Morgunblaðið - 15.01.2002, Blaðsíða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 15. JANÚAR 2002 VERÐ Í LAUSASÖLU 190 KR. MEÐ VSK.
FJÖLSKIPAÐUR dómur í Héraðs-
dómi Reykjaness dæmdi í gær Aust-
urríkismanninn Kurt Fellner í 12 ára
fangelsi en hann var handtekinn með
67.485 e-töflur á Keflavíkurflugvelli í
september. Hann hyggst áfrýja
dómnum til Hæstaréttar.
Þetta er þyngsti dómur sem fallið
hefur í fíkniefnamáli á Íslandi en há-
marksrefsing fyrir fíkniefnasmygl er
12 ára fangelsi.
Hámarksrefsing var áður 10 ára
fangelsi en Alþingi samþykkti sl. vor
að hækka refsirammann um tvö ár.
Segir í fylgiskjali með frumvarpinu
að þar sem refsimörk fyrir fíkniefna-
smygl hefðu nánast verið nýtt að
fullu, þætti nauðsynlegt að hækka
refsimörk svo dómstólar ættu mögu-
leika á að ákveða þyngri refsingu ef
enn alvarlegri brot kæmu til kasta
dómstóla.
Í niðurstöðum héraðsdóms segir
að Hæstiréttur hafi á undanförnum
árum kveðið upp þunga dóma vegna
meðferðar á e-töflum hér á landi en
töflurnar hafi verið álitnar eitthvert
hættulegasta fíkniefnið á markaði.
Ekkert hafi komið fram sem haggar
því áliti. Þá hafi Hæstiréttur staðfest
níu ára fangelsisdóm yfir manni sem
handtekinn var með ríflega 14.000 e-
töflur. Sá dómur gekk áður en há-
marksrefsing var hækkuð í 12 ár.
Framburður fyrirsláttur einn
Tollverðir á Keflavíkurflugvelli,
sem unnu að því að gegnumlýsa far-
angur úr flugvél Flugleiða sem var á
leið frá Amsterdam til New York,
urðu varir við að falskur botn var í
töskunni. Fellner var kallaður til og
opnaði hann talnalás töskunnar.
Hann sagði fyrir dómi að hann hefði
ekki haft hugmynd um að fíkniefni
væru í töskunni heldur hafi hann
tekið að sér að flytja töskuna til New
York í greiðaskyni við mann sem
hann hafði hitt nokkru áður. Í New
York átti hann að afhenda öðrum
manni töskuna og fyrir viðvikið átti
hann að fá greidda 5.000 dollara.
Dómnum þótti framburður Felln-
ers fyrirsláttur einn, ósamræmi væri
í frásögn hans og ólíkindablær á
þeim útskýringum sem hann gaf.
Hann ætti sér engar málsbætur.
Fellner var gert að greiða allan
sakarkostnað, þ.m.t. laun verjanda
síns, Ásbjörns Jónssonar hdl.,
350.000 krónur. Finnbogi H. Alex-
andersson, Guðmundur L. Jóhann-
esson og Þorgeir Ingi Njálsson
kváðu upp dóminn. Guðrún Sesselja
Arnardóttir, fulltrúi ríkissaksókn-
ara, sótti málið.
12 ára fangelsi fyrir smygl á 67.485 e-töflum
Refsirammi vegna fíkni-
efnabrota fullnýttur
VÍSITALA neysluverðs hækkaði um 0,9% milli
desember og janúar en það er mun meira en spáð
hafði verið. Vísitalan var komin í 221,5 en í sam-
komulagi aðila vinnumarkaðarins, sem gert var í
lok síðasta árs, er sett sem verðbólguviðmið að
vísitala neysluverðs verði ekki hærri en 222,5 stig í
maí. Standist sú forsenda ekki eru launaliðir
kjarasamninga uppsegjanlegir með þriggja mán-
aða fyrirvara. Vísitalan má því ekki hækka nema
um tæplega hálft prósentustig á næstu 4 mán-
uðum svo ekki komi til uppsagnar kjarasamninga.
Veldur vonbrigðum
Þórður Friðjónsson, forstjóri Þjóðhagsstofnun-
ar, segir að hækkun vísitölunnar valdi verulegum
vonbrigðum. Eitthvað sérstakt þurfi að koma til
og óvenjuleg þróun að eiga sér stað fram í byrjun
maí, til þess að það verðbólgumarkmið náist sem
um getur í samkomulagi aðila vinnumarkaðarins.
Ari Edwald, framkvæmdastjóri Samtaka at-
vinnulífsins, segir einnig að hækkun vísitölunnar
valdi vonbrigðum. ,,Þessi mæling breytir þó ekki
tiltrú minni á að þróun næstu vikna og mánaða
verði í samræmi við það sem við höfum vonast eft-
ir,“ segir Ari.
Ari segist viðurkenna að hækkunin sé óþægi-
lega mikil og skilji eftir lítið af því svigrúmi sem
samkomulag aðila vinnumarkaðarins og stjórn-
valda geri ráð fyrir og setji mikinn þrýsting á það.
Gylfi Arnbjörnsson, framkvæmdastjóri ASÍ,
segir ljóst að hækkun vísitölunnar nú sé meiri en
menn áttu von á. Ýmsar skýringar séu á þessu,
m.a. hækkanir á einstökum liðum sem ekki end-
urtaki sig á næstunni.
„Krónan hefur styrkst um 4 til 5% frá því í byrj-
un desember og það er afar mikilvægt að það skili
sér strax inn í grunninn í verðbreytingum í janúar
þannig að verðmælingin í febrúar taki mið af því.
Þarna eru hins vegar líka þau köldu skilaboð til
stjórnvalda að þau hafi einfaldlega gengið of langt
í ákvörðunum um hækkun á verði á opinberri
þjónustu,“ segir Gylfi.
Verðhækkun á opinberri þjónustu er hæsti ein-
staki liðurinn í hækkun vísitölunnar nú.
Síðastliðna tólf mánuði hefur vísitala neyslu-
verðs hækkað um 9,4% og vísitala neysluverðs án
húsnæðis um 10,0%. Undanfarna þrjá mánuði hef-
ur vísitala neysluverðs hækkað um 1,7%, sem jafn-
gildir 7,2% verðbólgu á ári.
Vísitala neysluverðs hækkar um 0,9% milli desember og janúar
Mun meiri hækkun en
ráð var fyrir gert

Má aðeins/34
TÖLUVERÐAR skemmdir af völd-
um sviptivinda og hríðarbyls urðu á
bænum Hóli í Önundarfirði í gær-
morgun þegar þak af gömlu útihúsi
splundraðist og tókst á loft. Hluti
þess fauk á tvílyft íbúðarhús þar
skammt frá og komu tvær sperrur
af þakinu inn í stofu á efri hæð
hússins, önnur fór í gegnum stofu-
gluggann og hin stakkst í gegnum
timburklæddan útvegginn. Heim-
ilisfólk sakaði ekki en þrennt sat
við morgunverðarborð í eldhúsinu,
sem er næst stofunni á sömu hæð,
þegar ósköpin dundu yfir. Félagar í
Björgunarsveitinni Sæbjörgu á
Flateyri voru kallaðir til aðstoðar
og slasaðist einn þeirra þegar hann
fauk á bíl í eigu bróður síns, bónd-
ans á Hóli.
Magnús Hringur Guðmundsson á
Hóli sagði að þau hjónin og dóttir
þeirra, sem sátu við morgunverð-
arborðið um áttaleytið, mættu
þakka fyrir að vera heil á húfi mið-
að við það sem á gekk. Veggur milli
stofunnar og eldhússins veitti þeim
skjól en glerbrotum og snjó rigndi
yfir innanstokksmuni í stofunni og
alla leið inn á eldhúsgólfið, en auk
sviptivinda var kafhríð útifyrir um
þetta leyti.
Fauk fyrst yfir gamla
íbúðarhúsið
Magnús sagði að þakið hlyti að
hafa farið hátt á loft því milli úti-
hússins og íbúðarhússins stendur
gamalt og yfirgefið íbúðarhús, sem
einnig er tveggja hæða, og slapp
það við skemmdir í fokinu. Aðeins
tóftirnar standa eftir í útihúsinu,
sem notað hefur verið sem geymsla.
„Sperran, sem fór í gegnum
gluggann, splundraði póstunum,
þeyttist langt inn og lá hér þvert yf-
ir stofuna. Hefði eitthvert okkar
verið þá á ferðinni hefði getað farið
illa. Það fylltist allt af glerbrotum
og snjó og við gátum ekki annað en
leitað eftir aðstoð björgunarsveit-
arinnar á Flateyri sem brást skjótt
við. Við réðum ekkert við þetta
ein,“ sagði Magnús sem fékk aðstoð
björgunarsveitarmanna til að koma
sperrunum út og negla plötu fyrir
gluggann og gatið á veggnum.
Hluti af
þaki fauk
inn í stofu
ÍSLENDINGUR, karlmaður á
þrítugsaldri, var handtekinn
við venjubundna tollskoðun á
Keflavíkurflugvelli í fyrrakvöld
eftir að í ljós komu 2 kíló af
hassi í farangri hans. Maðurinn
var að koma frá Kaupmanna-
höfn og afhenti Tollgæslan á
Keflavíkurflugvelli hann fíkni-
efnadeild lögreglunnar í
Reykjavík.
Að loknum yfirheyrslum og
skýrslutökum í gær var mann-
inum sleppt en að sögn Ásgeirs
Karlssonar, yfirmanns fíkni-
efnadeildarinnar, var ekki talin
ástæða til að fara fram á gæslu-
varðhaldsúrskurð. Ásgeir sagði
hann ekki hafa komið við sögu
sambærilegra afbrota áður.
Áætla má að verð tveggja
kílóa af hassi sé um 3 milljónir.
Tekinn
með tvö
kíló af
hassi
TÍU sinnum dýrara er fyrir
einstakling að færa peninga
milli norrænna banka en milli
banka í heimalandi sínu, sam-
kvæmt nýrri könnun Sam-
bands norrænu félaganna. Seg-
ir Terje Tveito, formaður sam-
bandsins, „óskiljanlegt fyrir
hvað verið sé að borga“.
Könnunin náði til 16 banka
og leiddi hún í ljós að kostnaður
við millifærslur er næstmestur
hjá Landsbanka eða að meðal-
tali 1.363,84 krónur fyrir
færslu. Um var að ræða 100
danskar, sænskar og norskar
krónur, 100 mörk og 1.000
krónur íslenskar.
Sparisjóður Reykjavíkur og
nágrennis bauð lægst verð eða
261,05 krónur og var því í 16.
sæti. Næstódýrastur er Spari-
sjóður Hafnarfjarðar og Bún-
aðarbankinn þriðji ódýrastur.
Næstdýrast
hjá Lands-
bankanum

Gjald fyrir/23
KNATTSPYRNA er vinsælasta
íþróttin hér á landi sem víða ann-
ars staðar og fjölda drengja og
stúlkna, sem æfa íþróttina af
kappi, dreymir líklega um að gera
sigurmarkið í úrslitaleiknum að
viðstöddum þúsundum áhorfenda!
Enginn afrekar það hins vegar án
þess að æfa sig vel og lengi og nú
viðrar einmitt aldeilis vel til þess
að stunda ýmsar íþróttir úti undir
berum himni. Malbikið á skólalóð
Langholtsskóla er ekki jafngrænt
og mjúkt og grasið á stóru knatt-
spyrnuvöllunum úti í heimi, en ein-
hvers staðar verður að byrja. Aldr-
ei er að vita nema sá sem hér
skorar með þrumuskoti í bláhorn-
ið, þrátt fyrir góð tilþrif markvarð-
arins með húfuna, eigi eftir að
gera garðinn frægan síðar meir. Morgunblaðið/Þorkell
Þrumu-
skot í
bláhornið