Morgunblaðið - 27.11.2001, Blaðsíða 18

LANDIÐ
18 ÞRIÐJUDAGUR 27. NÓVEMBER 2001 MORGUNBLAÐIÐ






  

   
  
!" # 
$%&#
'( )$*$ +,
- $  .-(*$ .&#+ /  //0 "
%  $%& 1// //22  '3 1// //24
  #5#& ,#    666,#& ,#7#

NÝTT stjórnskipulag hefur verið
unnið fyrir Landgræðslu ríkisins sem
byggist á skýrri verkaskiptingu og
hefur að leiðarljósi að fjármunir
stofnunarinnar nýtist sem best til
þeirra verkefna sem henni er falið að
vinna. Skipurit hins nýja stjórnskipu-
lags var kynnt nýverið í tengslum við
afhendingu Landgræðsluverð-
launanna og þá um leið afhent land-
búnaðarráðherra formlega.
Það var ráðgjafafyrirtækið Price-
waterhouse Coopers sem vann tillög-
ur að hinu nýja stjórnskipulagi sem
byggist að sögn Sveins Runólfssonar
landgræðslustjóra á fimm þáttum;
þekkingu, verndun, hvatningu, ráð-
gjöf og framkvæmdum.
Formlegt samstarf
við 600 bændur
Nýtt skipurit stofnunarinnar er af-
rakstur innri stefnumótunar hjá
Landgræðslunni í ljósi breyttra
áherslna þar sem horft er til næstu 5
ára. „Áður var þetta mest fram-
kvæmdastofnun í landgræðslu en
núna erum við aðilar sem hvetjum og
eflum aðra til dáða. Við erum í form-
legu samstarfi við um 600 bændur og
mikinn fjölda annarra áhugamanna,
félög og félagasamtök um margs kon-
ar landbætur og það er lögð mikil
áhersla á að veita þessum aðilum
þjónustu,“ sagði Sveinn Runólfsson.
Stefnumótunarvinnan innan Land-
græðslunnar hófst 1999 og segja má
að strax hafi hún skilað árangri en
stofnunin var valin ríkisstofnun til
fyrirmyndar árið 2000. Í niðurstöðu
nefndar sem veitti viðurkenninguna
segir: „Landgræðslan er með mjög
skýr meginmarkmið og forgangsröð-
un verkefna. Henni hefur tekist að
nýta tækifæri sem hafa gefist og aflað
sér víðtæks stuðnings almennings og
hagsmunaaðila. Hún hefur fylgt fjár-
lögum og notað rekstraráætlanir sem
virkt stjórntæki. Stofnunin hefur á
síðustu árum lagt aukna áherslu á
rannsóknir, fræðslu og leiðbeiningar
en dregið úr eigin framkvæmdum og
fært verkefni til verktaka, bænda og
sveitarfélaga.“
Sveinn Runólfsson landgræðslu-
stjóri sagði að viðurkenningin hefði
verið mikil hvatning fyrir stofnunina
og alla starfsmenn hennar. „Starf-
semin hjá okkur hefur verið að breyt-
ast mjög mikið og breyttar áherslur
hafa kallað á þessa vinnu. Hluti af
breyttum áherslum er að við höfum
flutt verkefni sem landgræðslan vann
áður til bænda þar sem verkin eru
unnin en bændur sinna nú verkefnum
eins og girðingaframkvæmdum,
áburðargjöf, áningu og uppgræðslu
rofabarða, allt í verktöku,“ sagði
Sveinn.
Hann sagði og að heildarársverk-
um hjá stofnuninni hefði fækkað úr 90
í 60 en fagmenntuðu fólki hefði fjölgað
frá því að vera einn starfsmaður 1972
í 25 háskólamenntaða starfsmenn í
heilu eða hlutastarfi.
Markvissar fjárveitingar
vegna landgræðsluáætlunar
„Á næsta ári er okkur efst í huga
landgræðsluáætlunin en landbúnað-
arráðherra lagði fram 12 ára áætlun í
lok síðasta þings, sem tillögu til
þingsályktunar. Hann áformar að
leggja hana aftur fram á næstunni og
við sjáum fram á markvissar og aukn-
ar fjárveitingar til þessarar starfsemi
þar sem á líkan hátt og í vegaáætlun
verður unnt að vinna með skilvirkari
hætti að landgræðsluverkefnunum
þegar fjárveitingar eru tryggðar til
nokkurra ára í senn,“ sagði Sveinn.
Fjárveitingar ríkisins til land-
græðslu á þessu ári eru 347 milljónir.
Auk þess er stofnuninni ætlað að afla
sértekna sem er gert með sölu á fræi
erlendis og innanlands. Stærsta verk-
efnið á þessu ári er samstarf við
bændur, BGL – bændur græða land-
ið, sem í fara um 25 milljónir króna.
Stærslu athafnasvæðin eru Þor-
lákshafnarsvæðið, Hólsfjöll og Mý-
vatnssveit, Mýrdalssandur í sam-
vinnu við Vegagerðina og endurheimt
Landskóga í ofanverðri Landsveit. Þá
eru fyrirhleðslur sérstakur liður sem
Landgræðslan annast fyrir landbún-
aðarráðuneytið en í það verkefni fara
37 milljónir króna. Stærsta fyrir-
hleðsluverkefnið er í kringum Mark-
arfljót.
Upplýsingasamfélagið, sem er
nefnd á vegum forsætisráðuneytisins
veitti á þessu ári 8 milljónir króna til
verkefnis á vegum stofnunarinnar
sem nefndist „Brúum bilin“, til upp-
byggingar á gagnagrunni og landupp-
lýsingakerfi stofnunarinnar. Land-
græðslan leggur 8 milljónir á móti af
sínum fjárveitingum.
„Markmiðið með þessu verkefni er
að auðvelda almenningi og sérstak-
lega búnaðarskólum og starfsfólki
stofnunarinnar aðgang að hinum
viðamiklu upplýsingum sem stofnun-
in ræður yfir um landgæði Íslands,“
saðgi Sveinn Runólfsson land-
græðslustjóri.
Skipurit nýs stjórnskipulags Landgræðslu ríkisins kynnt
Skýr verkaskipting og
markviss stefnumótun
Selfoss
Morgunblaðið/Sig. Jóns.
Sveinn Runólfsson landgræðslustjóri afhendir Guðna Ágústssyni land-
búnaðarráðherra stefnumótun Landgræðslunnar.
ÚTSENDINGAR útvarps Kántrý-
bæjar á Skagaströnd lágu niðri 7.
nóvember og fram að hádegi 8.
nóv. Ástæða þessa var sú að út-
varpið skuldaði um eina milljón
króna í STEF-gjöld og fékk frest
til 7. nóv til að ganga frá skuldinni.
Í samtali við Morgunblaðið sagði
Hallbjörn að útsendingar hefðu
legið niðri meðan á samninga-
viðræðum við fulltrúa STEFs stóð
og tekist hefði að fá greiðslufrest-
inn lengdan til 15. nóvember. Hall-
björn sendi út áskorun fyrir
nokkru til Húnvetninga að veita
sér aðstoð við áframhaldandi
rekstur útvarps Kántrýbæjar og
hefur bent á reikninga nr 9009 í
Landsbanka á Skagaströnd og 529
í Búnaðarbankanum á Blönduósi.
Aðspurður sagðist Hallbjörn ekki
vita hve mikið hefði safnast en
vonaði að með þessu ákalli gæti
hann staðið skil á kröfum STEFs
og haldið útvarpsrekstrinum
áfram.
Hallbjörn kallar eftir
hjálp við reksturinn
Blönduós
Ljósmynd/Jón Sigurðsson
Hallbjörn Hjartarson kántrýkóngur er einbeittur í því að halda áfram
rekstri útvarps Kántrýbæjar þrátt fyrir tímabundna erfiðleika.
NÝLEGA var hópur frá hinum Norð-
urlöndunum á ferð um Ísland til að
kynna litlum bæjarfélögum Staðar-
dagskrá 21. Fyrir hópnum var Bar-
bara Samuelsen sem starfar við um-
hverfisráðuneyti Færeyja. Hún sagði
að upphafið mætti rekja til náms-
stefnu sem haldin var síðastliðið ár í
Færeyjum. Á námsstefnunni kom
fram að þær upplýsingar og aðferðir
Staðardagskrár 21 sem nýttust
stórum bæjarfélögum og borgum
nýttust ekki alltaf minni bæjarfélög-
um. Í framhaldi af því var sótt um
styrk til Norrænu ráðherranefndar-
innar til að fara í kynningarferð um
lítil bæjarfélög í Færeyjum og á Ís-
landi.
Markmið kynningarferðarinnar
var að dreifa þekkingu um Staðar-
dagskrá 21. Þrjú bæjarfélög í Fær-
eyjum voru heimsótt, Klakksvik,
Vestmanna og Sundalagi, og síðan
önnur þrjú á Íslandi, Siglufjörður,
Eyrarsveit og Ölfus. Þegar þessi
kynningarferð var skipulögð var farið
fram á það að á fundina á hverjum
stað mættu bæjarstjórn, embættis-
menn bæjarfélagsins og umhverfis-
verndarhópar ef þeir væru starfandi
innan bæjarfélagsins.
Byrjað var á fyrirlestrarröð, síðan
unnu fundargestir í hópum að úrlausn
ákveðinna verkefna og í lokin var far-
ið í gönguferð um bæjarfélagið til að
skoða það eigin augum. Lögð var
áhersla á að kynna Staðardagskrá 21
á máli sem allir skildu og faglegu
skýringarnar því skildar eftir heima.
Fyrirlesarar voru Eva Bakkeslett frá
Steigen kommuna í Noregi, Finnbogi
Joensen frá Vestmanna, Terese
Sveijer frá Hvern í Svíþjóð, Kolbrún
Oddsdótir verkefnisstjóri Staðardag-
skrár 21 í Hveragerði og Barbara
Samuelsen frá Torshavn í Færeyjum.
Morgunblaðið/Guðrún Bergmann
Kolbrún frá Hveragerði, Finnbogi frá Færeyjum, Terese frá Svíþjóð,
Eva frá Noregi, Guðlaugur frá Snæfellsbæ og Barbara frá Færeyjum.
Norræn kynning-
arferð á Íslandi
Hellnar
Staðardagskrá 21
HÚSAVÍKURDEILD Vinstrihreyf-
ingarinnar – græns framboðs og
Samfylkingarfélagið á Húsavík sam-
þykktu á sameiginlegum fundi ný-
verið að hefja viðræður um sameig-
inlegt framboð til sveitarstjórnar-
kosninga á Húsavík vorið 2002.
Framboðið verði einnig opið óflokks-
bundnum aðilum og þeim sem vilja
ganga til samstarfs við Húsavíkur-
listann. Á næstu dögum hefst vinna
við stefnuskrá sameiginlegs fram-
boðs og við samstarfsyfirlýsingu að-
ila. Mikill vilji er til að bjóða fram
sterkan framboðslista við sveitar-
stjórnarkosningarnar í vor.
Ræða sameigin-
legt framboð
Húsavík