Morgunblaðið - 11.03.2001, Blaðsíða 19

LISTIR
MORGUNBLAÐIÐ SUNNUDAGUR 11. MARS 2001 19
Kynntar verða spennandi nýjungar s.s.
* Hydration Liquid Foundation, léttur olíulaus farði.
* One-Step Facial Cleanser,undrahreinsirinn sem fjarlægir
allan farða á augabragði.
Komdu og fáðu ráðgjöf og sýnishorn*
Ráðgjafi frá Clarins verður á staðnum
frá kl. 14-18
Mánudag
Lyfja Laugavegi
Lyfja Garðatorgi
Þriðjudag
Lyfja Setbergi
Lyfja Hamraborg
Verið velkomin
Í LYFJU
LISTASAFN Reykjavíkur gengst í
dag fyrir fræðslu- og skemmtidegi
í húsum sínum, undir yfirskriftinni
„Lifandi leiðsögn – Sunnudagslist-
auki í Listasafni Reykjavíkur“. Þar
gefst almenningi kostur á að ganga
í gegnum sýningar Listasafnsins í
fylgd kunnáttufólks og skoða og
skeggræða það sem fyrir augu ber.
Að sögn Soffíu Karlsdóttur, kynn-
ingarstjóra Listasafns Reykjavík-
ur, er efnt til þessa viðburðar til
þess að minna fólk á að listasöfn
eru fyrir alla. „Margir hafa
kannski þá tilfinningu að listasöfn
séu aðeins fyrir einhvern ákveðinn
þjóðfélagshóp. Með þessari uppá-
komu viljum við hins vegar sýna
fram á hið gagnstæða,“ segir
Soffía.
Listasafnið er með átta sýningar
í sýningarsölum sínum í Ásmund-
arsafni, á Kjarvalsstöðum og í
Hafnarhúsinu og bendir Soffía á að
þar sé um mjög fjölbreytt úrval að
ræða. „Þá erum við með fasta leið-
sögn á hverjum sunnudegi, en með
þessu viljum við hvetja fullorðna
og börn til að koma og kynna sér
hvað er að gerast á safninu. Fólki
gefst færi á að ganga um sýning-
arnar með leiðsögn, þar sem gestir
geta spurt um það sem vekur
áhuga þeirra.
Sunnudagslistaukinn hefst kl. 14
í Ásmundarsafni við Sigtún þar
sem nú stendur yfir sýningin Fjöll
rímar við tröll, með verkum Páls
Guðmundssonar frá Húsafelli og
höggmyndum Ásmundar Sveins-
sonar. „Páll mun sjálfur taka þátt í
leiðsögninni um sýninguna, og get-
ur fólk því spurt listamanninn
sjálfan spurninga. Þá verður flutt
tónverk fyrir steinhörpu og víólu,
en Páll hefur smíðað hörpuna úr
líparíthellum úr bæjargilinu að
Húsafelli.“
Næsti viðkomustaður verður á
Kjarvalsstöðum en þar hefst leið-
sögn kl. 15. „Í tilefni dagsins ætl-
um við að efna til vísbendingaleiks
fyrir börn og fullorðna í tengslum
við sýningu á úrvali úr verkum
Kjarvals. Þannig mun fólk ganga
um sýninguna og leita að myndum
eftir vísbendingum. Þetta ætti að
fá fólk til að velta fyrir sér mynd-
unum og tala saman um þær,“ seg-
ir Soffía og bætir því við að auk
þess verði boðið upp á leiðsögn um
sýninguna um Gullpensla íslenskr-
ar málaralistar, sem notið hafi
mikilla vinsælda.
Klukkan 16 hefst leiðsögn um
fimm fróðlegar sýningar í Hafn-
arhúsi. „Aðaláherslan er á sýn-
inguna Heimskautslöndin unaðs-
legu: Arfleifð Vilhjálms Stefáns-
sonar, sem opnuð var í gær. Þar
mun Jónas Gunnar Allansson
mannfræðingur sjá um fræðandi
leiðsögn um sýninguna.“ Auk þess
gefst gestum kostur á að skoða
aðrar sýningar safnsins, m.a. Sófa-
málverkið eftir Önnu Jóa og Ólöfu
Oddgeirsdóttur. „Sú sýning hefur
vakið mikla athygli og er þar um
að ræða hugmynd sem allir geta
rætt og skemmt sér yfir.“ Þá er í
Útiporti sýning á Hitavættum Ro-
berts Dell, og á annarri hæð húss-
ins sýning Frásagnarmálaranna,
sem Soffía segir vera í senn
skemmtilega og merkilega list-
sögulega sýningu. Þar sýna Erró
og fimm samtíðarmenn hans ný og
eldri verk. Að lokum er sýning á
broti af þeim verkum sem eru í
eigu Listasafns Reykjavíkur.
„Allar leiðsagnirnar hefjast á
heila tímanum þannig að fólk getur
ýmist farið allan hringinn eða valið
eitthvað ákveðið. Að dagskránni
lokinni mun fólk geta sest niður á
kaffistofu Hafnarhússins og fengið
sér hressingu að viðburðaríkum
degi loknum,“ segir Soffía.
Boðið verður upp á lifandi leiðsögn í húsum Listasafns Reykjavíkur í dag
„Listasöfn
eru fyrir alla“
Ljósmynd frá ferðum Vilhjálms Stefánssonar landkönnuðar á sýningunni Heimskautslöndin unaðslegu.
Morgunblaðið/Ásdís
Páll frá Húsafelli mun taka þátt í leiðsögn um sýn-
ingu sína, Fjöll rímar við tröll, í Ásmundarsafni.
Morgunblaðið/Jim Smart
Stofa Þórarins B. Þorlákssonar í endurgerð Önnu og
Ólafar á sýningunni Sófamálverkið í Hafnarhúsinu.
ÁSGEIR Lárusson hefur haldið
hátt í tuttugu einkasýningar á jafn-
mörgum árum en alltaf látið jafnlítið
fyrir sér fara. Þannig hefur hann
siglt framhjá öllum átökum og lúðra-
blæstri á vígvelli listanna. Enn er
hann á sömu nótunum hjá Ófeigi,
sýningin er ekki stór en hún sýnir
samt að hann ræktar sitt pund þótt
ekki sé það gert með bægslagangi.
Í sýningunni hjá Ófeigi er Ásgeir
ekki alls fjarri Tuma Magnússyni
með skiptingu flatarins í tvær ólíkar
heildir. En í staðinn fyrir að láta flet-
ina renna saman heldur Ásgeir
skýrri flataskiptingu í miðju verkinu.
Þá er heldur ekki um stóran garð
efna að ræða í verkum hans, heldur
liti, sem hann blandar saman í
ákveðnum hlutföllum. Verkin heita
eftir litunum tveim sem hann notar í
hvert verk.
Útkoman verður einkar þægileg
því hvor liturinn fyrir sig er meng-
aður af hinum upp að vissu marki, og
því er um skyldleika að ræða í öllum
tilvikum. Eins og ætíð þegar litir eru
mettaðir verður til ákveðinn grámi
sem verkar róandi á sjóntaugarnar.
Það er þess háttar rólyndislegt and-
rúmsloft sem einkennir alla sýningu
Ásgeirs.
Höggmyndin Ávaxtarenna – úr
ryðfríu stáli og eik – er aftur á móti
eilítið á sveig við málverkin og bætir
engu við gæði hinna verkanna.
Morgunblaðið/Halldór B. Runólfsson
Ein af myndum Ásgeirs Lárussonar í Listhúsi Ófeigs.
Tvílit málverk
MYNDLIST
L i s t h ú s Ó f e i g s ,
S k ó l a v ö r ð u s t í g
Til 14. mars. Opið á verslunartíma.
MÁLVERK & HÖGGMYND
ÁSGEIR LÁRUSSON
Halldór Björn Runólfsson
alltaf á miðvikudögum