Morgunblaðið - 27.11.2001, Blaðsíða 20

VIÐSKIPTI/ATHAFNALÍF
20 ÞRIÐJUDAGUR 27. NÓVEMBER 2001 MORGUNBLAÐIÐ
HÁTT í tvöhundruð manns sátu ráð-
stefnu um bætta umgengni við fiski-
stofnana við Ísland sem haldin var á
Ísafirði um helgina.
Ráðstefna þessi var haldin að
frumkvæði Guðmundar Halldórs-
sonar sjómanns í Bolungarvík með
stuðningi fjölmargra fyrirtækja
stofnana og einstaklinga.
Ráðstefnustjóri var Halldór Hall-
dórsson bæjarstjóri á Ísafirði.
Í setningarræðu sinni sagði Guð-
mundur Halldórsson að ráðstefn-
unni væri ætlað að leggja lóð á vog-
arskál leitarinnar að þolanlegum
sáttum um stjórn fiskveiða.
„Það getur aldrei orðið sátt um að
ganga á fiskistofnana. Vandi sjáv-
arplássanna umhverfis landið er
fyrst og fremst sá að við höfum
gengið á fiskistofnana í stað þess að
byggja þá upp.
Við verðum að finna leiðir til að
byggja upp lífríkið kringum landið
þannig að fiskistofnarnir nái sér að
fullu og skili hámarksafrakstri. Með
því að hámarka afrakstur fiskistofn-
anna greiðum við leið að lausn
byggðavandans. Sátt við lífríkið þýð-
ir sátt við kerfið,“ sagði Guðmundur.
Meginefni ráðstefnunarinnar var
kynning á hinni svo kölluðu fær-
eysku leið og að bera hana saman
við þá veiðistjórnun sem beitt er hér
á Íslandi.
Framsögumenn voru Magnús Þór
Hafsteinsson fréttamaður, Jón
Kristjánsson fiskifræðingur, Auð-
unn Konráðsson formaður Megin-
félags útróðramanna í Færeyjum,
Olaf Ólsen togaraútgerðarmaður í
Færeyjum, Ármann Kr. Ólafsson
aðstoðarmaður sjávarútvegsráð-
herra, Jóhann Sigurjónsson forstjóri
Hafrannsóknastofnunar og Ólafur
Karvel Pálsson fiskifræðingur.
Af ráðstefnugestum mátti heyra
að framlag Færeyinganna, sem
kynntu sóknardagakerfi það sem
Færeyingar tóku upp 1996 eftir að
hafa búið við kvótakerfi í tæp tvö ár,
vakti athygli.
Olaf Ólsen er útgerðarmaður sem
gerir út 8 togara á bolfisk og einn
togara á rækju. Hann var um tíma
sjávarútvegsráðherra Færeyja og
togaraskipstjóri til margra ár og er
því gjörkunnugur sjávarútvegi.
Hann er mjög sáttur við það
rekstrarumhverfi sem hann býr við í
færeyska kerfinu þótt ekki sé það
gallalaust.
Auðunn Konráðsson formaður
Meginfélags útróðramanna í Fær-
eyjum, sem er Íslendingur að ætt og
uppruna en hefur búið í Færeyjum í
mörg ár, sagði að þegar kvótakerfið
var tekið upp 1994 hefðu veiðar ver-
ið mjög takmarkaðar, einungis verið
leyft að veiða 5.000 tonn af þorski og
5.000 tonn af ýsu.
Höfðum einfaldlega ekki efni á að
fara eftir fiskifræðingunum
„Fiskimenn í Færeyjum reyndu
að bjarga sér í þessu kerfi með ýmsu
svindli og brottkasti en eftir að
sóknardagakerfið var tekið upp
breyttist mjög viðhorfið til veiðanna,
allur fiskur kom á land og þeir fóru
allt í einu að veiða það magn af fiski
sem samkvæmt fræðingunum átti
ekki að vera til á miðunum. Við höfð-
um einfaldlega ekki efni á að fara
eftir fiskifræðingunum,“ sagði Auð-
unn. Auk þess að takmarka sókn-
ardaga byggist kerfið á mikilli veiði-
stjórnun með svæðalokunum og
fleiru. Á hverju ári metur fiskidaga-
nefnd hversu mikið má veiða, tillög-
ur nefndarinnar fara síðan fyrir
þingið sem endanlega ákveður fjölda
veiðidaga fyrir hvern flokk fiski-
skipa. Yfir fiskveiðiárið er grannt
fylgst með þróuninni á veiðunum og
gripið inní með svæðalokunum eða
veiðarfæratakmörkunum.
Allur afli Færeyinga er
seldur á uppboðsmarkaði
„Við höfum rekið þetta kerfi í um
fimm ár,“ sagði Auðunn, „og það
hefur reynst okkur vel en við höfum
samt ekki auglýst það sem besta
kerfi í heimi.“
Fram komu í máli aðstoðarmanns
sjávarútvegsráðherra, Ármanns Kr.
Ólafssonar, miklar efasemdir um
ágæti færeyska sóknardagakerfisins
og lýsti hann því yfir að hann hefði
ekki trú á þeirri veiðistjórnun og
færeyska kerfið ætti eftir að bresta.
Hann lauk máli sínu á því að lýsa
því yfir að lausn íslenska vandans
fælist ekki í því að taka upp fær-
eyska vandann.
Fulltrúar Hafrannsóknastofnun-
arinnar, þeir Jóhann Sigurjónsson
forstjóri og Ólafur Karvel Pálsson
fiskifræðingur, kynntu ráðstefnu-
gestum þau gögn sem stofnunin hef-
ur byggt sína ráðgjöf á undanfarin
ár og sagði Jóhann það verða númer
eitt að stemma stigu við sókninni í
fiskistofnana.
Þá kynnti Ólafur Karvel þær
rannsóknir sem stofnunin hefur gert
á brottkasti af íslenskum fiskiskip-
um.
Að loknum framsögum sátu frum-
mælendur fyrir svörum og voru um-
ræður mjög líflegar og almennt var
að heyra á ráðstefnugestum að
ástæða væri til að hafa áhyggjur af
þeim vandamálum sem uppi eru í
núverandi fiskveiðikerfi. Á ráðstefn-
unni var kynnt hugmynd um stofnun
félags sem ætlað yrði að vinna mark-
visst að því að bæta umgengnina um
hafið.
Markmið félagsins yrði það sama
og kemur fram í 1. gr. laga um
stjórn fiskveiða: að stuðla að vernd-
un og hagkvæmri nýtingu nytja-
stofna á Íslandsmiðum og tryggja
með því trausta atvinnu og byggð í
landinu.
Þá segir í kynningu þessarar fé-
lagsstofnunar „að óumdeilt er að
framkvæmd laga um stjórn fisk-
veiða hefur fært okkur fjær þessum
markmiðum. Fiskistofnarnir á nið-
urleið og fólksflótti frá hinum
dreifðu byggðum. Verkefni félagsins
yrði því ærið að gefa stjórnvöldum
ráð sem mættu verða til að snúa
þessari þróun við og nálgast þannig
markmið fiskveiðistjórnunarinnar.“
Yfir fjörutíu manns skráðu sig
fylgjandi því að félag sem þetta
verði stofnað.
Leit að þolanlegum sátt-
um um stjórn fiskveiða
Ráðstefna um
bætta umgengni
við fiskistofna við
Ísland haldin á
Ísafirði
Ljósmynd/Gunnar Hallsson
Siv Friðleifsdóttir umhverfisráðherra og Auðunn Konráðsson frá Fær-
eyjum fylgjast með á ráðstefnunni á Ísafirði.
M O N S O O N
M A K E U P
lifandi litir
LÍFEYRISSJÓÐURINN Ein-
ing, sem er í vörslu Kaupþings
hf., hélt í gær aukafund fyrir
sjóðfélaga og rétthafa. Á dagskrá
fundarins var meðal annars að
kjósa nýjan stjórnarmann, en
sæti hafði losnað í stjórn þar sem
einn stjórnarmanna hafði sagt
sig úr stjórn vegna flutnings af
landi brott.
Tillaga lá fyrir fundinum um
að Hörður Sigurgestsson, stjórn-
arformaður Flugleiða hf., tæki
sæti í stjórninni. Áður en að af-
greiðslu þeirrar tillögu kom,
kvaddi einn fundarmanna sér
hljóðs og gerði tillögu um að
kosningu í stjórn yrði frestað til
næsta aðalfundar. Taldi sá að
ávöxtun sjóðsins á þessu ári og í
fyrra væri óviðunandi, eftir
ágæta ávöxtun næstu fimm ár
þar á undan, eða frá stofnun
sjóðsins. Gerði hann einnig að til-
lögu sinni að fundurinn kysi
þriggja manna nefnd sem væri
stjórn sjóðsins til eftirlits og að-
stoðar og færi yfir fjárfestingar
sjóðsins. Ekki urðu aðrir en tillö-
guflytjandi til að tjá sig um til-
lögurnar og var gengið til at-
kvæða. Tillögurnar fengu báðar
svipaðan stuðning, um tíu pró-
sent atkvæða í tryggingadeild og
tvö til þrjú prósent atkvæða í
séreignardeild, og náðu því ekki
fram að ganga.
Að loknum þessum atkvæða-
greiðslum lýsti fundarstjóri Hörð
Sigurgestsson réttkjörinn í
stjórn sjóðsins.
Í lok fundarins gerði fram-
kvæmdastjóri sjóðsins, Guðrún
Inga Ingólfsdóttir, grein fyrir
þeirri breytingu sem orðið hefði
á fjárfestingarstefnu sjóðsins
fyrsta október síðast liðinn.
Breytingin felur í stuttu máli í
sér að ávöxtunarleiðir eru nú
þrjár í stað einnar áður og geta
sjóðsfélagar valið á milli þeirra
eftir því hver þeir vilja að skipt-
ingin sé milli innlendra og er-
lendra skuldabréfa og hlutabréfa.
Hörður Sigur-
gestsson í
stjórn Einingar
FÆREYSKA fjarskiptafélagið P/F
TeleF, sem er í jafnri eigu Íslands-
síma hf. og P/F Tele Tænasten, hefur
verið sameinað færeyska fjarskipta-
félaginu P/F Kall. Sameinað félag
heitir P/F Kall. Óskar Magnússon,
sem tekur við starfi forstjóra Íslands-
síma um næstu áramót, situr í stjórn
P/F Kall. Meðal annarra hluthafa í
P/F Kall eru Kaupþing Færeyjar,
Framtaksgrunnurinn í Færeyjum,
Tele Tænasten í Færeyjum og Talla-
ton Holding í Svíþjóð.
Í fréttatilkynningu kemur fram að
jafnhliða samrunanum munu hluthaf-
ar í hinu sameinaða fyrirtæki taka
þátt í hlutafjáraukningu. Íslandssími
hf. hefur lagt fram 1,6 milljónir
danskra króna, tæplega 21 milljón ís-
lenskra króna, í aukningunni. Eftir
aukningu á Íslandssími 16,5% í P/F
Kall.
Markaðshlutdeild P/F Kall er um
10% í fastlínuþjónustu og Netþjón-
ustu í Færeyjum. Markmið P/F Kall
er að hefja farsímaþjónustu í Færeyj-
um á næsta ári en innan við 50% íbúa í
Færeyjum eru með farsíma, sam-
kvæmt upplýsingum frá Íslandssíma.
Færeysk
fjarskipta-
fyrirtæki
sameinast