Morgunblaðið - 02.03.2002, Page 16

SUÐURNES
16 LAUGARDAGUR 2. MARS 2002 MORGUNBLAÐIÐ
GERÐUR hefur verið samstarfs-
samningur um hagkvæmniathugun á
uppbyggingu og rekstri netþjónabús
á Íslandi með staðsetningu á
Reykjanesi í huga. Stefnt er að því
að lokaskýrsla verði kynnt innan sex
til átta vikna.
Markaðs-, atvinnu- og menningar-
svið Reykjanesbæjar undirritaði
samninginn fyrir hönd Hitaveitu
Suðurnesja en samstarfsaðilarnir
eru Orkuveita Reykjavíkur, Lands-
síminn, Fjárfestingaskrifstofa Ís-
lands og Eurocolo. Að því er fram
kemur í tilkynningu á heimasíðu
Reykjanesbæjar er stefnt að því að
ráða breska ráðgjafastofu til for-
könnunar og munu ráðgjafar þaðan
koma hingað til lands á næstu vikum
til að taka saman upplýsingar um
raforkuverð, kostnað við uppbygg-
ingu sérhannaðs húss, samfélagsleg-
an kostnað, skattamál og annað sem
viðkemur uppbyggingu netþjóna-
bús. Niðurstöður þeirrar forkönnun-
ar gefa hagsmunaaðilum tækifæri til
að meta hagkvæmni þess og mögu-
leika á að reisa slíkt bú.
Hagkvæmni-
athugun á
netþjónabúi
Reykjanes
BANDARÍSKA sendiráðið hefur
fært Fræðasetrinu í Sandgerði
nokkrar bækur. Eru þetta vand-
aðar og fróðlegar bækur um hafið
og lífríki þess, jafnt fyrir almenn-
ing og vísindamenn. David Mees
fulltrúi sendiherrans afhenti Reyni
Sveinssyni, forstöðumanni Fræða-
setursins, bókagjöfina.
Gefa Fræða-
setrinu bækur
Sandgerði
TVEIR ökumenn voru í hádeginu í
gær teknir á 153 km hraða á Garð-
vegi þar sem er 90 km hámarks-
hraði.
Ökumennirnir eru karlmenn um
tvítugt og er talið að þeir hafi verið í
kappakstri, samkvæmt upplýsingum
lögreglunnar. Teknar voru af þeim
skýrslur og þeir geta átt von á því að
missa ökuskírteinið, auk sektar-
greiðslu.
Í kappakstri á
153 km hraða
á Garðvegi
Garður
LÖGREGLAN í Keflavík hefur
fengið upplýsingar um að þrír
níu ára gamlir drengir hafi
kveikt í íþróttavallarhúsinu við
Hringbraut fyrr í vikunni.
Móðir eins drengjanna kom
með son sinn á lögreglustöðina
þar sem drengurinn sagði frá
verknaðinum. Samkvæmt frá-
sögn hans fóru þeir inn um
glugga á herbergi í vesturhluta
hússins og kveiktu í með eld-
spýtum. Ekki er búið að full-
rannsaka málið.
Níu ára
drengir
kveiktu í
Keflavík
♦ ♦ ♦
NÝ FRÁVEITA fyrir Innri-Njarð-
vík og meginhluta Ytri-Njarðvíkur í
Reykjanesbæ og Keflavíkurflugvöll
var tekin í notkun í gær með því að
Siv Friðleifsdóttir umhverfisráð-
herra gangsetti dælustöðina við
Bolafót. Kostar verkið um 500 millj-
ónir króna. Þegar lokið verður við
fráveitu fyrir Keflavík verður skolp
frá allri byggðinni hreinsað og því
dælt á haf út. Er þetta talið stærsta
umhverfisverkefni sem íbúar
Reykjanesbæjar hafa ráðist í.
Skolpi hefur til þessa verið veitt í
sjóinn við byggðina í Reykjanesbæ í
tíu aðalútrásum auk nokkurra minni.
Engin þeirra uppfyllir kröfur meng-
unarvarnareglugerðar.
Langt er síðan undirbúningur að
úrbótum hófst. Seint á níunda ára-
tugnum var gerð áætlun um fram-
kvæmdir í fráveitumálum í Keflavík
en ekki varð af framkvæmdum. Í
kjölfar nýrrar mengunarvarnareglu-
gerðar sem gefin var út 1989 var
einnig farið að huga að þessum mál-
um í Njarðvík. Frárennsli frá varn-
arstöðinni á Keflavíkurflugvelli
rennur út í Njarðvíkina og voru því
teknar upp viðræður við varnarliðið
um samvinnu um úrbætur. Ekki
reyndist hagkvæmt að hafa Keflavík
í sameiginlegri fráveitu en samning-
ar tókust á árinu 1998 milli Reykja-
nesbæjar og varnarliðsins um frá-
veitu fyrir Njarðvíkur og varnarliðið.
Samkvæmt upplýsingum Viðars
Más Aðalsteinssonar, forstöðu-
manns umhverfis- og tæknisviðs
Reykjanesbæjar, fela samningarnir
það í sér að Reykjanesbær annast
allar framkvæmdir við veituna og
rekstur hennar. Varnarliðið greiðir
60% af kostnaði við sameiginlega
verkþætti en hvor aðili fyrir sig
greiðir að fullu kostnað við þá verk-
þætti sem einungis nýtast þeim.
Kostnaðurinn við þetta kerfi er áætl-
aður 500 millljónir kr. og greiðir
varnarliðið rúmlega 54% af þeirri
fjárhæð. Rekstrarkostnaður skiptist
milli Reykjanesbæjar og varnarliðs-
ins eftir mælingu á frárennsli.
Annar nýbyggingasvæðum
Framkvæmdir við nýja fráveitu-
kerfið í Njarðvík hafa staðið yfir frá
því á árinu 1999. Kerfið er þannig að
nýtt sniðræsi safnar skolpi frá Kefla-
víkurflugvelli og Innri-Njarðvík að
aðalútrás frá Ytri-Njarðvík. Skolp-
kerfi á Bökkum og Fitjum er end-
urnýjað en þeim hluta verksins lýkur
væntanlega á þessu eða næsta ári.
Allt skolpið er leitt í gegnum eina
hreinsi- og dælustöð sem staðsett er
við Bolafót, nálægt núverandi aðal-
útrás Ytri-Njarðvíkur. Þar fer fram
eins stigs hreinsun eða grófhreinsun,
eins og krafist er. Felur hún það í sér
að grófur úrgangur er síaður frá,
sandur látinn botnfalla í þróm og fitu
fleytt ofan af. Öllum þessum úrgangi
er safnað í gáma og honum fargað.
Hreinsunin kemur í veg fyrir sjón-
mengun af skolpinu og hafið sér um
að brjóta niður sýklana. Hins vegar
verður áfram að koma í veg fyrir að
eiturefni komist í skolpið.
Hreinsað skolp er síðan leitt eftir
pípu í Sjávargötu í útrásarbrunn í
Kirkjuvík. Þar tekur við 850 metra
löng útrás til hafs. Auk þess er yf-
irfallsrás, um 300 metra löng, en
henni er ætlað að létta álaginu af
kerfinu í mestu rigningum.
Fráveitukerfið á að geta annað
Njarðvíkurhverfunum og Keflvíkur-
flugvelli, auk framtíðar bygginga-
hverfa Reykjanesbæjar, að sögn
Viðars Más.
Ýmsir verktakar hafa komið að
uppbyggingu kerfisins, meðal ann-
ars Íslenskir aðalverktakar, Hjalti
Guðmundsson, Toppurinn verktakar
og Fálkinn.
Útivistarsvæði á Fitjum
Haldið verður áfram við fram-
kvæmdir við fráveitumannvirki í
Reykjanesbæ, að sögn Viðars Más,
enda á úrbótum að vera lokið árið
2005, samkvæmt gildandi lögum.
Gerð hefur verið frumáætlun um
framkvæmdir í Keflavík. Þar verður
byggð dælu- og hreinsistöð, svipuð
stöðinni við Bolafót, og verður hún
væntanlega neðan Aðalgötu/Vestur-
götu. Millidælustöð er fyrirhuguð
neðan við pósthúsið og útrásir sam-
tengdar með sniðræsi. Einnig þarf
að gera ákveðnar úrbætur í Höfnum.
Áætlað er að þessar framkvæmdir
geti kostað um 780 milljónir kr. og
heildarkostnaður Reykjanesbæjar
verði þannig á annan milljarð króna.
Að framkvæmdum loknum verður
allt skolp í Keflavík og Njarðvík
hreinsað og hreinsuðu skolpi dælt á
haf út á tveimur stöðum en fram til
þessa hefur skolpið runnið óhreinsað
út á ströndina í tíu aðalútrásum auk
nokkurra minni.
Viðar Már segir rætt um nýtt frá-
veitukerfi sem stærsta umhverfis-
mál Reykjanesbæjar. Hann segir
gerlamengun og sjónmengun hverfi
af ströndinni. Þá verði hægt að gera
útivistarsvæði á Njarðvíkurfitjum
sem verið hafa mengaðar af skolpi og
séu þær framkvæmdir þegar komn-
ar á áætlun. Byggðar verða upp fleiri
tjarnir og gönguleiðir með þeim og ef
til vill aðstöðu til fuglaskoðunar.
Heitt vatn rennur út í tjarnirnar og
segir Viðar að komið hafi til tals að
gera þar baðströnd í framtíðinni.
Ný fráveita fyrir Njarðvíkurhverfi og Keflavíkurflugvöll var tekin í notkun við Bolafót í gær
Skolp hreins-
að og dælt
á haf út



4
$
5
+
$



  
 

 



   
   





 
  6
+
$
! 


"  

#
!






 
7  $
 4
$

+
$



Ljósmynd/Hilmar Bragi Bárðarson
Ellert Eiríksson bæjarstjóri þakkaði Siv Friðleifsdóttur umhverfisráð-
herra fyrir að ræsa dælu- og hreinsistöðina við Bolafót í Ytri-Njarðvík.
Njarðvík