikhúsum og Íslensku óperunni
væri heimilt að nýta opinbera
styrki til undirboða við útleigu á
húsnæði sínu. Einnig krafðist
Bandalag sjálfstæðra leikhúsa þess
að fá úr því skorið hvort íslenska
ríkið og Reykjavíkurborg mis-
munuðu aðilum í leikhúsrekstri og
hvernig leiðrétta mætti það ef svo
er.
Samkeppnisráð komst að þeirri
niðurstöðu að ekki væru lagaleg
skilyrði til íhlutunar en beindi fyrr-
nefndum tilmælum til menntamála-
ráðherra.
„Við hjá sjálfstæðu leikhúsunum
lítum á þetta sem stóran og mikinn
sigur. Þarna er verið að taka undir
þau sjónarmið sem við höfum verið
að vekja athygli á; að leikhúslands-
lagið hefur gjörbreyst á undanförn-
um árum og leikhúsaðsókn aukist
til mikilla muna, fyrst og fremst
vegna tilkomu sjálfstæðu leikhús-
anna. Nú er staðan sú að mjög stór
hluti leikhúsgesta sækir þau heim
en hins vegar hefur styrkjaum-
hverfið ekki haldist í hendur við
þróunina á markaðnum. Við höfum
verið að benda á að nauðsynlegt sé
að bregðast við breyttum aðstæð-
um og að staðan eins og hún er í
dag sé óeðlileg. Þarna er sam-
keppnisráð að taka undir þessi
sjónarmið og beina þeim tilmælum
til ráðherra að hann taki stuðning
við leiklistarlífið til endurskoðunar.
Því fögnum við mjög,“ segir Magn-
ús Geir Þórðarson, stjórnarmaður í
Bandalagi sjálfstæðra leikhúsa og
leikhússtjóri hjá Leikfélagi Íslands.
„Reyndar virðist sem bæði Reykja-
víkurborg og menntamálaráðuneyt-
ið ætli sér að taka á þessum mál-
um. Reykjavíkurborg hefur nú
fyrir skemmstu ákveðið að taka
fyrsta skrefið í auknum stuðningi
við sjálfstæð leikhús. Menntamála-
ráðherra hefur tekið vel í málið og
er að skoða tillögu Bandalags ís-
lenskra listamanna um aukinn
stuðning við starfsemi sjálfstæðu
leikhúsanna. Því er ekki ástæða til
annars en að vera bjartsýnn á
framhaldið,“ bætir Magnús Geir
við.
Sjálfstæðu leikhús-
in fagna tilmælum
samkeppnisráðs
ELÍNBORG Kjartansdóttir málm-
listakona hefur opnað sýningu í
Jeru Galleríi sem staðsett er á
horni Miklubrautar og Lönguhlíð-
ar.
Þema sýningarinnar eru bækur
sem hún hefur hannað, með
málmristum framan á bókunum.
Þessar bækur eru fermingar-
bækur, minningarbækur, gesta-
bækur og giftingarbækur. Í þess-
um bókum má geyma t.d. nöfn
gesta, myndir og skeyti. Bók-
unum fylgja litlar trönur og
standa þær því sem listaverk á
skápum eða borðum.
Sýningin stendur í einn mánuð.
Morgunblaðið/Golli
Þrjár af bókum Elínborgar
Kjartansdóttur.
Málmristur
á bókum
Möguleikhúsið frumsýnir nýtt barnaleikrit
eftir Guðrúnu Helgadóttur í dag kl. 14.
Skuggaleikur heitir verkið, sem er ætlað
börnum frá tveggja ára aldri og segir af
stráknum Binna og skugganum hans, Ugga.
alltaf á fimmtudögum
NETVERSLUN Á mbl.is
Drykkjarbrúsi
aðeins kr. 400