Morgunblaðið - 27.11.2001, Blaðsíða 19

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 27. NÓVEMBER 2001 19
LYFJAVERSLUN Íslands tapaði
21 milljón króna á fyrstu níu mán-
uðum ársins, miðað við 33 milljóna
króna hagnað á sama tímabili í fyrra.
Hagnaður fyrir afskriftir og fjár-
magnsgjöld (EBITDA) nam 186
milljónum króna á tímabilinu.
Rekstrartapið stafar fyrst og fremst
af áhrifum gengislækkunar íslensku
krónunnar en félagið varð fyrir
beinu gengistapi á erlendum skuld-
bindingum að upphæð 219 milljónir
króna, að því er fram kemur í frétta-
tilkynningu frá Lyfjaverslun Ís-
lands.
Þar segir einnig að þriðji ársfjórð-
ungur sé jafnan sá lakasti hjá selj-
endum lyfja og heilbrigðisvara og
reikna megi með að afkoman á fjórða
ársfjórðungi verði betri. Hagnaður
af sölu á hlut Lyfjaverslunar í Delta í
síðasta mánuði er áætlaður allt að
590 milljónir króna og búist er við að
salan hafi í för með sér að eiginfjár-
staða og veltufjárhlutfall styrkist
verulega.
Rekstrartekjur Lyfjaverslunar-
innar námu 4.640 milljónum króna
og rekstrargjöld 4.464 milljónum.
Tekjur tímabilsins eru nánast þre-
falt hærri en á sama tíma árið áður
en tekjuaukningin skýrist að mestu
af því að dótturfélögin A. Karlsson,
Thorarensen lyf, Lyfjadreifing og
J.S. Helgason eru nú í fyrsta sinn í
samstæðuuppgjörinu. Á sama tíma í
fyrra námu rekstrartekjur og
rekstrargjöld hvort um sig um 1,5
milljörðum.
Afskriftir námu 103 milljónum
króna og jukust um 80 milljónir
króna frá fyrra ári. Vegna kaupanna
á Thorarensen Lyf og A. Karlsson
hafa afskrifanlegar eignir Lyfja-
verslunar aukist mikið og hafin er af-
skrift yfirverðs vegna kaupanna.
Hrein fjármagnsgjöld námu 179
milljónum króna á tímabilinu.
Eigið fé samstæðunnar í lok sept-
ember nam 605 milljónum króna
samanborið við 549 milljónir í árs-
byrjun. Eignir Lyfjaverslunar Ís-
lands jukust úr 1.891 milljón króna í
4.973 milljónir og skuldir úr 1.348
milljónum í 4.383 milljónir. Eigin-
fjárhlutfall var í lok september
12,2% miðað við 29% um áramótin
síðustu.
Tap hjá Lyfjaverslun Íslands
Hagnaður af sölu á hlut í Delta
mun styrkja stöðuna
KVÆRNER hefur enn einu sinni
verið komið tímabundið til bjargar,
en á sunnudag var tilkynnt að óskað
yrði eftir gjaldþrotaskiptum á félag-
inu. Í gærmorgun kom hins vegar í
ljós að nokkrir helstu viðskiptabank-
ar Kværner munu hlaupa undir
bagga með fyrirtækinu og veita því
lán upp á sem samsvarar 2,8 millj-
örðum íslenskra króna og getur fyr-
irtækið því starfað, a.m.k. fram yfir
hluthafafund sem haldinn verður á
fimmtudaginn.
Lánsloforð bankanna fengust eftir
fund sem stóð aðfaranótt mánudags-
ins. Stjórn Kværner varar þó við að
áfram verði erfitt að reka fyrirtækið,
þrátt fyrir að eiginfjárstaðan verði
styrkt. Framtíð Kværner er óljós,
sérstaklega þar sem fyrirtækið
þyrfti að tryggja sér fleiri verkefni
til að bæta reksturinn og lausafjár-
stöðuna.
Kværner og Aker Maritime, fyr-
irtæki Kjell Inge Røkke, áttu í við-
ræðum um helgina en Aker Mari-
time á um 25% í Kværner og er
stærsti hluthafinn. Það var vilji
Røkke að fyrirtækin sameinuðust en
því höfnuðu bankarnir. Tilboð Aker
Maritime fólst í að fyrirtækin myndu
sameinast og Aker fengi greitt í
hlutabréfum Kværner.
Næststærsti hluthafi í Kværner er
Yukos, rússneskt olíufélag, sem hef-
ur frá því erfiðleika fór að gæta hjá
Kværner keypt sig upp í 22% hlut í
fyrirtækinu. Fyrir liggur áætlun um
endurfjármögnun lána Kværner og
hlutafjáraukningu upp á rúma 30
milljarða íslenskra króna. Sú tillaga
verður borin upp á hluthafafundi á
fimmtudag en Røkke hefur lýst and-
stöðu við hana þar sem hann telur
rétt bankanna of ríkan en hluthafa
hlunnfarna, og það muni koma niður
á gengisþróun hlutabréfa Kværner í
framtíðinni.
Samþykki yfir 75% hluthafa þarf
til að tillagan um endurskipulagn-
ingu nái fram að ganga. Sem stærsti
hluthafi með tæp 25% eignarhlut í
Kværner hefur Aker Maritime með
Røkke í broddi fylkingar því sterka
stöðu fyrir hluthafafundinn á
fimmtudag.
Hætt við
gjald-
þrotaskipti
Kværner
í bili
NORSKA verslunarveldið Reitan
Narvesen verður að öllum líkindum
tekið af hlutabréfamarkaði en bréf
félagsins hafa verið skráð í Kaup-
höllinni í Ósló. Reitan Narvesen á
tæp 12% í Baugi.
Odd Reitan og fjölskylda hans
hafa gert yfirtökutilboð í Reitan
Narvesen en fyrirtækið varð til á síð-
asta ári við sameiningu Reitangr-
uppen, sem m.a. rekur lágvöruverðs-
verslanir í Noregi, og Narvesen, sem
er keðja söluturna.
Reitan og fjölskylda hafa að und-
anförnu aukið hlut sinn í félaginu og
eiga nú um 70%. Reitan Narvesen er
metið á um sjö milljarða norskra
króna eða um 77 milljarða íslenskra
króna.
Ef yfirtaka Odd Reitans og fjöl-
skyldu á Reitan Narvesen gengur
eftir mun fyrirtæki þeirra verða end-
urskipulagt og þrjú fyrirtæki verða
til, á sviði verslunar, fasteigna og
fjármála. Verðmæti fyrirtækisins
verður um 110 milljarðar íslenskra
króna, að því er greint er frá í Dag-
ens Næringsliv.
Endur-
skipulagn-
ing á Reitan
Narvesen
♦ ♦ ♦