Morgunblaðið - 22.03.2001, Qupperneq 31

ERLENT
MORGUNBLAÐIÐ FIMMTUDAGUR 22. MARS 2001 31
FRANSKIR saksóknarar kröfðust
þess í fyrradag, að fjórir sakborn-
ingar í Elf-málinu, einu umfangs-
mesta spillingarmáli sögunnar í
Frakklandi, yrðu dæmdir til fangels-
isvistar og í háar sektir. Þýska rík-
isstjórnin staðfesti, að hún hefði far-
ið fram á aðgang að skjölum
Elf-olíufélagsins vegna rannsóknar á
hugsanlegum greiðslum frá því inn á
leynireikninga Kristilega demó-
krataflokksins.
Sakborningarnir fjórir eru Roland
Dumas, fyrrverandi utanríkisráð-
herra Frakklands; Christine Dev-
iers-Joncour, fyrrverandi ástkona
hans; Loik Le Floch-Prigent, fyrr-
um forstjóri Elf-Aquitaine, og Alfred
Sirven, næstráðandi hans. Eru þau
sökuð um að hafa ausið af og hagnast
á leynilegum sjóðum í eigu félagsins.
Tveggja til fimm
ára fangelsi
Saksóknarar kröfðust þess, að
Dumas, náinn samstarfsmaður
Francois heitins Mitterrands for-
seta, yrði dæmdur í tveggja ára
fangelsi og gert að greiða um 30
milljónir íslenskra króna í sekt. Le
Floch-Prigent og Sirven, sem eru
sagðir hafa stofnað leynisjóðina,
fengju fimm ára fangelsi og 30 millj.
kr. sekt hvor og Deviers-Joncour,
sem er sögð hafa fengið fé til að hafa
áhrif á Dumas, skyldi sitja í fangelsi í
þrjú ár og greiða 12 millj. kr. í sekt.
Fóru saksóknarar fram á vægari
refsingu yfir öðrum þremur sak-
borningum í málinu en allir sjö halda
þeir fram sakleysi sínu.
Lögfræðingar Elf-Aquitaine, sem
var áður í eigu ríkisins en hefur nú
verið einkavætt og heitir TotalFina-
Elf, sögðu fyrir rétti, að í tíð þeirra
Le Floch-Prigents og Sirvens hefðu
um 700 millj. ísl. kr. verið greiddar
Deviers-Joncour með ólöglegum
hætti. Héldu saksóknarar því fram,
að Dumas hefði tekið við hluta þessa
fjár þótt hann vissi hvernig það væri
til komið og einn þeirra tók svo til
orða, að Dumas, sem lét vegna máls-
ins af embætti sem forseti franska
stjórnlagadómstólsins, hefði gefið
„siðferðilegum skyldum sínum langt
nef“.
„Staða þín sem virts lögfræðings
bætir ekki úr fyrir þér. Hélstu, að
Elf-sjóðirnir væru einhver upp-
spretta, sem þú gætir sótt í að vild?
Þú hefur logið og orðið missaga allt
frá upphafi,“ sagði Jean-Pierre
Champrenault, formaður saksókn-
arahópsins. Gerði hann einnig lítið
úr tilraunum Deviers-Joncour til að
skýra út sinn hlut í málinu, en það
gerði hún í bókinni „Hóru lýðveld-
isins“. Var hún heldur álút undir
lestrinum en Dumas sýndi lítil svip-
brigði.
Um Le Floch-Prigent sagði
Champrenault, að hann ætti sér eng-
ar málsbætur enda hefði hann „eyði-
lagt fjárhag og virðingu Elf-olíu-
félagsins“ í samvinnu við Sirven.
Verjendur sakborninganna sögð-
ust hneykslaðir á hörðum kröfum
saksóknaranna en þeir tóku til við
vörnina í fyrradag og í gær.
Talsmaður þýska fjármálaráðu-
neytisins sagði, að farið hefði verið
fram á aðgang að skjölum Elf og
einkanlega um kaup þess á austur-
þýsku olíuhreinsunarstöðinni Leuna
árið 1992. Grunur leikur á, að rúm-
lega þrír milljarðar ísl. kr. hafi verið
greiddar milligöngumönnum um
kaupin og hugsanlegt er talið, að ein-
hver hluti þess fjár hafi farið inn á
leynireikninga Kristilega demó-
krataflokksins í Þýskalandi. Þegar
ríkisstjórn Gerhards Schröders kom
til valda 1998 kom í ljós, að mörg
skjöl varðandi söluna voru horfin úr
hirslum kanslaraembættisins.
Réttarhöld í Elf-málinu, einu mesta spillingarmáli síðari tíma í Frakklandi
París, Berlín. AFP, Reuters.
Krafist þungra refsinga
yfir sakborningum
RÚSSAR hafa brugðist ókvæða við
tilraunum bandarísku geimvís-
indastofnunarinnar, NASA, til að
gera að engu 20 milljóna dollara
samning rússnesku geimvísinda-
stofnunarinnar við bandarískan
milljónamæring, Dennis Tito, um
að flytja hann upp í Alþjóðlegu
geimstöðina (ISS).
„Við þurfum ekki leyfi frá
[NASA]. Við þurfum bara að láta þá
vita. Við höfum skrifað undir samn-
ing við Tito og hann mun fljúga til
ISS,“ sagði Alexander Botvinko, að-
stoðarframkvæmdastjóri geimfara-
áætlunar rússnesku geimvísinda-
stofnunarinnar.
Sextán ríki eru aðilar að ISS, en
bygging stöðvarinnar hefur að
mestu hvílt á herðum Rússa.
Bandaríkjamenn hafa tilkynnt
Rússum að þeir vilji ekki að Tito,
sem er sextugur fjármálamaður,
fari í fyrirhugaða geimför 30. apríl
næstkomandi.
Flækist fyrir
Ætlunin er að þessi fyrsti „geim-
ferðamaður“ leggi upp með Sojus-
geimfari frá Bajkonur-geimferða-
miðstöðinni í Kazakstan, ásamt
tveim rússneskum atvinnugeimför-
um. Talsmenn NASA segjast
hræddir um að Tito muni flækjast
fyrir starfsfólki ISS þá tíu daga sem
hann hyggst dvelja þar.
Geimfarar sem fara til ISS þurfa
að fara í þjálfun bæði í Rússlandi og
Bandaríkjunum, og Rússarnir sem
fara eiga með Tito neituðu á mánu-
daginn að mæta í þjálfun hjá NASA
í Flórída eftir að NASA meinaði
Tito að mæta með þeim. Á þriðju-
daginn létu þeir af mótmælaað-
gerðum sínum, en Tito var ekki
með þeim.
NASA vill
ekki „geim-
ferðamann“
Moskvu, Kanaveralhöfða. AFP, AP.