Morgunblaðið - 03.05.2001, Page 31

ERLENT
MORGUNBLAÐIÐ FIMMTUDAGUR 3. MAÍ 2001 31
LÆKNAR við sjúkrahúsið í
Mílanó, þar sem Emma Bonino,
fyrrverandi
meðlimur
framkvæmda-
stjórnar
Evrópusam-
bandsins,
liggur í mót-
mælasvelti,
sögðust í gær
hafa áhyggjur
af ástandi
hennar.
Bonino hefur neitað að inn-
byrða vott eða þurrt í fimm sól-
arhringa. Hún var lögð inn á
Sao Paolo-sjúkrahúsið í Mílanó
á þriðjudagskvöld, en mun hafa
hafnað hvers kyns læknisað-
stoð.
Mótmælasveltinu er ætlað að
vekja athygli á því hve litlir
flokkar, sem bjóða fram í þing-
kosningunum á Ítalíu hinn 13.
maí næstkomandi, fá lítinn út-
sendingartíma í fréttaflutningi
af kosningabaráttunni í sjón-
varpsstöðvum landsins. Bonino
er formaður Róttæka flokksins,
eins ítölsku smáflokkanna.
Þar sem sjávarútvegsmál
voru meðal málefna á hennar
könnu á þeim árum sem Bonino
var í framkvæmdastjórn ESB,
1995–1999, átti hún töluverð
samskipti við Íslendinga og
mætti t.d. á ráðstefnu í Reykja-
vík árið 1997.
Pólskir bisk-
upar biðjast
afsökunar
Á BISKUPAÞINGI í Póllandi
samþykktu í gær kaþólskir
biskupar landsins ályktun þar
sem þeir biðja fyrir hönd lands-
manna sinna um fyrirgefningu
fyrir „þann sársauka“ sem
hlauzt af því að 1.600 gyðingar
voru brenndir inni af pólskum
nágrönnum sínum í smábæ í
Norðaustur-Póllandi í júlí árið
1941.
Breyttu biskuparnir þar með
fyrri afstöðu sinni til málsins,
sem var í takt við áður ríkjandi
opinbera söguskoðun sem gerði
þýzka nazista ábyrga fyrir
þessu fjöldamorði á gyðingum.
Ísraelar deila
um Richard
Wagner
HART er nú deilt í Ísrael um
það hvort flytja megi tónverk
eftir þýzka tónskáldið Richard
Wagner í landinu eða ekki.
Shaul Yaholam, þingmaður
„Þjóðernissinnaða trúarflokks-
ins“ á ísraelska þinginu, Kness-
et, fór mikinn í fordæmingu
sinni á því að fyrirhugað væri
að flytja hluta Wagner-óper-
unnar „Die Walküre“ á stærstu
menningarhátíð ársins í Ísrael í
sumar – undir stjórn hins
heimskunna stjórnanda Dan-
iels Barenboims, sem sjálfur er
Ísraeli að uppruna.
„Sé helvíti til getur ekki verið
nokkur vafi á því að þar eigi
Richard Wagner heiðurssess
og það væri honum efalaust
ánægjuefni að vita að gyðingar
– sem hann talaði sjálfur svo
illa um – skuli flytja hans verk,“
sagði þingmaðurinn.
STUTT
Hafa
áhyggjur
af ástandi
Bonino
Emma
Bonino
SVO virðist sem nýjar tillögur Ger-
hards Schröders, kanzlara Þýzka-
lands, um framtíðarfyrirkomulag
stofnanauppbyggingar Evrópusam-
bandsins (ESB), hafi víkkað enn það
bil sem á síðustu misserum hefur
orðið æ meira áberandi í Evrópu-
stefnu stjórnvalda í Berlín og París,
en „þýzk-franski öxullinn“ hefur á
liðnum áratugum verið einn helzti
drifkraftur Evrópusamrunans.
Pierre Moscovici, Evrópumálaráð-
herra Frakklands og náinn samherji
Lionels Jospins forsætisráðherra,
dró í útvarpsviðtali í gær ekki dul á
ágreining Frakka og Þjóðverja á
þessu sviði.
„Okkur væri ef til vill nær að
ganga ekki eins langt og gert er ráð
fyrir í áætlun Schröders,“ sagði
Moscovici. „Við ættum vissulega, að
mínu viti, að stefna lengra í samruna-
átt en jafnframt ættum við að virða
milliríkjasamstarfsstofnanirnar, ráð-
herraráðið,“ sagði hann, en kjarnaat-
riði í tillögum Schröders, sem eru
hluti af stefnumótandi ályktun sem
hann hefur lagt fyrir flokk sinn,
þýzka Jafnaðarmannaflokkinn, er að
ráðherraráði ESB verði breytt í eins
konar efri deild Evrópuþingsins og
að framkvæmdastjórn ESB verði
eins konar „ríkisstjórn Evrópu“ sem
beri ábyrgð gagnvart Evrópuþing-
inu.
Moscovici hafnaði þessum tillögum
að breyttri stofnanauppbyggingu
sambandsins en sumir hafa túlkað
þær sem viljandi skref í átt að því að
gera ESB að „evrópsku ofurríki“.
Barnier hrifinn
Hins vegar sagði Michel Barnier,
hinn franski meðlimur framkvæmda-
stjórnar ESB sem fer með málefni er
varða umbætur á stofnanakerfi
sambandsins, í gær að hugmyndir
þýzka kanzlarans væru „djarfar og
athyglisverðar“.
„Samþykki flokkur hans þær mun
Þýzkaland leika mjög mikilvægt
hlutverk í umræðunni um framtíð
ESB eftir [leiðtogafundinn í] Nice, en
það er nokkuð sem ég fagna,“ sagði
Barnier í viðtali við þýzku útvarps-
stöðina DeutschlandFunk.
Tillögur Schröders að breyttu stofnanakerfi ESB
Brestir í „þýzk-
franska öxlinum“
París, Berlín. AFP.