Morgunblaðið - 15.01.2002, Blaðsíða 2

FRÉTTIR
2 ÞRIÐJUDAGUR 15. JANÚAR 2002 MORGUNBLAÐIÐ
Fylgstu
með
nýjustu
fréttum
www.mbl.isEiður Smári fékk
frábærar móttökur/B2
Íslenska landsliðið
greinilega á réttri leið/B6
12 SÍÐUR40 SÍÐUR
Sérblöð í dag
Á ÞRIÐJUDÖGUM
MAÐURINN sem lést í bílslysi á
Kísilvegi síðastliðið föstudagskvöld
hét Hafþór Gíslason, til heimilis í
Helluhrauni 9 í Reykjahlíð. Hafþór
var 26 ára, fæddur 10. janúar árið
1976. Hann lætur eftir sig unnustu,
tveggja ára son og sjö ára dóttur frá
fyrri sambúð.
Hafþór Gíslason
Lést í bílslysi
á Kísilvegi
MAÐURINN sem lést í bílslysi í
Kömbunum síðastliðið föstudags-
kvöld, þegar þrjár bifreiðir lentu í
árekstri, hét Halldór Jóhannesson,
til heimilis í Vesturbergi 120 í
Reykjavík. Halldór var 62 ára
gamall, fæddur 14. mars 1939.
Hann var ókvæntur og barnlaus.
Halldór var mikill íþróttamaður
á yngri árum og stóð í fremstu röð
meðal langhlaupara á sjöunda ára-
tugnum. Hann var í landsliði Ís-
lands í 5 km hlaupi 1963 til 1964
og keppti fyrir Íslands hönd á
landsmóti í Álasundi árið 1963.
Hann gekk til liðs við KR árið
1963 og keppti með liðinu til 1964
og gekk síðan til liðs við sitt fyrra
félag, Héraðssamband Suður-
Þingeyinga.
Halldór Jóhannesson
Lést í bílslysi
í Kömbunum
Á slysadeild
eftir ofneyslu
fíkniefna
LÖGREGLAN í Reykjavík lét flytja
rúmlega tvítugan mann á slysadeild
á sunnudagsmorgun en hann var
meðvitundarlaus eftir ofneyslu fíkni-
efna. Lögreglu hafði skömmu áður
borist tilkynning þess efnis.
Að sögn lögreglu virtist pilturinn
illa haldinn en talið var að hann hefði
skömmu áður neytt e-taflna.
HÉRAÐSDÓMUR Reykjavíkur hef-
ur tekið til greina útburðarkröfu á
hendur Samtökum um kvennaathvarf
og heimilað eigendum húss við Báru-
götu 2 í Reykjavík að bera samtökin
út úr húsinu. Héraðsdómur úrskurð-
aði jafnframt að verði úrskurðinum
áfrýjað til Hæstaréttar skuli gerðinni
frestað meðan málið er þar til með-
ferðar. Að sögn Jóns Steinars Gunn-
laugssonar, lögmanns Kvennaat-
hvarfsins, eru samtökin nú að íhuga
hvort skjóta eigi málinu til Hæsta-
réttar, en samkvæmt reglum hafa
samtökin tveggja vikna frest til að
ákveða hvort málinu verði áfrýjað.
Forsaga málsins er sú að með dómi
Hæstaréttar í september sl. var við-
urkenndur forkaupsréttur erfingja
Einars Sigurðssonar útgerðarmanns
í Vestmannaeyjum á fasteigninni
Bárugötu 2 í Reykjavík og jafnframt
var kveðið á um það í dóminum að St.
Jósepssystrum, sem keyptu húsið á
sínum tíma af erfingjunum, væri skylt
að selja og afsala erfingjunum fast-
eigninni að uppfylltum tilgreindum
skilyrðum. Það var gert með afsali
dags. 7. nóvember sl. og var samtök-
unum gefinn frestur til 15. nóvember
2001 til að rýma húsið. Í kjölfarið
kröfðust erfingjarnir þess að Samtök
um kvennaathvarf yrðu borin út úr
húsinu og sögðu samtökin dveljast
þar í leyfisleysi.
Kvennaathvarfið hélt því fram við
meðferð málsins fyrir Hæstarétti að
samtökunum hafi verið lofað að fá
„sanngjarnan frest“ til að finna sér
nýtt húsnæði og samtökin hafi keypt
annað húsnæði 1. nóvember sl. fyrir
starfsemina, en það fáist ekki afhent
fyrr en 1. júní 2002. Héraðsdómur
taldi hins vegar að ekki væri hægt að
túlka slíka yfirlýsingu svo rúmt að
Kvennaathvarfinu væri heimil afnot
af fasteigninni fram til 1. júní og var
því ekki fallist á þessa meginröksemd
Kvennaathvarfsins.
Kröfðust þess að málskot til
Hæstaréttar frestaði útburði
Þá taldi dómurinn heldur ekki að í
yfirlýsingunni hafi falist skuldbind-
andi loforð erfingjanna um það að
Kvennaathvarfinu bæri lengri frestur
en veittur var til þess að afhenda hús-
næðið. Segir í niðurstöðum dómsins
að samtökin hafi enga heimild til að
dvelja í eigninni, gerðarbeiðendur
hafi skorað á samtökin að rýma eign-
ina og lagaskilyrði séu fyrir því að
gerðin fari fram.
Samtökin kröfðust þess að yrði
dómurinn við kröfu um útburð yrði
kveðið á um það í úrskurðinum að
málskot til Hæstaréttar skuli fresta
gerðinni. Í niðurstöðu dómsins segir
að þegar litið sé til þeirrar starfsemi
sem gerðarþoli reki í húsnæðinu og
biðstöðu hans nú sé ljóst að tafarlaus
útburður á hendur honum hefði í för
með sér verulegt óhagræði og röskun
á starfsemi hans. Hins vegar verði
ekki séð að hagsmunir gerðarbeið-
enda af því að útburður fari fram þeg-
ar í stað séu brýnir og var því fallist á
þessa kröfu Kvennaathvarfsins.
Jón Steinar Gunnlaugsson, hæsta-
réttarlögmaður, segir að verði það
niðurstaða sinna umbjóðenda að
kæra niðurstöðu dómsins bíði fram-
kvæmd úrskurðarins á meðan. „Það
hefur ekki verið tekin ákvörðun um
það, það er hálfsmánaðar kærufrest-
ur í þessum málum, og sú ákvörðun
verður auðvitað tekin áður en sá
frestur rennur út.“
Héraðsdómur Reykjavíkur fellst á útburðarkröfu á hendur Kvennaathvarfi
Hafa tveggja vikna frest til
að áfrýja til Hæstaréttar
VERULEG spjöll á grónu landi
hafa komið í ljós vegna flóðanna á
Suðurlandi, einkum við Hvítá og
Stóru-Laxá. Þetta mátti vel sjá í
gær þegar sjatnað hafði í ánum frá
því fyrir helgi þegar flóðin voru
hvað mest.
Meðal þeirra sem kynntu sér
landspjöllin í gær voru Guðni
Ágústsson landbúnaðarráðherra
og Sveinn Runólfsson landgræðslu-
stjóri. Að sögn Sveins eru fram-
kvæmdir fyrirhugaðar til að hefta
frekara landbrot en skemmdir
vegna vatnavaxta hafa einnig orðið
við Markarfljót á varnargarði í
Húsadal í Þórsmörk. Gat myndaðist
þar í vetur og framkvæmdir stóðu
fyrir dyrum þegar fljótið óx á ný.
„Hér í Auðsholti braut Hvítá
mikið land á tveimur stöðum, rúm-
lega kílómetra svæði á hvorum
stað, upp í 6–7 metra þar sem mest
var en alls staðar eitthvað. Það hef-
ur verið mikið landbrot hér á und-
anförnum árum, til dæmis í janúar í
fyrra, og þetta er ekki minna en
þá,“ segir Steinar Halldórsson,
bóndi í Auðsholti.
„Vegurinn heim að Auðsholti
skemmdist ekki mikið. Hinsvegar
urðu skemmdir á túnvegum og ræs-
um og mikið drasl kom upp á túnin
eins og vörubretti og plast,“ segir
Steinar.
Vignir Jónsson, bóndi í Auðs-
holti, segir að landbrotið sé mjög
alvarlegt mál og ef ekki verði gerð-
ar einhverjar ráðstafanir fari mjög
illa. Þannig séu margir hektarar af
ræktuðu landi í hættu hjá sér. Þess
má geta að átta íbúðarhús eru í
Auðsholti og um 30 manns eiga þar
lögheimili.
Þá braut Hvítá töluvert land á
jörðinni Hvítárholti, að sögn
Georgs Ottóssonar landeiganda.
Stóra-Laxá flæddi yfir bakka
sína og braut töluvert land á jörð-
unum Birtingaholti og Syðra-
Langholti. Að sögn Sigurðar
Ágústssonar, eins eigenda Syðra-
Langholts, hefur áin tekið 6–7
metra af túni á um 200 metra kafla.
Sveinn Runólfsson sagði að lok-
inni skoðunarferð með ráðherra,
að skemmdir á gróðri af völdum
flóðanna við bakka Hvítár og
Stóru-Laxár væru miklar en þó
minni en á horfði. Girðingar og
önnur mannvirki hefðu sloppið að
mestu. Hann sagði lítið sem ekkert
tjón hafa orðið við bakka Þjórsár
þar sem varnarmannvirki stóðust,
einkum við Ferjubakka og á Skeið-
um.
Sveinn sagði ennfremur að á
fjárlögum væri gert ráð fyrir fram-
kvæmdum á vegum Landgræðsl-
unnar og Vegagerðarinnar vegna
landbrots á bökkum Hvítár og
Stóru-Laxár og varnir við Auðsholt
væru þar í forgangi. Þá ætti að ráð-
ast í undirbúningsframkvæmdir við
Hvítárholt og Syðra-Langholt.
Morgunblaðið/Sigurður Sigmundsson
Steinar Halldórsson, bóndi í Auðsholti, við bakka Hvítár á Suðurlandi þar sem hún braut mikið land í flóðunum.
Landbúnaðarráðherra og landgræðslustjóri kynntu sér flóðin á Suðurlandi
Mikið
tjón á
grónu
landi
Hrunamannahreppi. Morgunblaðið.
♦ ♦ ♦