Morgunblaðið - 27.11.2001, Blaðsíða 16

SKÁK í hundrað ár er heiti bókar
sem Skákfélag Akureyrar hefur gefið
út og er þetta fyrsta bókin sem skrif-
uð er um sögu félagsins. Jón Þ. Þór
skrifaði bókina en í henni er rakin
saga Taflfélags Akureyrar og Skák-
félags Akureyrar. Rétt um 100 ár eru
liðin frá stofnun Taflfélags Akureyr-
ar, sem var forveri Skákfélags Akur-
eyrar, en félagið var stofnað 24. nóv-
ember 1901 í húsi Boga veitinga-
manns Daníelssonar á Barðsnefi.
Húsið er nú horfið en það stóð gegnt
Samkomuhúsinu við Hafnarstræti. Í
bókinni er m.a. fjallað um skákvið-
burði, greinar eru um skákmeistara,
mótstöflur og þar er einnig að finna
fjölda skáka.
Í tilefni af útkomu bókarinnar efndi
félagið til kaffisamsætis í Íþróttahöll-
inni þar sem Gylfi Þórhallsson, for-
maður Skákfélags Akureyrar, afhenti
heiðursfélögum bókina, þeim Haraldi
Bogasyni og Jóhanni Snorrasyni, en
tveir heiðursfélagar, þeir Albert Sig-
urðsson og Margeir Sigurðsson, áttu
ekki heimangengt. Þá afhenti Gylfi
Hermanni Sigtryggssyni, fyrrver-
andi íþrótta- og tómstundafulltrúa,
eintak af bókinni fyrir góðan stuðning
við skákhreyfinguna á liðnum árum.
Loks fékk höfundurinn, Jón Þ. Þór,
eintak fyrir vel unnið verk, að sögn
Gylfa.
Halldór Blöndal, forseti Alþingis,
ávarpaði samkomuna og færði félag-
inu hamingjuóskir á merkum tíma-
mótum. Sagði hann marga merka
skákmenn hafa verið í röðum Akur-
eyringa í tímans rás. Hann sagði skák
hafa mikið og gott uppeldislegt gildi,
af henni lærðu menn að beita hug-
anum og þeir öðluðust sjálfsaga.
Skák í hundrað
ár á Akureyri
Morgunblaðið/Kristján
Gylfi Þórhallsson, formaður
Skákfélags Akureyrar t.h., af-
hendir Hermanni Sigtryggs-
syni, fyrrverandi íþrótta- og
tómstundafulltrúa Akureyrar-
bæjar, eintak af bókinni.
BJÖRGUNARSVEITIN Súlur á
Akureyri hefur fjárfest í nýju
húsnæði undir starfsemi sína á
Hjalteyrargötu 12. Húsnæðið,
þar sem áður var Heildverslun
Valgarðs Stefánssonar, var í eigu
í Kletta, fasteignafélags Kaup-
félags Eyfirðinga, en KEA keypti
heildverslunina á síðasta ári.
Frá því að björgunarsveitirnar
þrjár á Akureyri voru sameinað-
ar fyrir um tveimur árum hefur
hin nýja sveit leitað að hentugu
húsnæði fyrir starfsemina. Við-
ræður við KEA hófust eftir ára-
mót og í byrjun nóvember sl. var
skrifað undir kaupsamning. Jafn-
framt tók Klettar, fasteignafélag
KEA, húseignir Súlna við Viðjul-
und upp í kaupverðið. Áður hafði
sveitin selt húsnæði sitt að Galta-
læk. Kvennadeild Slysavarna-
félagsins Landsbjargar styrkir
Súlur til kaupanna og fær á móti
starfsaðstöðu í húsinu. Húsnæði
þeirra og Sjóbjörgunarsveitarinnar
Súlna við Strandgötu var selt fyrir
nokkrum árum.
Ingimar Eydal formaður Björgun-
arsveitarinnar Súlna sagði að nýja
húsnæðið sameinaði þessar þrjár
björgunarstöðvar og að með kaupun-
um væri rekinn endapunktur á sam-
einingu björgunarsveitanna á Ak-
ureyri. Ingimar sagðist líta svo á
að nýja björgunarmiðstöðin væri
fyrir allt Norðurland, enda sú
stærsta sinnar tegundar á lands-
byggðinni.
Í framtíðarhúsnæði
á góðum stað
„Við erum hér í góðu framtíð-
arhúsnæði á góðum stað. Við kom-
um nú öllum okkar tækjum undir
þak, sem kemur sér vel fyrir við-
bragðsflýti í útkalli – auk þess
sem hér er góð aðstaða fyrir
stjórnstöð.“
Ingimar sagði einnig að stað-
setningin, miðsvæðis í bænum,
kæmi sér vel fyrir væntanlega
flugaeldasölu sveitarinnar, sem er
hennar helsta tekjulind.
Mikið og kostnaðarsamt verk
er þó framundan við að koma hús-
inu í það horf sem hentar sveitinni
best. Við afhendingu húsnæðisins
færði KEA sveitinni fjögurra milljóna
króna styrk, sem greiðist á næstu
fjórum árum.
Björgunarsveitin Súlur á Akureyri kaupir nýtt húsnæði
Endapunktur á samein-
ingu björgunarsveitanna
AKUREYRI
16 ÞRIÐJUDAGUR 27. NÓVEMBER 2001 MORGUNBLAÐIÐ
Rétting
og bílamálun
Höldur ehf. á Akureyri óskar eftir að ráða vanan
réttingamann og vanan bílamálara til starfa.
Æskilegt er að viðkomandi aðilar geti byrjað sem
fyrst. Nánari upplýsingar gefa Arnþór Grímsson,
þjónustustjóri, í vs. 461 3015, hs. 462 4959 og
Stefán Birgisson, verkstjóri, í síma 461 3015.
Höldur ehf. rekur eitt stærsta bifreiðaverkstæði utan
höfuðborgarsvæðisins og er m.a. þjónustuumboð
fyrir Heklu og Gunnar Bernhard.
Verkstæðið er vel tækjum búið og leggur áherslu
á góða vinnuaðstöðu fyrir starfsfólk sitt.
bifreiðaverkstæði, sími 461 3015.
kirkjutröppum Akureyrarkirkju.
Eftir að dagskránni við kirkju-
tröppurnar lauk settist Kristján
Þór bæjarstjóri upp í jeppabifreið
og ók norður göngugötuna og
opnaði hana formlega sem vist-
götu. Það þýðir að gatan er opin
fyrir bílaumferð frá kl. 8–22
virka daga en þó þannig að gang-
andi umferð á réttinn gagnvart
bílaumferð. Í götunni eru jafn-
framt 17 gjaldskyld bílastæði en
með breytingu á götunni í vist-
götu vonast verslunareigendur til
þess að verslun fari nú að aukast
í miðbænum.
AKUREYRINGAR létu ekki held-
ur leiðinlegt veður hafa áhrif á
sig og fjölmenntu í miðbæinn síð-
degis á laugardag, þegar Jóla-
bærinn Akureyri var formlega
opnaður. Dagskráin fór fram við
kirkjutröppur Akureyrarkirkju,
þar sem Kristján Þór Júlíusson
bæjarstjóri ávarpaði viðstadda og
flutt var fjölbreytt tónlist. Heim-
sókn þriggja jólasveina á svæðið
vakti mikla hrifingu og þá ekki
síst á meðal þeirra yngstu. Jóla-
sveinarnir heilsuðu upp á börnin
og sungu jólalög fyrir viðstadda.
Þá var kveikt á jólaljósunum yfir
Morgunblaðið/Kristján
Jólasveinarnir þrír sem mættu í miðbæ Akureyrar vöktu mikla hrifningu viðstaddra.
Jólabærinn
Akureyri opnaður
TVÍTUGUR karlmaður hefur verið
dæmdur í Héraðsdómi Norðurlands
eystra til að greiða 40 þúsund króna
sekt til ríkissjóðs vegna fíkinefna-
brots. Greiði hann ekki sektina innan
fjögurra vikna kemur 8 vikna fangelsi
í hennar stað.
Maðurinn var með 5 e-töflur í fór-
um sínum er lögregla handtók hann í
bifreið á Akureyri í janúarmánuði síð-
astliðnum og var hann ákærður fyrir
fíkniefnabrot.
Maðurinn játaði sakargiftir. Hann
hefur á síðustu árum hlotið nokkra
refsidóma og gengist undir sáttar-
gjörðir. Maðurinn var á skilorði er
þetta brot var framið og var sá dómur
látinn halda og manninum dæmdur
hegningarauki,
E-töflurnar voru gerðar upptækar.
Sekt vegna
e-taflna
Héraðsdómur
Norðurlands eystra
SIGRÚN Sveinbjörnsdóttir,
lektor við kennaradeild HA,
flytur fyrirlestur í stofu 24 í
Þingvallastræti 23 á miðviku-
dag, 28. nóvember, kl. 16.15.
Ber hann yfirskriftina „Bjarg-
ráð unglinga í blíðu og stríðu“.
Í fyrirlestrinum mun Sigrún
Sveinbjörnsdóttir kynna dokt-
orsverkefni sitt sem nefnist
Bjargráð unglinga, þróun nýs
kvarða.
Hópur unglinga í tæknilega
þróuðum ríkjum sem hrjáður er
vegna
sálfélagslegs vanda fer vax-
andi. Áhættu- og verndarþættir
hafa greinst og eru ýmist tengd-
ir einstaklingum eða umhverfi.
Rök hafa verið að því leidd að
bjargráð hvers og eins í amstri
dagsins geti ýmist verið einstak-
lingsbundinn áhættu- eða
verndarþáttur hvað varðar vel-
líðan, félagslega aðlögun og
heilsufar.
Í fyrirlestrinum verður rann-
sókn á bjargráðum 12 til 16 ára
unglinga í
Ástralíu og á Íslandi lýst.
Greint verður frá hvers vegna
og hvernig nýr kvarði var hann-
aður til að meta bjargráð ung-
linga. Fjallað verður um hver
bjargráð unglinga eru og hvern-
ig þau flokkast, um mun á
bjargráðum nemenda í 7. og 10.
bekk, mun á bjargráðum
stúlkna og drengja og mun á
bjargráðum íslenskra og ástr-
alskra unglinga.
Fyrirlesturinn er öllum opinn.
Bjargráð unglinga
í blíðu og stríðu
AFLAVERÐMÆTI Mánabergs ÓF
er nú komið í 912 milljónir króna, en
skipið kom inn til löndunar í gær-
kvöld, mánudagskvöld, úr næstsíð-
ustu veiðiferð ársins. Gera menn því
ráð fyrir að aflaverðmætið á þessu ári
verði meira en einn milljarður króna.
Kleifaberg ÓF kom til heimahafnar
í Ólafsfirði fyrr í vikunni með afla-
verðmæti upp á 106 milljónir króna,
en það er með því allra mesta sem
togarinn hefur fengið í einni veiðiferð.
Skipið var 28 daga í túrnum og var
meginuppistaða aflans, eða 72%,
þorskur. Met Kleifabergs er 120
milljónir úr einni veiðiferð.
Aflaverðmæti Mána-
bergs stefnir í milljarð
Ólafsfjörður
Kaupfélag Eyfirðinga veitti Björgunar-
sveitinni Súlum fjárstyrk við afhendingu
hússins og færði Eiríkur S. Jóhannsson
kaupfélagsstjóri, t.h., Ingimari Eydal,
formanni sveitarinnar, innrammað skjal
því til staðfestingar.
Morgunblaðið/Kristján