Morgunblaðið - 27.11.2001, Blaðsíða 52

FÓLK Í FRÉTTUM
52 ÞRIÐJUDAGUR 27. NÓVEMBER 2001 MORGUNBLAÐIÐ
UM þessar mundir eru rétt óorðin
25 ár síðan söngvarinn Herbert Guð-
mundsson gaf út sína fyrstu hljóm-
plötu, Á ströndinni. Jafnlangt er síð-
an söngvarinn gaf út plötu með
íslenskum textum. Sjálfur er Her-
bert því greinilega mjög ánægður
með að kynna nú til sögunnar nýj-
ustu afurð sína, sungna á hinu ást-
kæra ylhýra. Það má vel sjá á fram-
hlið umslagsins þar sem ritað er
feitu letri „Á ÍSLENSKRI
TUNGU“. Plötuna nefnir Herbert
Ný spor og á hún sér alnafna í tón-
listarsögunni, plötu sem Bubbi
Morthens gerði árið 1984. Á Nýjum
sporum Herberts eru 13 lög og tit-
illagið hljómar fyrst; ágætt lag eftir
Pedro Ayres við prýðilegan texta
Huga Guttormssonar. Herbert er
greinilega í ágætis söngformi og
leikur hljóðfæraleikaranna er og til
fyrirmyndar. Þetta er áreynslulítið
og laglínuvænt popp, vel útsett eftir
bókinni. Næstu lög
eru á svipuðum
nótum. Lag er
ágæt ballaða, hóg-
vært nefnd og lát-
laus. Þar næst
heyrist smellur
plötunnar, „Svar-
ið“. Yfirgengilega grípandi laglína
sem er allt að því óþægilegt að fá á
heilann. Útsetningin er afar fag-
mannlega unnin og Herbert syngur
lagið feikivel. Upphrópunarinnskot á
borð við „Ó, já!“ eru þó til vansa og
hallærisleg.
Áfram líður platan í rólyndispoppi
og lögin „Fast“ og „Í allar áttir“ eru
hin sæmilegustu. Sjötta lag plötunn-
ar er svo „Draumurinn“, ágætt en af-
ar líkt mörgu því sem Bryan Ferry
hefur gert um dagana. Því er og
greinilega ekkert verið að leyna, en
Herbert syngur lagið líkt og hann sé
í karaoke að syngja eitt af lögum
Ferrys. Tónninn í röddinni er
skyndilega orðinn djúpur og blæ-
brigði eru allt önnur en almennt ger-
ist hjá Herberti.
Eftir þessi fyrstu sex lög plötunn-
ar gladdist ég fyrir hönd Herberts
og taldi kappann vera að gera hina
þokkalegustu plötu. Því brá mér í
brún er sjöunda lagið, „Tunglgyðj-
an“, tók að hljóma úr hátölurum eins
og í leiðinlegum draumi. Eftir átaka-
lítið og allþokkalegt popp er „Tungl-
gyðjan“ eins og refur í hænsnabúi.
Lagið er einhvers konar iðnaðarrokk
af gamla skólanum, klisjukennt og
illa samið. Útsetningin er og eftir því
vond og ósköpin halda áfram í næsta
lagi, „Steypu og gleri“, sem er jafn-
vel enn verra. Það hljómar líkt og
hljómsveitin Start á slæmum degi,
árið 1982. Í „Steypu og gleri“ er text-
inn líka áberandi slæmur; barnaleg-
ur heimsósómakveðskapur og túlk-
un Herberts er eðlilega ósannfær-
andi. Enn líða ósköpin áfram, nú í
laginu „Lífið“, sem af einhverjum
ástæðum er tileinkað útvarpsmann-
inum Óla Palla. Iðnaðarrokkið er
blessunarlega að baki en þess í stað
er hér komið gamaldags fönkskotið
popp og heldur slappt. Ekki meir,
ekki meir!
„Öll okkar tár“ er næsta lag og
með því virðist platan aftur nálgast
sína nokkuð lofandi byrjun. Hér er
Herbert aftur að koma niður á jörð-
ina í vönduðu og rólegu poppi sem er
ágætlega sungið. Texti Hilmars Arn-
ar er og ágætur. Áfram líður iðnað-
arrokksskjálftinn úr manni í ellefta
lagi plötunnar, „Við verðum að
skilja“, sem hefur þekkilegt viðlag að
geyma þar sem kassagíturum er afar
smekklega beitt. „Eins og vorið“, er
næst og líka hin vandasta smíð, en í
væmnasta lagi þó. Síðasta lag plöt-
unnar ber hið raunsæislega nafn
„Fæddumst til að deyja“ og er í
sama afslappaða gírnum og betri
hluti plötunnar. Þokkalegt lag og
texti.
Fleiri lög hefur platan ekki að
geyma, en á eftir hinu síðasta koma
tvær aukreitis útfærslur af ofur-
smellnum „Svaraðu“. Hvers vegna
veit ég ekki, því þær gera ekkert fyr-
ir plötuna. Fyrri aukaútfærslan er
lítið breytt hljóðblöndun af laginu,
en sú seinni er allt önnur útfærsla,
miður góð. Hér er um danstónlist-
arútfærslu að ræða sem vægast sagt
kemur eins og skrattinn úr sauðar-
leggnum. Tiltækið hefði kannski ver-
ið í lagi fyrir sérútgáfu á stuttgeisla
en sem hluti af breiðskífu gengur
dæmið ekki upp. Útfærslan er allt að
því grátleg fyrir samhengi plötunnar
og jafnvel enn sorglegri en iðnaðar-
rokksálögin.
Ný spor er stórt spurningarmerki.
Þetta er plata sem hafði alla burði til
að verða góð, en dómgreindarskort-
ur einhvers staðar í ferlinu dró stór-
lega úr þeim möguleikum. Uppbrot-
ið um miðbik plötunnar, trílógían
hræðilega, sviptir plötuna allri heild-
armynd og ekki hjálpar dansútfærsl-
an á „Svaraðu“ til.
Hvað sem því líður hefur platan að
geyma nokkur prýðileg lög. Flutn-
ingur er líka allur til mikillar fyr-
irmyndar og sérstaklega er ánægju-
legt að heyra hrynparið Ingólf
Sigurðsson og Jóhann Ásmundsson
fara á kostum. Hljómurinn á plöt-
unni er sömuleiðis afar góður og út-
setningar flestar mjög vandaðar.
Á Nýjum sporum sýnir Herbert á
sér sínar bestu og verstu hliðar sem
tónlistarmaður. Mun meira er þó af
þeim betri.
Tónlist
Vandrötuð eru sporin
HERBERT GUÐMUNDSSON
Ný spor
HG HLJÓMPLÖTUR/SKÍFAN DREIFIR
Ný spor, plata Herberts Guðmundssonar. Herbert semur flest lögin en einnig syngur
hann smíðar Pedro Ayres Magalhaes, Finnboga Kristinssonar og fleiri höfunda. Textar
eru eftir Huga Guttormsson, Hilmar Örn Hilmarsson, Friðrik Sturluson og Magnús Háv-
arðsson. Upptökum stýrði Herbert í samvinnu við Þóri Úlfarsson sem einnig er at-
kvæðamestur meðal útsetjara. Þórir hljóðblandaði einnig, stundum í samvinnu við
Adda 800. Helstu hljóðfæraleikarar plötunnar eru trymbillinn Ingólfur Sigurðsson,
bassaleikarinn Jóhann Ásmundsson, gítarleikarinn Jón Elvar Hafsteinsson og títt-
nefndur Þórir Úlfarsson sem einkum leikur á hljómborð og píanó. Herbert syngur að
sjálfsögðu plötuna auk þess að blása lítillega í munnhörpu. Einnig koma við sögu Jak-
ob Frímann Magnússon, Magnús Þór Sigmundsson, Samúel J. Samúelsson og fleiri.
Útgefandi er HG hljómplötur en Skífan dreifir.
Orri Harðarson
Morgunblaðið/Lárus Karl Ingason
Á Nýjum sporum syngur Her-
bert Guðmundsson á íslensku í
fyrsta sinn í langan tíma og seg-
ir Orri Harðarson hann í góðu
söngformi.
J.P. DONLEAVY er bókmennta-
skálkur sem virðist hafa sérstakt
gaman af að hrella lesendur sína og
gagnrýnendur, breyta um stíl og
stefnu, fara kelduna frekar en
krókinn. Hann sló í gegn með bók-
inni The Ginger Man fyrir langa
löngu, en hún er einkar skemmtileg
lesning, uppfull af erótískri goðgá.
Bækur Donleavys síðan eru fjöl-
margar og fjölbreyttar sem sumir
hafa reyndar talið ókost; eru sífellt
að bíða eftir meira af því sama.
Fyrir nokkrum árum sendi Don-
leavy frá sér stutta sögu sem heitir
því sérkennilega nafni Konan sem
kunni að meta hreinar snyrtingar,
ef snara má titlinum svo. Sú vakti
mikla athygli og umtal, enda var
hann enn kominn á nýjar slóðir,
ekki síst í ljósi þess hve stíllinn
virtist hefðbundinn og venjulegur í
ljósi fyrri verka. Frásögnin ber aft-
ur á móti einkenni hans í ríkum
mæli; ævintýri sem virðist blátt
áfram á yfirborðinu, en þegar les-
andinn hefur lokið verkinu og legg-
ur bókina frá sér vakna þvílíkar
spurningar að hann stendur sig að
því að taka bókina upp aftur til að
lesa hana aftur, alla eða bara end-
inn.
Eins og getið er eru nokkur ár
síðan bókin kom út, en ástæða til að
benda bókmenntavinum á hana og
ekki síður sögu Donleavys í sama
stíl, Wrong Information is Being
Given out at Princeton.
The Lady Who Liked Clean
Restrooms segir frá Jocelyn Guene-
vere Marchantiere Jones sem fædd
er inn í efri stétt auðmanna vestan
hafs og giftist samboðið stétt sinni.
Eftir ástlítið hjónaband og tvö börn
fer maður hennar frá henni til að
búa með unglingsstúlku og börn-
unum finnst hún svo leiðinleg í kjöl-
farið að þau hætta að heimsækja
hana líka. Eftir það hallar undan
fæti, smám saman eyðast auðæfin,
sem voru ekki svo mikil þegar upp
var staðið, og Jones sekkur dýpra í
niðurlæginguna þar til hún er kom-
in til botns, eða hvað? Þegar hér er
komið sögu tekur bókin nefnilega
óvænta stefnu sem ekki verður
greint frá hér af tillitssemi við
hugsanlega lesendur. Þeir eiga aft-
ur á móti eftir að reka sig á að ekki
er allt sem sýnist í heimi Donleavys
og það á langur tími eftir að líða áð-
ur en þeir gleyma hremmingum frú
Jones.
Forvitnilegar bækur
The Lady Who Liked Clean Rest-
rooms: The Chronicle of One of the
Strangest Stories Ever to Be Rum-
ored About Around New York eftir
James Patrick Donleavy. 127 síðna
myndskreytt kilja. St. Martins Giff-
in gefur út 1995. Kostar 1.395 kr. í
Máli og menningu.
Árni Matthíasson
Hremm-
ingar frú
Jones
Hafnarstræti 15, sími 551 3340
Restaurant
Pizzeria
Gallerí - Café
FJANDMAÐUR FÓLKSINS e. Henrik Ibsen
Lau 1. des. kl. 20 - LAUS SÆTI
Su 9. des. kl. 20 - LAUS SÆTI
Áskriftargestir munið valmöguleikann !!!
BLÍÐFINNUR e. Þorvald Þorsteinsson
í leikgerð Hörpu Arnardóttur
Su 2. des. kl. 14 - NOKKUR SÆTI
Lau 8. des. kl. 13 ath. breyttan sýn.tíma
Su 9. des kl. 14 - LAUS SÆTI
KRISTNIHALD UNDIR JÖKLI
e. Halldór Laxness
Su 2. des kl. 20 - NOKKUR SÆTI
Fö 7. des kl. 20 - LAUS SÆTI
MEÐ VÍFIÐ Í LÚKUNUM e. Ray Cooney
Lau 8. des. kl. 20 - NOKKUR SÆTI
BEÐIÐ EFTIR GODOT e. Samuel Beckett
Su 2. des.. kl. 20 - LAUS SÆTI
Fö 7. des kl. 20 LAUS SÆTI
PÍKUSÖGUR e. Eve Ensler
Í kvöld kl. 20 Fjölbraut Akranesi
Fi 29. nóv kl. 20 - LAUS SÆTI, 75. sýn
Fö 30. nóv kl. 20 - ÖRFÁ SÆTI
ATH: túlkuð á táknmál !!!
DAUÐADANSINN eftir August Strindberg
í samvinnu við Strindberghópinn
Lau 1. des. kl. 20 - LAUS SÆTI
SÍÐASTA SINN
DRAUMALEIKSTJÓRINN
Umræðukvöld um starf leikstjórans.
Frummælendur: Gunnar Hansson, Hilmar
Jónsson, Steinunn Knútsdóttir og Kjartan
Ragnarsson, leikstjóri.
Í kvöld kl 20 aðgangur ókeypis
Stóra svið
3. hæðin
Nýja sviðið
Litla sviðið
Miðasala: 568 8000
Miðasalan er opin kl. 13-18 og fram að sýningu
sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Slá í gegn
Magnús Blöndal Jóhannsson: Punktar
Edgar Varése: Ionisation
Georg Katzer: Geschlagene Zeit
Hljómsveitarstjóri: Diego Masson
Sinfónían
Háskólabíó við Hagatorg
Sími 545 2500
sinfonia@sinfonia.is
www.sinfonia.is
Blá áskriftaröð
fimmtudaginn 29. nóvember
kl. 19:30 í Háskólabíói
AÐALSTYRKTARAÐILI SINFÓNÍUNNAR
M
Á
T
T
U
R
IN
N
&
D
Ý
R
Ð
IN
Hinn heimskunni slagverkshópur
Kroumata spilar með Sinfóníuhljóm-
sveitinni á fimmtudaginn og þegar þeir
félagar eru annars vegar er óhætt að
lofa ósvikinni skemmtun.
Ekki missa af athyglisverðri kynningu á
Punktum kl. 18 fyrir tónleikana í Háskólabíói.


 
 






01


1


/



1

 =&


/


001



  



 


 

 
  
  !"#!$$
%%%
&&
 
 

Í HLAÐVARPANUM
Í kvöld kl. 20.30 - VINIR INDLANDS
UPPISTAND - Tveir Bretar frá
FRINGE - Edinborgarhátíðinni
fim. 29. nóv. kl. 21
fös. 30. nóv. kl. 21 - örfáir miðar eftir
lau. 1. des. kl. 21
Sunnudagur 2. des
Missa Solemnis jólaleikrit kl. 16.00.

'())*)++
),,-$$
.%%% 
 


 
 
 @ 






/*
/01234'


.


/**)534'
=
 
 

/*+/.
 




 




 
5 
 

/1+/.
 
 
&
&+
&6&



& 
&78  
,!#$$






 
 





 !
 "