Morgunblaðið - 11.10.2001, Qupperneq 8

FRÉTTIR
8 FIMMTUDAGUR 11. OKTÓBER 2001 MORGUNBLAÐIÐ
Ef ég mætti kannski bara aðeins fá að kíkja á pleisið?
Námstefna fagdeildar hjúkrunarfræðinga
Lífsgæði ein-
staklinga hafa
aukist mjög
FAGDEILD hjúkr-unarfræðinga ákrabbameinssviði
stendur fyrir námstefnu
um geislameðferð í húsi
Pharmaco í Garðabæ í
dag. Nokkrir fyrirlesarar
stíga þar í pontu og flytja
erindi um margvíslegar
hliðar umræddrar með-
ferðar. Svandís Matthías-
dóttir, hjúkrunarfræðing-
ur á geisladeild krabba-
meinslækningadeildar
Landspítala – háskóla-
sjúkrahúss, er formaður
undirbúningsnefndar
námstefnunnar og Morg-
unblaðið sló á þráðinn til
hennar í vikunni og kom
þá á daginn að tekið verð-
ur á ýmsum leyndardóm-
um í tengslum við geisla-
meðferð og þess freistað
að varpa ljósi á og auka
áhuga og þekkingu á
þessari grein sjúkdómsmeð-
höndlunar.
– Hver er þessi fagdeild hjúkr-
unarfræðinga?
„Fagdeild hjúkrunarfræðinga
á krabbameinssviði er deild inn-
an FÍH. Í fagdeildinni eru 116
hjúkrunarfræðingar enda
krabbameinshjúkrun vaxandi og
mikilvæg fræðigrein innan hjúkr-
unar. Fagdeildin heldur árlega
veglega námstefnu um mikilvæg
málefni sem snerta þjónustu við
krabbameinssjúklinga og að
þessu sinni tengist umfjöllunar-
efnið geislameðferð.“
– Hvers vegna geislameðferð?
Árlega greinast 1.000 til 1.100
einstaklingar með krabbamein og
fær um það bil helmingur þeirra
geislameðferð. Geislameðferðin
er gefin á Landspítala – háskóla-
sjúkrahúsi við Hringbraut. Með-
ferðareiningin samanstendur af
geislameðferð og geislaeðlis-
fræðideild, alls um 35 manns, þar
af tíu hjúkrunarfræðingar. Með
því að taka fyrir geislameðferð er
fyrst og fremst verið að vekja at-
hygli og áhuga fólks á þessari
grein innan hjúkrunar sem er
eins stór hluti af krabbameins-
meðferð og raun ber vitni.
Fjallað verður um ástand fólks í
geislameðferð og t.d. þurfa að-
eins 10% einstaklinga á sjúkra-
húsinnlögn að halda meðan á
meðferð stendur. 90% koma utan
úr bæ. Reynt er að bera niður
sem víðast eins og sjá má ef dag-
skráin er skoðuð. Aðeins ein
geisladeild er í landinu og er bið-
tími eftir geislameðferð stuttur
miðað við nágrannalöndin og
þjónustan einstaklingsmiðuð.“
– Það er talað um mýtur í
þessum geira. Hvað er það og er
varpað ljósi á þær á námstefn-
unni?
„Það sem við köllum mýtur eru
leyndardómar. Það eru margir
leyndardómar varð-
andi geislameðferð
bæði meðal almenn-
ings og fagfólks, enda
hefur ekki verið mikið
um hana fjallað hér-
lendis. Þessi nám-
stefna er liður í því að
miðla þekkingu og
vekja áhuga á málefn-
um sem snúa að hjúkr-
un sjúklinga í geisla-
meðferð. Það er von okkar að það
sem fram kemur á þessari nám-
stefnu muni varpa ljósi á þá stað-
reynd að með aukinni þekkingu
og fullkomnari tækni hafa lífs-
gæði einstaklinga sem fá geisla-
meðferð batnað.“
– Hverjir halda fyrirlestra og
um hvað?
„Fyrsta erindið verður klukk-
an fimm, en húsið verður opnað
hálftíma fyrr. Á vaðið ríður Sig-
urður Árnason, sérfræðingur í
krabbameinslækningum, og ber
fyrirlestur hans yfirskriftina
„Geislar sem einkennameðferð“.
Því næst flytur Jakob Jóhanns-
son, sérfræðingur í krabbameins-
lækningum, fyrirlesturinn
„Geislameðferð á Landspítala –
háskólasjúkrahúsi við Hring-
braut“. Á eftir kemur Stefanía
Sigurjónsdóttir með fyrirlestur
sem hún kallar „Hjúkrun ein-
staklinga í geislameðferð“. Síðan
er matarhlé þar sem boðið verð-
ur upp á veglegt ítalskt hlaðborð
við söng Bergþórs Pálssonar og
undirleik Reynis Jónassonar
harmonikkuleikara. Eftir matar-
hléið byrjar Gillian Holt, hjúkr-
unarfræðingur á barnadeild, og
flytur fyrirlestur sem hún kallar
„Börn og geislameðferð“, því
næst kemur Óttar Guðmundsson,
sérfræðingur í geðlækningum, í
pontuna með fyrirlestur sem
heitir „Kvíði fyrir hinu óþekkta“
og loks flytur Árni Ragnar Árna-
son alþingismaður fyr-
irlestur sem ber heitið
„Upplifun mín af því
að greinast með
krabbamein og fá
geislameðferð.“
– Er námstefnan
fyrir fagfólk eða al-
menning?
„Námstefnan er
fyrst og fremst hugsuð
fyrir og ætluð fagfólki.
Til að upplýsa og hafa áhrif á
umræðuna um geislameðferð
sem hefur ekki verið eins mikil á
yfirborðinu og önnur krabba-
meinsmeðferð.“
Svandís
Matthíasdóttir
 Svandís Matthíasdóttir fædd-
ist 8. ágúst 1953. Hún lauk námi
frá Hjúkrunarskóla Íslands 1976.
Starfaði sem deildarstjóri á lyf-
læknisdeild 1-A á Landakotsspít-
ala frá 1977–1981. Frá 1983–
1985 vann hún á heilsugæslu-
stöðinni í Mosfellsbæ. Hún hóf
störf á geisladeild krabbameins-
lækningadeildar árið 1985 og
hefur starfað þar síðan. Svandís
á þrjú börn.
Aðeins 10%
einstaklinga
þurfa á
sjúkrahús-
innlögn að
halda meðan
á meðferð
stendur
SAMKOMULAG um styrk til minningar
um prófessor Jón Steffensen var nýlega
undirritað en það eru Þjóðminjasafn Ís-
lands, Nesstofusafn og Félag áhuga-
manna um sögu læknisfræðinnar sem
standa að styrknum.
Í fréttatilkynningu frá þessum aðilum
segir að það sé Jóni að þakka að til sé
gott safn lækningamuna, Nesstofusafn,
sem er deild í Þjóðminjasafni Íslands. Tíu
ár voru í sumar liðin frá andláti Jóns.
Styrknum er ætlað að styrkja há-
skólanema til að vinna rannsóknarverk-
efni á sviði sögu heilbrigðismála.
Morgunblaðið/Kristinn Ingvarsson
Kristinn Magnússon, deildarstjóri Nesstofusafns, Margrét Hall-
grímsdóttir þjóðminjavörður og Halldór Baldursson, formaður
Félags áhugamanna um sögu læknisfræðinnar.
Styrkur til
minningar um
Jón Steffensen