Morgunblaðið - 22.03.2001, Qupperneq 66

66 FIMMTUDAGUR 22. MARS 2001 MORGUNBLAÐIÐ






 
 



 



  

 







  


BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ER INNGANGA Íslands í ESB sú
leið sem við ættum að fara? Per-
sónulega er ég á móti því. Hverjar
eru ástæðurnar fyrir því að ég er
andstæðingur inngöngu? Hvers-
vegna skyldi ESB hafa áhuga fyrir
okkur, svona litlir, sem við erum?
Það er rétt að við erum mjög litlir
en við eigum líka mjög stóra fisk-
veiðilögsögu. Og allir þrá þeir að
ná í bita af þeirri köku. Erlend
togarafélög hafa neytt allra bragða
að smeygja sér bakdyramegin inn
í landhelgina með því að plata ís-
lenska togaraeigendur til að ger-
ast meðeigendur auðvitað gegn
milljarða peningagjöfum. Sem bet-
ur fer hafa fáir fengist til að opna
bakdyrnar, en vissulega eru til
þesslags Íslendingar.
Aðalhætturnar sem við munum
standa frammi fyrir eftir inngöngu
okkur í Evrópusambandið. Vegna
smæðar okkar komum við til með
að verða valdalausir. Sem sagt öllu
okkar lífi verður stjórnað beint frá
höfuðstöðvum ESB. Verum minn-
ug þess að í Suður- og Austur-
Evrópu eru aðeins svona 30–40
milljónir atvinnulausra fátæklinga
sem kunna að lifa á ótrúlega lág-
um launum.
Segjum nú að nokkur hundruð
þúsund af þessum atvinnuleysingj-
um flyttu til gósenlandsins Ís-
lands. Jafnvel þó að launamisrétti
hér sé óhuggulega mikið kæmi þar
hópur fólks sem þætti jafnvel
lægstu laun hér vera heil auðæfi.
Hvernig skyldi Jóni Jónssyni
verða við ef forstjórinn kallar
hann fyrir einn góðan veðurdag,
svo segjandi: Þú ert með 90 þús-
und krónur á mánuði, Jón. Núna
gengur svo erfiðlega með rekstur
fyrirtækisins að við höfum ekki
efni á að greiða svona hátt kaup.
Við sjáum okkur til neydda að
lækka launin þín í kr .50 þúsund á
mánuði. Já, en herra forstjóri, ég
get alls ekki lifað á svo lágum
launum. Jæja, Jón minn! Núna
standa málin svoleiðis að okkur
býðst nóg af fólki sem sættir sig
við 50 þúsund króna mánaðarlaun,
svo mér sýnist að væri ráð fyrir
þig að pilla þig bara heim og taka
það rólega, þú færð atvinnuleys-
isbætur í 3 mánuði. Nú, svo sýnist
mér að þú munir finna lausn sem
þér líkar, alla vega er það ekki
okkar mál. Mig grunar að þeir
gætu orðið nokkuð margir Jón-
arnir.
Ég gæti svo sem búist við að
stjórnarherrar ESB sæju sóma
sinn í að skaffa 2 til 3 hundruð
helstu stór-pótintátum okkar þjóð-
félags þokkalegt starf hjá sínum
nýju húsbændum. Þó ekki væri
nema til að launa góða frammi-
stöðu.
Þetta eru tvær aðalástæðurnar
fyrir því að ég er sannfærður um
að þetta er spurning um það hvort
fyrir okkur liggur að vera í fram-
tíðinni sjálfstæð þjóð eða nýlenda
og eitt er það sem við megum vera
örugg um frá byrjun. Ráðamenn í
ESB munu trúlega bjóða okkur
einhverjar tilslakanir bæði hvað
varðar landhelgina og eins ein-
hverja stjórnun á straumi innflytj-
enda til landsins. Allir þesslags
samningar munu standa eins og
kletturinn þar til þeim verður sagt
upp, og sannið til, landar góðir:
Við munum ekki þurfa að bíða allt-
of lengi eftir uppsagnarbréfinu.
Vegna þess mjög ódrengilega
ástands að illa samin fiskveiði-
kvótalög hafa hrjáð okkar litlu
þjóð undanfarna áratugi eru
kannske til þeir menn sem vona að
herrarnir í ESB muni eitthvað lag-
færa óréttlætið.
Ég hefi enga trú á að sú breyt-
ing yrði til batnaðar fyrir Íslend-
inga almennt, en kannski myndu
þá fæðast erlendir kvótagreifar.
Kannski þætti íslensku greifunum
eitthvað fyndið við að eignast hóp
af erlendum kollegum. ESB-unn-
endur upplýsa okkur um að með
inngöngu í ESB muni lækka tollar
af fiskinum okkar um mörg hundr-
uð krónur. Jæja, en ef nú, já,
svona 60% veiðiflotans skyldu vera
skip stjórnendanna austur í Evr-
ópu, já, þá færi nú krónugróðinn
okkar heldur betur að léttast.
Það eru fyrst og fremst þrjú
stór tollabandalög sem við Íslend-
ingar höfum hagsmuna að gæta
gagnvart vegna viðskipta. Það eru
ESB, Ameríka og Asía. Þessi
bandalög eru og munu alltaf verða
meira og minna í illindum hvert
gegn öðru. Ísland er staðsett mitt
á milli tveggja. Að vera innlimuð í
eitt þessara bandalaga þýðir bara
að við munum óumflýjanlega
standa í illindum meira eða minna
við hin tvö. Væri nú ekki fremur
athugandi að halda frelsi sínu og
sjálfstæði, en kappkosta þess í
stað að eiga sem vinsamlegust af-
skipti og viðskipti við alla risana
þrjá?
Ég er sjálfsagt ekki neinn fyr-
irmyndar ættjarðarvinur, en hik-
laust kýs ég samt sjálfstæði til
handa okkar kæra Íslandi fram yf-
ir nokkrar krónur í viðbót í stóra
kassann okkar og vasa nokkur
hundruð kvótagreifa.
Og þess þá fremur þar sem ég
trúi staðfastlega að með sjálfstæð-
inu og friðinum muni einnig krón-
urnar verða mun fleiri.
Við skyldum í komandi kosn-
ingum vera þess minnug að raunar
erum við að kjósa um sjálfstæði
eða ekki. Og ef illa fer verða að-
eins eftir minningar um þessa
hálfu öld sem við nutum þess að
vera sjálfstæð.
KARL JÓNATANSSON
240224-2409.
Stöndum vörð um
sjálfstæði okkar
Frá Karli Jónatanssyni: