Morgunblaðið - 22.03.2001, Qupperneq 49

UMRÆÐAN
MORGUNBLAÐIÐ FIMMTUDAGUR 22. MARS 2001 49
Kolbeinn J. Ketilsson fer með
hlutverk Rodolfo í La Bohème
og hefur hlotið mikið lof fyrir.
Hann býr í Þýskalandi og syngur
við ýmis óperuhús í Evrópu.
X
Y
Z
E
T
A
/
S
ÍA
La Bohème hefur hlotið frábærar viðtökur
sem sýna hinn mikla og almenna óperuáhuga
Íslendinga. Þessi áhugi er drifkraftur Íslensku
óperunnar.
Fyrir uppfærsluna á La Bohème fékk Óperan
til liðs við sig marga unga söngvara sem
starfa erlendis. Jafnframt sýningum hér hafa
þeir verið við æfingar og sýningar annars
staðar. Af þeim sökum hefur því miður ekki
verið hægt að fjölga sýningum á La Bohème.
Við ætlum hins vegar að enduruppfæra
verkið í sama búningi eftir u.þ.b. tvö ár. Þeir
sem ekki fengu miða núna fá vonandi þá.
Sönglistin er Íslendingum kærust allra lista
og ótrúleg gróska er í sönglífi þjóðarinnar.
Það er engin tilviljun að upp úr þessum
jarðvegi hafa sprottið tugir frábærra ein-
söngvara sem sumir starfa hér heima en
aðrir við óperuhús í útlöndum. Markmið
Óperunnar er að skapa atvinnugrundvöll
fyrir óperusöngvara á Íslandi og tryggja
þannig að þjóðin fái notið sinna eigin lista-
manna í ríkara mæli. Í haust setjum við upp
Töfraflautuna eftir Mozart - einnig með úrvals-
söngvurum. Töfraflautan er líka snilldarverk.
Ekki missa af henni.
SÍÐUSTU SÝNINGAR
11. sýning 23. mars kl. 20 .......uppselt
lokasýning 24. mars kl. 19....uppselt
TAKK FYRIR
stórkostlegar viðtökur
ENN einu sinni
hefur ríkisstjórn Dav-
íðs Oddssonar sett
verkfallsbann á sjó-
menn. Nú um tíu
daga skeið. Enn sem
fyrr er ætlunin að
treysta á að útgerð-
armenn verði við-
ræðugóðir meðan
verkfallsbannið er í
gildi. Reynslan er
hins vegar allt önnur.
Öll þau bannlög sem
ríkisstjórn Davíðs
hefur fram til þessa
sett á kjarabaráttu ís-
lenskra sjómanna
hafa aðeins orðið til þess að fram-
lengja afgreiðslu þeirra ágrein-
ingsmála sem einkennt hafa sam-
skipti útgerðarmanna og sjómanna
undanfarin ár. Eitt er öllum ljóst á
þessari stundu – aldrei hefur
nokkur aðgerð af hálfu ríkisstjórn-
ar mælst jafn illa fyrir og þessi
bannlög nú. Nú héldu menn að
eitthvað væri að marka yfirlýs-
ingar hvers ráðherrans á fætur
öðrum um að nú yrðu útgerðar-
menn að sýna lit og leysa sín mál
sjálfir. Það er allri sjómannafor-
ustunni mikil vonbrigði að ekkert
skuli hafa verið að marka þessar
yfirlýsingar. Þannig verður erfitt
að trúa slíkum yfirlýsingum næst.
Enda hvers vegna ætti að vera
meira að marka þær eftir fyrsta
apríl en nokkrum vikum áður en
verkfallið brast á?
Sú spurning vaknar óhjákvæmi-
lega nú hvort ekki sé kominn tími
á að láta alvarlega reyna á sam-
stöðu sjómannastéttarinnar. Að
stjórnvöldum verði gert ljóst, að
bannlögum sem sett verða á lög-
lega boðaðar verkfallsaðgerðir sjó-
manna verði ekki hlýtt. Er vert að
gera kröfu um það að birt verði af
hálfu Davíðs Oddssonar hvenær
það henti best að sinna kjaramál-
um sjómanna. Fá uppskriftina!
Þegar engin loðna er þá er norsk-
íslensk síld og karfaveiðar á
Reykjaneshrygg og
svo mætti áfram telja.
Það sem alvarlegast
er þó í þessu máli er
sú staðreynd að ráð-
herrar fara með rangt
mál þegar þeir segja
að hér hafi verið um
að tefla verðmæti upp
á 1½ milljarð eða
meira, eins og fram
kom í máli forsætis-
ráðherra nokkrum
klukkustundum áður
en bannlögin gengu í
gildi. Þetta eru stað-
hæfingar sem engir
mér vitanlega, sem
nálægt þessum málum koma í
vinnslu og veiðum, hafa tekið und-
ir. Hvað varðar önnur skip er
samningsbundnum hafnarfríum
um borð í stórum hluta þeirra ekki
lokið.
Þær kröfur sem sjómenn hafa
sett fram nú eru allar í samræmi
við þær sem við höfum verið að
fást við á íslenskum vinnumarkaði
undanfarna mánuði. Það brennur á
sjómönnum að fá í gegn róttækar
endurbætur í slysatryggingum sjó-
manna. Undanfarin ár hefur hvert
tryggingamálið á fætur öðru tap-
ast fyrir rétti vegna skorts á sönn-
unargögnum varðandi aðdraganda
og aðstæður slyss. Með lagakrók-
um hefur tekist að komast hjá eðli-
legum slysabótum. Hins vegar hef-
ur það verið öllum ljóst að
viðkomandi sjómaður hefur verið
slasaður – bara ekki tryggður. Það
tók sex daga verkfall að koma
tryggingamálunum í lag um borð í
kaupskipaflotanum og hefði ekki
átt að þurfa að kosta mikil átök að
koma á sömu tryggingum í fiski-
skipaflotanum. Einkum þegar al-
þjóðlegar kannanir hafa nýverið
leitt í ljós að það er hættulegra að
vera íslenskur sjómaður í dag en
hvítur lögreglumaður í verstu
glæpahverfum New York-borgar.
Gerðar hafa verið kröfur um
eðlilega hækkun kauptryggingar
og að loks verði fundin viðunandi
lausn á fiskverðsmálunum.
Má ekki fastlega búast við því
að útgerðarmenn mæni vonaraug-
um til stjórnarráðsins hinn 1. apríl
og bíði enn frekari aðgerða af
hálfu vina sinna þar? Ætlar rík-
isstjórnin þá að láta útgerðina
sitja uppi með þessi bannlög nú
sem hvert annað aprílgabb? Eða
koma ekki bara ný lög, nú ef til vill
í þrjár vikur – hver veit?
Verkfall
sjómanna
Jónas Garðarsson
Höfundur er formaður
Sjómannafélags Reykjavíkur.
Verkfallsbann
Aldrei hefur nokkur
aðgerð af hálfu rík-
isstjórnar mælst jafn
illa fyrir, segir Jónas
Garðarsson, og
þessi bannlög nú.