Morgunblaðið - 02.03.2002, Síða 57

BRÉF TIL BLAÐSINS
MORGUNBLAÐIÐ LAUGARDAGUR 2. MARS 2002 57
JA, NÚ er lag á Læk. Ég hef greini-
lega reitt skáldmæringinn á Skjald-
fönn til reiði með athugasemd minni
frá því fyrir margt löngu. Og fyrir
bragðið fæ ég bæði skæting og
skammir og heldur ónotalega vísu í
síðasta bréfi, auk þess sem þeir sr.
Baldur og Steinn Steinarr eru
dregnir inn í myndina. Get víst sjálf-
um mér um kennt. Hefði betur mun-
að eftir vísubrotinu: Enginn skyldi
skáldin styggja/skæð er þeirra
hefnd.
Annars virðist ég hafa komið öðru
til leiðar, sem ég hélt, að væri ekki
hægt. Álit hans sem vísnasmiðs hef-
ur aukist til muna. Ég hélt nú satt
að segja, að ekki væri á það bæt-
andi.
Svo vona ég bara að núverandi
stjórnarsamstarf haldist sem lengst
til heilla fyrir land og lýð. Þá missa
þeir skáldbræður ekki glæpinn og
týna þar af leiðandi ekki andagift-
inni og geta svo að lokum gefið út
heila bók með „samlede værker“.
En nú er mál að linni. Með hækk-
andi sól lyftist vonandi brúnin á
þeim fáu búandkörlum, sem enn
þrauka í víðernum fjarða og fjalla
Djúpsins. Og þegar kemur fram á,
þá: Fönn leysi fljótt úr túni/fjór-
lembdar ærnar verði/dilkar feitir af
fjalli/flokkist með besta móti.
Lifið svo heilir.
BRYNJÓLFUR GÍSLASON,
Stafholti, Borgarfirði.
Athugasemd
við bréf
að vestan
Frá Brynjólfi Gíslasyni:
VIÐ matarborðið eða í fjölskyldu-
boðum eða á vinnustöðum til sjós og
lands og í saumaklúbbum er talað
um nánast allt milli himins og jarðar.
Eitt umræðuefni er þó aldrei til um-
ræðu.
Ef einhver sneri sér að viðstödd-
um og segði sí svona: „Fengu börnin
ykkar pláss í grunnskólanum í
haust?“ yrði vandræðaleg þögn. Það
myndi enginn skilja spurninguna
nema ef til vill afi og amma sem voru
í síðustu farskólunum fyrst á síðustu
öld.
Af hverju spyr enginn þessarar
spurningar í dag? Það er af sömu
ástæðum og engin spyr um kalda
vatnið. Það kostar ekkert. Það kem-
ur bara úr krananum og þess vegna
spyr enginn. Þarna er raunar um
hagfræðilega skynvillu að ræða.
Kalda vatnið sem búið er að fara salí-
bunu undir landinu í þúsund ár og
lendir í krananum í önnur þúsund ár
er ókeypis. Gunnskólinn kostar hins-
vegar alveg gommu af peningum –
tugi milljarða. Samt er aldrei kvart-
að yfir þessari skattlagningu sem við
borgum vissulega. Börnin fara bara í
grunnskólann og eru þar að læra í
heilan áratug.
Þessi „ókeypis“ lúxus, sem raunar
er stóriðja þjóðarinnar, er þannig til
kominn að vísir menn, með alþing-
ismenn þjóðarinnar í sóknarleikn-
um, settu lög um grunnskóla á sínum
tíma og þau voru framkvæmd. Búið
og gert.
Framan af lýðveldistímanum voru
alþingismenn að setja ný lög í þess-
um anda, eins og til dæmis í heil-
brigðiskerfinu – „ókeypis“ læknis-
og heilbrigðisþjónustu, „frítt“ á spít-
ölum og álíka stofnunum, en fólk tók
ekki eftir þessu af því að það var
staðgreitt.
Því miður voru ekki sett lög á
þennan hátt um allar aðalfrumþarfir
fólks. Grunnskólalögin tryggðu öll-
um börnum rétt til skólagöngu. Lög-
in sem ættu að tryggja öllu eftir-
launafólki ytri skilyrði til að ljúka
síðustu ævidögum sínum með reisn
voru aldrei sett. Sú staðreynd er
svartasti bletturinn í sögu „velferð-
arþjóðfélagsins“.
Er of seint að bæta úr þessu? Það
er of seint fyrir þá sem komnir eru í
varanlega höfn í kirkjugörðunum.
En það er ekki of seint fyrir framtíð-
ina. Hvað þarf til að koma þessu í
framkvæmd? Pólitískt hugrekki.
Forgangsröðun. Þegar forgangsrað-
að var í heilbrigðis- og skólakerfið
voru Íslendingar fátæk þjóð miðað
við það sem nú er.
Á hverju strandar þetta? Lýðræð-
ið hefur snúist í andhverfu sína. Ekki
má setja þetta allt á stjórnmála-
mennina. Almenningur ber ekki síð-
ur ábyrgð. Í ágætu menntakerfi hef-
ur almenningur ekki tileinkað sér
orðið „siðmenning“ og hina raun-
verulegu merkingu orðsins. En það
eru stjórnmálamennirnir sem hafa
brugðist. Fjórflokkakerfið á Alþingi
heldur möguleikum um pólitískt
hugrekki og forgangsröðun í heljar-
greipum. Alþingi flýtur í ölduróti
flokksbrotanna og það er sögulegur
harmleikur að Vinstri grænir skuli
lenda í því að eyðileggja mögu-
leikann á að forgangsraða á Alþingi
og eyðileggja möguleika á sterkum
meirihluta sem rétt gæti velferðar-
þjóðfélagið af.
HRAFN SÆMUNDSSON,
fyrrv. atvinnumálafulltrúi.
Sjálfsögð lífsgæði?
Frá Hrafni Sæmundssyni:
2 FYRIR 1 AF ELDRI VÖRUM
Greitt er fyrir dýrari flíkina
Ný sending af mokkakápum
fyrir fermingastúlkuna, mömmuna,
ömmuna og langömmuna
Stuttar og síðar með eða hettu
Hattar og húfur
Opið laugardag
frá kl. 10-15
Mörkinni 6, sími 588 5518
Ót
rú
leg
t
ve
rð
!
kl. 10.00
nýja og stórglæsilega
lágvöruverðsverslun
fyrir hestamenn
að Lynghálsi 4.
Allir hestamenn
velkomnir!
Lyngháls 4 • 110 Reykjavik • Sími 567 3300