Morgunblaðið - 22.03.2001, Síða 73

FÓLK Í FRÉTTUM
MORGUNBLAÐIÐ FIMMTUDAGUR 22. MARS 2001 73
Í KVÖLD fer fram fyrri riðill und-
anúrslita mælsku- og ræðukeppni
framhaldsskólanna, MORFÍS, og
mætast lið Menntaskólans við
Hamrahlíð og Verslunarskólans.
Umræðuefnið er bjartsýni og er
MH með en Versló á móti.
Menntaskólinn við Hamrahlíð
Að þessu sinni keppa fyrir hönd
MH þeir Hjörleifur Björnsson, Kári
Ragnarsson og Helgi Guðnason, en
liðsstjóri er Georg Hilmarsson.
Að sögn Hjörleifs er æft nær við-
stöðulaust í vikutíma: „Við höfum
æft í viku fyrir keppnina, allt frá því
umræðuefnið var tilkynnt. Við byrj-
um á að skrifa ræðurnar, lesum þær
síðan yfir og reynum að læra þær
og flytjum þær síðan aftur og aftur
til að ná fullkomnu valdi á þeim.“
Þannig segir Hjörleifur að allar
ræður séu að megninu til fyrirfram
samdar, og byggist undirbúningur-
inn að miklu leyti á að sjá fyrir rök
og andsvör andstæðingsins:
„Við reynum að finna grundvöll-
inn sem andstæðingurinn mun
byggja mál sitt á og gerum svörin
eftir því, en vitaskuld eru mörg svör
samin á staðnum.“
Verslunarskóli Íslands
Ómar Örn Bjarnþórsson, liðsstjóri
liðs Verslunarskólans, hefur þá
Breka Logason, Ágúst Ingvar
Magnússon og Björn Gunnarsson
sér til fulltingis. Breki, sem verður
frummælandi, segist aldrei hafa
beðið lægri hlut í ræðukeppni, en á
þó nokkuð langan feril að baki.
Hann segir liðið hafa æft samvisku-
samlega þessa vikuna og lítill tími
gefist til að svo mikið sem fara í
bað: „Það er voða lítið hægt að æfa
áður en umræðuefnið liggur fyrir,
sem er venjulega viku fyrir keppn-
ina. Þá ákveðum við hvaða pól við
ætlum að taka í hæðina, og byrjum
síðan að skrifa ræðurnar, lærum
þær utan að og skrifum niður mót-
svör.“
Þó að vinnan sé mikil, segir Breki
hana vel þess virði: „Það bitnar vita-
skuld eitthvað á náminu og einkalíf-
inu á meðan á þessu stendur, en
þetta er mjög skemmtilegt og þeir
sem komast í kynni við þetta hætta
ekki svo glatt.“
Lukkudýrið látið
Breki ætti líka að þekkja hversu
gaman það er að sigra, enda var
hann í sigurliði Verslunarskólans í
fyrra, en þeir mættu einmitt MH í
úrslitum. Sá sigur hafði þó ófyr-
irséðar afleiðingar fyrir einn meðlim
liðsins, nefnilega lukkudýrið. „Ein-
hverjir bitrir MH-ingar gripu til ör-
væntingarfullra ráða eftir ósigurinn
í úrslitakeppninni í fyrra, „segir
Breki, „og stálu frá okkur lukkudýr-
inu og hefur það ekki sést síðan.“
Breki segir hins vegar að Versling-
ar hafi ekki syrgt gamla lukkudýrið
lengi, og séu nú komnir með nýtt,
Humarinn Halla, sem er glæsilegur
plasthumar og er sérstaklega vel
varðveittur í öskju, fjarri allri
hættu.
MH og Versló eigast við í mælskukeppni framhaldsskólanna
Morgunblaðið/Árni Sæberg Morgunblaðið/Jim Smart
Erum ekkert
með kurteisishjal
Hjörleifur Björnsson í MH:
„Betra liðið mun sigra, en þeir verða að standa
sig vel ef þeir ætla að sigra okkur. Ef þeir telja
sigurinn gefinn munu þeir brenna sig illa.“
Breki Logason í Versló:
„Þeir eru án vafa með næststerkasta
liðið í keppninni, á eftir okkur. En við
erum óhræddir.“
Ágúst Ingvar Magnússon , Ómar Örn Bjarn-
þórsson, Björn Gunnarsson og Breki Logason.
Hjörleifur Björnsson, Georg Kári Hilmarsson,
Helgi Guðnason og Kári Hólmar.
Dragtir
Neðst á Skólavörðustíg
Vöggusæn
gur
vöggusett
PÓSTSENDUM
Skólavörðustíg 21
sími 551 4050
Reykjavík