Morgunblaðið - 15.01.2002, Blaðsíða 1

11. TBL. 90. ÁRG. ÞRIÐJUDAGUR 15. JANÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 15. JANÚAR 2002
NÝ HRINA ofbeldisverka reið yfir í
Mið-Austurlöndum í gær en þá
hefndu róttækir Palestínumenn
dauða eins úr sínum röðum með því
að ráðast að einni af bækistöðvum
Ísraelshers í Nablus á Vesturbakk-
anum. Einn Ísraeli lést í árásinni.
Al-Aqsa-sveitirnar, samtök her-
skárra Palestínumanna, lýstu árás-
inni á hendur sér en fyrr um daginn
hafði leiðtogi samtakanna, Mo-
hammad Raad al-Karmi, fallið í að-
gerðum Ísraelshers í Tulkarem.
Al-Aqsa, sem tengsl hefur við
Fatah-hreyfingu Yassers Arafats,
forseta heimastjórnar Palestínu-
manna, aflýsti vopnahléi, sem sveit-
irnar hafa verið í síðan um miðjan
desember, eftir að fréttist um fall
al-Karmi. Hétu sveitirnar því að
hefna dauða hans og sögðu að Ísrael
hefði „kallað elda vítis yfir sig með
aðgerðum sínum“.
Fulltrúar heimastjórnar Arafats
sögðu Ísraelsmenn vísvitandi hafa
ráðið al-Karmi af dögum. Sögðu
þeir að hann hefði með símtali verið
ginntur út á götu fyrir utan heimili
sitt í Tulkarem en þar sprakk síðan
sprengja með þeim afleiðingum að
hann lést. Palestínumenn höfðu
handtekið al-Karmi að kröfu Ísra-
elsstjórnar en hann hafði fengið
leyfi til þess að heimsækja ættingja
sína, að sögn talsmanna Arafats.
Ísraelsmenn reyndu síðast í sept-
ember að ráða niðurlögum al-Kar-
mis en hann var eftirlýstur vegna
morða á níu Ísraelum. Féllu tveir
þegar hermenn hófu skothríð á bif-
reið al-Karmis en sjálfur slapp hann
í það skiptið.
Shimon Peres, utanríkisráðherra
Ísraels, sagði í gær að ríkisstjórnin
hefði ákveðið að hætta eyðileggingu
íbúðarhúsa á heimastjórnarsvæði
Palestínumanna en Ísraelar hafa
verið harðlega gagnrýndir fyrir að-
farir sínar undanfarna daga, m.a. af
fulltrúum Evrópusambandsins.
Fyrir helgi jafnaði Ísraelsher við
jörðu fjölda húsa á Gaza-ströndinni
sem fullyrt var að stæðu ónotuð en
væru notuð við smygl á vopnum frá
Egyptalandi. Hjálparstofnanir
sögðu húsin aftur á móti hafa hýst
hundruð heimilislausra Palestínu-
manna, sem nú ættu í engin hús að
venda.
Reuters
Palestínsk kona heldur á barni sínu í rústum húsa á Gaza-ströndinni sem Ísraelsmenn eyðilögðu fyrir helgi.
Ný hrina ofbeldisverka
í Mið-Austurlöndum
Jerúsalem. AFP.
TÍBESKIR útlagar stóðu í gær
fyrir mótmælum í Nýju-Delhí,
höfuðborg Indlands. Voru mót-
mælin skipulögð í tilefni heim-
sóknar Zhu Rongji, forsætisráð-
herra Kína, til Indlands en Rongji
átti m.a. fund með Atal Behari
Vajpayee, forsætisráðherra Ind-
lands. Tíbetarnir vildu mótmæla
yfirráðum Kínverja í Tíbet.
Reuters
Tíbeskir út-
lagar mótmæla
„Við höfum lokið liðsflutningum
okkar til landamæranna og munum
aðeins kalla hermenn til baka ef og
þegar búið verður að koma í veg fyr-
ir alla starfsemi hryðjuverkamanna
okkar megin landamæranna,“ sagði
George Fernandes, varnarmálaráð-
herra Indlands.
Ítrekaði hann að liðsflutningur
Indverja hefði komið til af því að
hryðjuverk hefðu verið framin í Ind-
landi af hópum sem hafast við í Pak-
istan og vísaði hann þar einkum og
sér í lagi til sjálfsmorðsárásarinnar á
þinghúsið í Nýju-Delhí 13. desember
sl.
Leiðtogi stjórnmála-
flokks handtekinn
Fernandes fagnaði loforðum
Musharrafs um aðgerðir gegn öfga-
hópum en sagði að nú væri að sjá
hvort hugur fylgdi máli.
Meðal hópanna fimm sem Mush-
arraf, forseti Pakistans, hefur bann-
að eru tvær hreyfingar sjálfstæðis-
sinna í Kasmír, Lashkar-e-Taiba og
Jaish-e-Mo-hammad, sem Indverjar
telja að hafi staðið fyrir árásinni í
desember.
Var ennfremur tilkynnt í gær að
pakistanska lögreglan hefði hand-
tekið Abdul Ghafoor Haideri, leið-
toga stjórnmálaflokksins Jamiat
Ulema-e-Islam, sem hlynntur var
stjórn talibana í Afganistan.
Indverjar vilja
sjá að hugur
fylgi máli
Nýju-Delhí, Muzaffarabad í Pakistan. AFP.
INDVERJAR sögðu í gær að ekki kæmi til greina að kalla umsvifalaust allan
her landsins frá landamærunum að Pakistan en í Kasmírhéraði hefur verið
mikill liðsafnaður undanfarnar vikur af hvorra tveggja hálfu, Indverja og
Pakistana. Nokkuð þykir þó hafa dregið úr spennu í deilu þjóðanna eftir að
Pervez Musharraf, forseti Pakistans, lét um helgina handtaka næstum 1.400
liðsmenn hópa bókstafstrúaðra múslíma og bannaði um leið starfsemi þeirra.
Skiptust indverskir og pakistanskir hermenn þó áfram á skotum við landa-
mærin í Kasmír í gær.
Fulltrúar Sameinuðu þjóðanna
sögðu að ástand mála í Afganistan
væri grafalvarlegt. Bráðabirgða-
stjórn landsins ætti svo til enga pen-
inga og að um 230 þúsund starfs-
menn hins opinbera hefðu ekki
fengið greitt í sex mánuði samfleytt.
Alþjóðastofnanir og erlend ríki
hyggjast leggja marga milljarða ís-
lenskra króna til uppbyggingarstarfs
en Ahmed Fawzi, talsmaður sérlegs
sendimanns SÞ, lagði áherslu á að
landið þarfnaðist peninga þegar í
stað, annars yrði ekkert Afganistan
fyrir hendi þegar stóru summurnar
tækju loks að berast. „Þetta land hef-
ur mátt þola tvo áratugi stríðs og fólk
sveltur nú heilu hungri. Margir haf-
ast við í hellum,“ sagði hann.
Stjórn Afganistans
nánast peningalaus
Kabúl. AFP.

Hugðust/26
BANDARÍKJAMENN fluttu þrjátíu talibana og liðsmenn al-Qaeda-hryðju-
verkasamtakanna til Guantanamo-herstöðvarinnar á Kúbu í gær en á sama
tíma héldu herþotur áfram að varpa sprengjum á búðir, sem talið er að al-
Qaeda hafi rekið í Austur-Afganistan.
ANSSI Vanjoki, sem sæti á í
stjórn Nokia-farsímafyrirtæk-
isins finnska, hefur verið skip-
að að greiða 116.000 evrur í
hraðasekt, ríflega tíu milljónir
ísl. kr., að því er dagblaðið Ilta
Sanomat greindi frá í gær.
Þetta er hæsta hraðasekt
sem um getur í Finnlandi en
þar í landi eru sektirnar
ákvarðaðar með hliðsjón af
tekjum lögbrjótanna.
Finnska lögreglan tók Vanj-
oki fyrir of hraðan akstur í
Helsinki í október sl. Mældist
hann hafa verið á 75 km hraða
á mótorhjóli sínu á svæði þar
sem aðeins má aka á 50 km
hraða. Hefur honum nú verið
skipað að greiða sem samsvar-
ar fjórtán daga launum á árinu
1999 en að sögn Ilta Sanomat
var Vanjoki það ár með árs-
tekjur upp á 14 milljónir evra,
eða um 1,2 milljarða ísl. króna.
Tíu millj-
óna króna
hraðasekt
Helsinki. AFP.
ÁFRÝJUNARNEFND Heimsvið-
skiptastofnunarinnar (WTO) úr-
skurðaði í gær Evrópusambandinu í
vil í máli sem lýtur að skattaaf-
slætti yfirvalda í Bandaríkjunum til
þarlendra útflutningsfyrirtækja.
Var það niðurstaða WTO að afslátt-
urinn væri ekki í samræmi við regl-
ur stofnunarinnar.
„Ég er vitaskuld afar ánægður
með að WTO hafi staðfest það sem
við höfum ávallt haldið fram,“ sagði
Pascal Lamy, yfirmaður verslunar-
og viðskiptamála í framkvæmda-
stjórn ESB. Nú stæði á Banda-
ríkjastjórn að breyta löggjöf þannig
að hún yrði í samræmi við skuld-
bindingar þeirra á alþjóðavettvangi.
Fyrri lög um skattaafslátt til
bandarískra útflutningsfyrirtækja
voru úrskurðuð ólögleg skattaíviln-
un af sérstakri nefnd á vegum
GATT-samkomulagsins um verslun
og viðskipti árið 1976. Bandaríkja-
menn settu ný lög um þessi efni ár-
ið 1984 en ESB lýsti þá þegar
þeirri skoðun að nýju lögin væru
einnig brot á alþjóðlegum reglum.
Hefur WTO nú staðfest þann skiln-
ing ESB.
WTO úrskurðar gegn
Bandaríkjastjórn
Brussel, Washington. AFP.