Morgunblaðið - 15.01.2002, Blaðsíða 28

ERLENT
28 ÞRIÐJUDAGUR 15. JANÚAR 2002 MORGUNBLAÐIÐ
N
O
N
N
I
O
G
M
A
N
N
I
•
N
M
0
5
1
0
1
/
S
ÍA
„Ég er með léleg hné. Sem krakki óx ég mjög hratt og hnén
fylgdu ekki alveg með. Mér var ráðlagt að fara í greiningu
hjá Stoðtækni og fá innlegg. Eftir að ég fékk innleggin er
ég orðinn góður í hnjánum og þau hafa hjálpað mjög mikið,
bæði þegar ég er á þrekæfingum og daglega, ég er alltaf
með þau í skónum.“
Hlaupa- og göngugreining
Ertu með þreytu eða verki í fótum eða baki?
Komdu og láttu skoða niðurstigið þitt í
göngugreiningu.
Rétt undirstaða getur skipt sköpum til að
ná árangri.
Tímapantanir í síma 581 4711
Kringlan 8 -12, 3. hæð, Reykjavík
Örn Arnarson, sundmaður
Til hamingju Örn,
íþróttamaður ársins 2001
BRESKIR fjölmiðlar hafa undan-
farna daga rifjað upp hneykslismál
Cecils Parkinsons, núverandi með-
lims í lávarðadeild breska þingsins og
fyrrverandi forystumanns innan
Íhaldsflokksins. Parkinson átti fyrir
átján árum dóttur utan hjónabands,
sem hann hefur aldrei augum litið, og
neyddist af þeim sökum til þess að
segja af sér ráðherraembætti. En
málið hefur ekki síður reynst dýr-
keypt fyrir stúlkuna sjálfa og móður
hennar, sem eru nú loks lausar undan
dómsúrskurði sem neyddi þær nánast
til að lifa í felum.
Áður en hneykslismálið kom upp
árið 1983 var Cecil Parkinson einn af
helstu forystumönnum Íhaldsflokks-
ins, hann var sagður „eftirlæti“ Mar-
grétar Thatcher forsætisráðherra og
af mörgum talinn líklegasti arftaki
hennar. En Parkinson, sem var
kvæntur þriggja barna faðir, hafði þá
um tólf ára skeið átt í ástarsambandi
við einkaritara sinn í þinginu, Söru
Keays.
Eftir að Sara varð þunguð á vor-
mánuðum 1983 sleit Parkinson sam-
bandinu við hana. Að sögn Söru
reyndi hann að fá hana til að gangast
undir fóstureyðingu, en þegar hún
neitaði gerði hann henni ljóst að hann
myndi ekki hafa nein afskipti af
barninu. Sara sagði nýlega í viðtali við
The Daily Mail að þetta hefði verið
„eina loforðið sem hann hélt“, en hún
fullyrðir að hann hafi áður heitið sér
að segja skilið við eiginkonu sína og
kvænast sér.
Parkinson, sem gegndi embætti
formanns Íhaldsflokksins, stjórnaði
kosningabaráttu flokksins fyrir þing-
kosningarnar í júní 1983. Á kjördag
mun hann hafa sagt Thatcher frá því
að hann ætti von á barni utan hjóna-
bands, en hún skipaði hann samt sem
áður í áhrifamikið embætti viðskipta-
og iðnaðarráðherra eftir kosningarn-
ar. Sara Keays var að vonum vonsvik-
in yfir sinnuleysi fyrrverandi ást-
manns síns og gerði fjölmiðlum kunn-
ugt um samband þeirra og væntan-
legan erfingja meðan á flokksþingi
Íhaldsflokksins stóð í Blackpool um
haustið. Málið olli miklu fjaðrafoki og
Parkinson sagði af sér í snatri.
Sara Keays ól síðan dótturina
Floru á gamlársdag 1983 en hún hef-
ur sem fyrr segir aldrei
hitt föður sinn. Málið er
ennþá dapurlegra fyrir
þær sakir að Flora hef-
ur frá unga aldri átt við
ýmsa erfiðleika að etja.
Fjögurra ára gömul
gekkst hún undir að-
gerð vegna heilaæxlis,
hún er haldin Asperger-
heilkenni, sem er til-
brigði af einhverfu, og
er auk þess flogaveik.
Stúlkan hefur ennfrem-
ur átt við námsörðug-
leika að stríða og neydd-
ist til þess að hætta í
skóla fyrir nokkrum ár-
um vegna eineltis.
Parkinson greiddi frá
upphafi meðlag með
Floru en vegna mikils
kostnaðar við læknis-
meðferð dótturinnar
krafðist Sara þess fyrir
dómstólum árið 1993 að
faðirinn greiddi hærri
upphæð til framfærslu hennar. Park-
inson samþykkti það, en krafðist þess
á móti að dótturinni yrði með dóms-
úrskurði meinað að kenna sig við
hann og algjörlega haldið frá sviðs-
ljósi fjölmiðla. Sara gekk að þessu
skilyrði en kveðst ekki hafa gert sér
grein fyrir hvað úrskurðurinn hefði í
för með sér. Í raun þýddi krafa Park-
insons að Flora varð „ósýnileg“, hún
mátti til dæmis ekki vera með á
bekkjarmyndum eða taka þátt í upp-
færslum skólaleikrita og nafn hennar
mátti ekki einu sinni birtast á tilkynn-
ingatöflu skólans.
Heimildarmynd um líf Floru
Dómsúrskurðurinn rann úr gildi
þegar Flora varð átján ára 31. desem-
ber síðastliðinn. Hún og móðir hennar
máttu þá í fyrsta sinn síðan 1993 tjá
sig við fjölmiðla og hafa meðal annars
veitt dagblaðinu Daily Mail einkavið-
tal. Þar er meðal annars haft eftir
Floru að henni þyki faðir sinn hafa
komið illa fram við sig. „Ég myndi
vilja hitta hann og tala við hann. Ef
honum þætti vænt um mig myndi
hann vilja sjá mig og vera hluti af lífi
mínu. Ég myndi vilja fara með honum
í kvikmyndahús og gera skemmtilega
hluti,“ sagði Flora, sem
þykir afar lík föður sín-
um í útliti.
Þá hefur sjónvarps-
stöðin Channel 4 gert
heimildarþátt um líf
Floru, sem sýndur var í
síðustu viku. Myndin
þótti átakanleg en þar
er meðal annars sýnd
upptaka af stúlkunni
þar sem hún fer í gegn-
um póstinn sinn á átján
ára afmælisdaginn í von
um að hafa fengið af-
mæliskveðju frá föður
sínum, þrátt fyrir að
móðir hennar hafi var-
að hana við að gera sér
of miklar væntingar.
Engin kveðja barst frá
Parkinson, frekar en
fyrri daginn.
Sara Keays hefur
gefið til kynna að hún
kunni að fara í mál við
Parkinson á ný til þess
að tryggja framfærslu Floru í fram-
tíðinni en meðlagsgreiðslur leggjast
vanalega af við átján ára aldur. Hún
segir dóttur sína ekki geta skilið
hvers vegna faðir hennar hafi hafnað
henni, en kveðst jafnframt efast um
að það yrði henni til góðs ef hann féll-
ist á að hitta hana. Ef þau hittust að-
eins einu sinni gæti það valdið Floru
enn frekara tjóni en orðið er.
Af Parkinson sjálfum er það að
segja að hann komst aldrei til fyrri
metorða, þótt honum hafi á ný verið
falin trúnaðarstörf fyrir Íhaldsflokk-
inn. Árið 1987 var hann skipaður
orkumálaráðherra, sem er mun
áhrifaminna ráðherraembætti en það
sem hann gegndi áður. Hann var
sæmdur lávarðsnafnbót og tók sæti í
lávarðadeild breska þingsins, auk
þess sem hann gegndi um skamma
hríð formannsembættinu í Íhalds-
flokknum á ný eftir að William Hague
tók við leiðtogastöðunni í flokknum
árið 1997. Hjónaband hans og eigin-
konunnar Ann stendur enn.
Parkinson vildi ekki svara spurn-
ingum fjölmiðla fyrir helgi um það
hvort hann hygðist horfa á heimild-
armyndina um dóttur sína í sjónvarp-
inu.
Fyrrverandi ástkona og laundóttir Cecils
Parkinsons mega aftur tjá sig við fjölmiðla
Cecil Parkinson
Sorgarsaga dregin
fram í dagsljósið
’ Dóms-úrskurðurinn
neyddi þær
nánast til að
lifa í felum ‘
INDÓNESÍSKA lögreglan þurfti að nota uppblásna
gúmmíbáta við björgunarstörf í þriðju stærstu borg
landsins, Medan, í gær en heilu borgarhverfin voru und-
ir vatni vegna mikilla flóða. Að minnsta kosti þrír höfðu
látist og gífurlegt tjón orðið af völdum flóðanna. Sex var
saknað. Einnig þurfti að loka alþjóðaflugvellinum í Medan
tímabundið vegna flóðanna, sem skullu á eftir miklar
rigningar.
AP
Mikil flóð
í Medan
BRESKA stjórnin lagði í gær fram
áætlun um umbætur á járnbrautar-
kerfinu í landinu og er fyrirhugað að
verja til hennar nærri 5.000 milljörð-
um ísl. kr. fram til 2010.
Auk framlagsins frá hinu opinbera
er gert ráð fyrir, að einkafyrirtæki
leggi fram umtalsvert fé í járnbraut-
irnar og einkanlega í London og í
Suðvestur-Englandi þar sem álagið
er mest. Bretar virðast á einu máli
um, að þeir búi við versta járnbraut-
arkerfi í Vestur-Evrópu og tíð slys
og víðtæk verkföll að undanförnu
hafa gert ástandið enn verra.
Það var eitt af loforðum Tony
Blairs forsætisráðherra fyrir síðustu
kosningar að bæta almennar sam-
göngur í landinu en sumir saka hann
nú um að hafa gleymt því í kjölfar
hryðjuverkanna í Bandaríkjunum. Í
umbótaskýrslunni, sem nú hefur
verið lögð fram, er því hins vegar
heitið, að bundinn verði endi á ónóga
fjárfestingu í járnbrautunum síðast-
liðin 30 ár.
Breska
járnbraut-
arkerfið
endurnýjað
London. AP.