Morgunblaðið - 27.11.2001, Blaðsíða 4

FRÉTTIR
4 ÞRIÐJUDAGUR 27. NÓVEMBER 2001 MORGUNBLAÐIÐ
Til sölu Audi A4 2.0, f.skr.d.
07.09.2001, ekinn 2 þús. km, 4
d., sjálfsk. multitronic, 15" álf.
o.fl. Verð 3.190.000.-
Opnunartímar: Mánud. - föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
FYRSTU niðurstöður úr borunum í
gömlu borholuna við Skiphella í
Eyjum eru mjög jákvæðar að sögn
Friðriks Friðrikssonar, veitustjóra
Bæjarveitna Vestmannaeyja.
Friðrik sagði í samtali við Morg-
unblaðið í gær að vonast væri eftir
því að holan gæfi af sér um 5–10
sekúndulítra af um 60°C heitu salt-
vatni. Þetta sé heldur meira en bú-
ist hafi verið við. Verið er að dælu-
prófa holuna en rannsóknum á
henni og hvernig nýta megi vatnið
er ólokið.
„Þetta er mjög jákvætt,“ segir
Friðrik. „Nú eiga jarðeðlisfræð-
ingar eftir að reikna út hve mikið
þetta gefur til lengri tíma og svo
verður eflaust að bora fleiri holur.“
Borholan sem var boruð árið
1964 er 1.564 metra djúp og var á
sínum tíma ein dýpsta hola sem
hafði verið boruð hér á landi. Síðan
þá hefur nokkrum sinnum verið átt
við hana og í eldgosinu árið 1973
flæddi vatn upp úr henni vegna gas-
þrýstings neðanjarðar. „Hún gaus í
sjálfu sér því vatnið var kolsýrt sem
kom upp úr henni,“ segir Friðrik.
Tappi á tæplega
800 metrum
Holan hefur nú verið hreinsuð en
um 30-40 metra „tappi“ var í henni
á tæplega 800 metra dýpi. Að sögn
Friðriks kemur vatnið í holuna á
nokkrum stöðum. Neðarlega seytl-
ar allt að 100°C heitt vatn inn í hol-
una en meginhluti vatnsins kemur í
holuna á um 900 metra dýpi og er
þá um 60-70°C heitt. Á leiðinni upp
kólnar vatnið og blandast jafnframt
við kaldari vatnsæðar. Friðrik segir
að með því að loka fyrir streymi
nokkurra kaldra æða inn í holuna
sé búist við því að vatnið verði um
60°C heitt þegar það kemur upp úr
holunni en þessa stundina er það
um 50°C heitt.
Aðspurður hvernig hægt sé að
nýta vatnið segir Friðrik að í því sé
orka sem t.d. megi nota til að hita
upp bakrásarvatn úr hitaveitukerfi
bæjarins. Orkan úr holunni nú sam-
svari um 500-800 kW.
Friðrik segir að menn hafi í
gegnum tíðina safnað að sér ýmsum
upplýsingum um borholuna en það
sé ekki fyrr en nú sem þær séu með
markvissum hætti settar í sam-
hengi. Þá styðjist framkvæmdir nú
við rannsóknir Gríms Björnssonar,
jarðfræðings á jarðhitaleit á köld-
um svæðum og þekkingu Orku-
stofnunar á jarðhitakerfum í
Þykkvabæ og undir Eyjafjöllum.
Morgunblaðið/Sigurgeir
Í gær var gamla borholan við Skipahella í Eyjum látin blása og fylgdust margir með.
Jákvæðar niðurstöður úr
heitavatnsleit í Eyjum
SKÓLABÍLL rann út af Eyrar-
bakkavegi, skammt vestan við
Stokkseyri upp úr hádegi í gær. Að
sögn lögreglunnar á Selfossi munaði
litlu að rútan ylti en til þess kom þó
ekki. Um 30 börn voru í rútunni
sluppu þau og bílstjórinn ómeidd.
Slabb og hálka var á veginum þeg-
ar óhappið varð. Rútan rann skáhallt
út af veginum og sat föst þar til í
gærkvöldi.
Skólabíll
rann út af
veginum
VERÐ á gasolíu frá dælu á Íslandi
hefur ekki lækkað til jafns við lækk-
un á verði erlendis undanfarin miss-
eri, að mati hagfræðings Samtaka
iðnaðarins. Kemur þetta fram í töflu
á heimasíðu samtakanna þar sem
sýnd er verðþróun hérlendis og í
Bandaríkjunum og telja þau það
sýna að álagning hafi hækkað hér-
lendis.
Að sögn Þorsteins Þorgeirssonar,
hagfræðings Samtaka iðnaðarins,
hefur munurinn sem hlutfall af inn-
lendu verði farið stighækkandi frá
því í nóvember 2000 þar til í nóv-
ember í ár. Segir hann það benda til
þess að álagning hafi farið hækk-
andi. Þorsteinn segir að verð á gas-
olíu vegi þungt hjá mörgum aðild-
arfyrirtækjum SI, t.d. jarðvinnu-
verktökum. Þessir aðilar hafi mátt
þola meiri en tvöföldun á verði dísil-
olíu síðustu þrjú árin.



 

   
       

     !   

   










 











"  
 
         
 
#
 
 $
% 

&
 
!
  '

 ()
  


 




         
 
' 
*  +   



     ! +   


,
-
.
/
0
1
2



 
,
-
.
/
0
1
2

3

 Samtök iðnaðarins segja gasolíuverð
lækka minna hér en í Bandaríkjunum
Telja að álagning-
in hafi hækkað
Samtök iðnaðarins hafa bent á
þessar staðreyndir og óskað eftir því
við stjórnvöld að Samkeppnisstofn-
un hraði yfirstandandi athugun sinni
á verðlagningu eldsneytis hérlendis.
Í útreikningum sínum hefur Þor-
steinn aflað sér upplýsinga um gas-
olíuverð í Bandaríkjunum. Er það
borið saman við verð frá dælu hér-
lendis án virðisaukaskatts. Í nóvem-
ber í fyrra var lítraverðið í Banda-
ríkjunum 0,28 dollarar en í þessum
mánuði 0,16 dollarar. Hérlendis eru
sambærilegar tölur 0,47 dollarar í
nóvember í fyrra en nú 0,40 dollarar.
Verðmunurinn í nóvember í fyrra
var því 41% sem hlutfall af innlendu
verði samkvæmt upplýsingum Þor-
steins en er nú í nóvember orðinn
61%. Íslenska verðið er umreiknað í
dollara. Dollarinn var 87,61 kr. að
meðaltali í nóvember í fyrra en
105,65 fyrrihluta nóvember í ár.
FORSTÖÐUMAÐUR Suðurbæjar-
laugar í Hafnarfirði, Daníel Péturs-
son, segir að verið sé að fara yfir þau
viðbrögð sem starfsfólk sundlaugar-
innar sýndi þegar fjórar 12 ára stúlk-
ur tilkynntu um kynferðislega áreitni
í lauginni 17. nóvember. Áreitnin hef-
ur verið kærð til lögreglu og skýrsla
tekin af stúlkunum.
Samkvæmt frásögn móður einnar
stúlkunnar mun erlendur karlmaður
hafa snert stúlkurnar ósæmilega í
heitum potti lauganna, sannarlega á
þann hátt sem þær vildu ekki.
Í bréfi til Morgunblaðsins, sem
birtist síðasta laugardag, þar sem
sagt er frá viðbrögðum starfsfólks
laugarinnar, þegar atvikið var til-
kynnt, er eftirfarandi haft eftir tveim-
ur starfskonum: „Voruð þið ekki bara
að brosa sætt til hans?“ Þá sneru
stúlkurnar sér til vaktmanns sem,
samkvæmt frásögn móðurinnar, mun
hafa beðið þær „vinsamlegast um að
gera ekki svona mikið mál úr þessu“.
Mun hann hafa spurt stúlkurnar m.a.
hvort hann ætti „kannski að fara út og
berja manninn?“
Einn þeirra þátta sem þarf að
vera á varðbergi gagnvart
Daníel Pétursson segist ekki geta
tjáð sig um þessi ummæli en segir að
ef rétt reynist að starfsfólk sitt hafi
brugðist við með þeim hætti sem hér
var lýst, sé um ámælisverðan hlut að
ræða. „Ég er búinn að fara í gegnum
það hvort starfsmenn mínir hafi verið
að fylgjast með á vaktinni og get ekki
betur séð en svo hafi verið,“ segir
hann. „Ég á hins vegar erfitt með að
tjá mig um ummæli starfsmanna
minna sem ég heyri ekki. En ef það er
rétt haft eftir þeim, þá er það nátt-
úrlega ámælisvert. Þetta eru við-
kvæm mál og við sem stöndum í
rekstri sundstaða gerum okkur fulla
grein fyrir því að þetta er einn þeirra
þátta sem við þurfum að vera vel á
varðbergi gagnvart.“
Hann segir að verið sé að rannsaka
hvort viðbrögð starfsfólksins hafi ver-
ið í samræmi við það sem því ber að
sýna þegar upp koma tilvik af þessu
tagi. Hann segir að það sé skýrt kveð-
ið á um í reglum sundlaugarinnar að
starfsfólki beri að taka fullt mark á
kvörtunum frá sundlaugargestum. Ef
ummæli starfsfólksins voru með þeim
hætti sem fyrr var lýst, sé ljóst að
þessar reglur voru þverbrotnar.
Ítrekað aðspurður hvort hann hafi
fengið umrædd ummæli staðfest eða
ekki við þá rannsókn sem staðið hefur
yfir síðan 17. nóvember, eftir samtöl
við hvern og einn starfsmann, segist
Daníel ekki geta tjáð sig um þau.
Er ekki löngu búið að spyrja starfs-
fólkið hvað það sagði við stúlkurnar
þegar þær tilkynntu um áreitnina?
„Að sjálfsögðu.“
Er samt ekki hægt að fá fram hvort
viðbrögðum starfsfólksins sé rétt
lýst?
„Ég ítreka að ég vil ekki tjá mig um
samtöl sem þarna fóru á milli.“
Þannig að þú getur ekki staðfest
hvort þær setningar sem hafðar eru
eftir starfsfólkinu séu réttar eða
rangar?
„Ég var náttúrlega ekki á staðnum
en ég er búinn að fara í gegnum þetta.
Það var gert alveg um leið.“
Er þá ekki vitað hvort starfsfólkið
sagði þetta við stúlkurnar þegar þær
tilkynntu áreitnina?
„Ég get ekki tjáð mig um það. Það
er hinsvegar fyrsta skylda okkar að
hlusta á kvartanir og taka þær alvar-
lega.“
Ingvar Jónsson íþróttafulltrúi
Hafnarfjarðar tekur undir það með
Daníel að ummæli starfsfólksins séu
ámælisverð, reynist þau rétt, enda sé
þess krafist að starfsfólk bregðist rétt
við kvörtunum s.s. um alvarlega hluti
eins og ofbeldi, sem kynferðisleg
áreitni sé. Námskeið fyrir starfsfólk
séu haldin árlega þar sem farið er yfir
öryggisatriði og einnig farið inn á ein-
elti á sundstöðum og fleira.
Kennt er að bregðast við tilkynn-
ingum sem snúa að alvarlegum hlut-
um s.s. ofbeldi þ.m.t. kynferðislegri
áreitni þó ekki sé kennsla í viðbrögð-
um við tilkynningum um áreitni sér-
grein í námskeiðahaldinu.
Íþrótta- og tómstundaráð Reykja-
víkur heldur svipuð námskeið þar
sem reynt er að flétta kennslu í við-
brögðum við kynferðislegri áreitni
inn í grunnnámskeið en sérstök nám-
skeið á þessu sviði eru ekki haldin.
Tilkynning 12 ára stúlkna um kynferðislega áreitni í heitum potti
Ummæli starfsfólks ámæl-
isverð ef rétt reynist