Morgunblaðið - 16.03.2002, Side 22

EKKI verður leitað til hluthafa Ís-
landssíma á þessu ári til að veita
meira fé til starfseminnar, en áætlað
er að auka veltu félagsins um 40–60%.
Hluthafar Íslandssíma hafa staðið vel
við bakið á fyrirtækinu, að sögn Ósk-
ars Magnússonar forstjóra en
stærstu hluthafar eru Landsbanki Ís-
lands og tengd félög með um 27%,
Frumkvöðull, fyrirtæki Burðaráss,
með um 15% og 3P Fjárhús með 10%.
Íslandssími hélt í gær kynningu
fyrir aðila á fjármálamarkaði í tilefni
af því að ársreikningur félagsins ligg-
ur nú fyrir. Hann sýnir m.a. 990 millj-
óna króna tap á síðasta ári.
Óskar fjallaði einnig um markaðs-
starf Íslandssíma. Eftir að reksturinn
var einfaldaður og Íslandssími GSM
t.d. sameinað móðurfélaginu hefur
markaðsstarf eininganna einnig sam-
einast. Íslandssími mun nú einbeita
sér að kjarnastarfseminni sem felst í
fjarskiptaþjónustu um fastlínu, GSM
og Netið. Uppbyggingu grunnþátta
fjarskiptakerfis Íslandssíma er nú
lokið og við tekur markaðssetning.
„Við erum í rauninni að taka félagið
úr tæknigír yfir í markaðsgír,“ sagði
Óskar m.a.
Viðar Þorkelsson, fjármálastjóri
Íslandssíma, gerði grein fyrir afkom-
unni og birti auk þess m.a. tvö sýni-
dæmi um hvernig fjarskiptamarkað-
ur og þar með afkoma Íslandssíma
gæti þróast til ársins 2006.
Miðað við tvær mismunandi áætl-
anir um árlegan vöxt á fjarskipta-
markaði til ársins 2006 ætti markaðs-
hlutdeild Íslandssíma samkvæmt
dæmum Viðars að vera á bilinu 19%–
21,5% árið 2006. Rekstrartekjur yrðu
6,7–7,9 milljarðar miðað við 1,5
milljarða á síðasta ári og hagnaður
fyrir afskriftir og fjármagnsliði
(EBITDA) yrði 2–2,5 milljarðar en
þessi liður var neikvæður um 408
milljónir á síðasta ári. Fjarskipta-
markaðurinn er metinn á alls 22,5
milljarða króna á síðasta ári í dæmi
Viðars en er kominn upp í 34,3–36,9
milljarða árið 2006 miðað við mismun-
andi forsendur um vöxt markaðarins.
Viðar lagði áherslu á að sýnidæmin
bæri á engan hátt að skoða sem áætl-
anir Íslandssíma um vöxt. Einungis
væri um að ræða dæmi um það hvern-
ig starfsemin gæti þróast og hver
vöxturinn gæti orðið út frá mismun-
andi forsendum.
Morgunblaðið/Kristinn
Óskar Magnússon segir að Íslandssími sé að færast úr tæknigír yfir í mark-
aðsgír. Uppbyggingu grunnþátta fjarskiptakerfis Íslandssíma sé nú lokið.
Íslandssími
sækir ekki aukið
fé til hluthafa
EKKERT lát er á góðri loðnuveiði
en loðnuskipin voru í gær að fá
mjög góðan afla undan Malarrifi á
Snæfellsnesi. Loðnuafli vertíð-
arinnar er nú orðinn rúm 900 þús-
und tonn og þar af hafa veiðst tæp
754 þúsund tonn frá áramótum. Eft-
ir aukningu loðnukvótans um 100
þúsund tonn á fimmtudag er heild-
arkvóti vertíðarinnar tæp 1,1 millj-
ón tonna og því enn tæp 194 þúsund
tonn eftir af kvótanum. Mörg skip-
anna eru þó langt komin eða búin
með kvóta sinn. Loðnuvertíðin er nú
farin að styttast verulega í annan
endann, loðnan er komin fast að
hrygningu en Eggert Þorfinnsson,
skipstjóri á Þorsteini EA, á von á því
að veiði haldist góð í einhverja daga
í viðbót. „Skipin eru nú að veiða úr
þessari svokölluðu vestangöngu en
hún er komin álíka langt í kyn-
þroska og sú loðna sem kom að aust-
an. En vonandi tekst okkur að halda
veiðunum áfram í einhverja daga í
viðbót,“ segir Eggert.
Morgunblaðið/Þorgeir Baldursson
Huginn VE á loðnumiðunum fyrir sunnan land, en loðnan veiðist nú nær eingöngu út af Vesturlandi.
Líður að lokum
loðnuvertíðar
VIÐSKIPTI/ATHAFNALÍF
22 LAUGARDAGUR 16. MARS 2002 MORGUNBLAÐIÐ
UNDIRRITAÐUR hefur verið
samningur Eimskips við Íslenska
aðalverktaka hf. um byggingu
vöruhótels á athafnasvæði Eim-
skips í Sundahöfn. Bygging á nýju
vöruhóteli mun skapa Eimskip
aukin tækifæri til að efla þjónustu
við viðskiptavini í samræmi við
auknar óskir um alhliða flutninga-
þjónustu. Vöruhótelið verður
19.200 m² að stærð með 21.000
brettaplássum. Það mun taka við
stærstum hluta af vöruhúsarými
Eimskips í Reykjavík, að undan-
skilinni frystigeymslunni, Sunda-
frost, sem var byggð 1996. Sunda-
skálar 1 og 2 sem byggðir voru
fyrir um 30 árum verða rifnir en
þessar byggingar henta ekki leng-
ur starfseminni. Eimskip kynnti
áform um uppbyggingu vöruhótels
á árinu 2001 og unnið hefur verið
að undirbúningi verksins síðan.
Meðal annars hefur félagið kynnt
sér þróun í hönnun og rekstri
vörudreifingarmiðstöðva erlendis
og unnið með innlendum og er-
lendum ráðgjöfum við að tryggja
sem mesta hagkvæmni og öryggi í
rekstri. Íslenskir aðalverktakar hf.
munu sjá um byggingu vöruhót-
elsins.
Áætlaður byggingartími er 12
mánuðir og munu framkvæmdir
hefjast í mars. Heildarfjárfesting
vegna þessarar húsbyggingar,
tölvubúnaðar, hillukerfa, lyftara og
annars búnaðar er um 2 milljarðar
króna.
Stofnað hefur verið sérstakt fé-
lag um eignarhald húsbyggingar,
Eignarhaldsfélagið Sundabakki
ehf, í eigu Hf. Eimskipafélags Ís-
lands (31,6%), Sjóvá Almennar hf.
(31,6%), Skeljungs hf. (31,6%) og
Þyrpingar (5%). Rekstur starfsem-
innar verður í sérstöku hlutafélagi,
Vöruhótelið ehf. sem er í eigu
Eimskips og TVG Zimsen.
Stór hluti birgðahalds og dreif-
ingarstarfsemi Eimskips og TVG
Zimsen færist inn í hið nýja félag.
Vöruhótelið ehf. verður með sjálf-
stæðan rekstur og býður fram
þjónustu sína á innanlandsmarkaði
þótt viðskiptavinir Eimskips í sjó-
flutningaþjónustu verði væntan-
lega í hópi stærstu viðskiptavina.
Samið um byggingu nýs
vöruhótels Eimskips
Heildarkostnaður
er um tveir millj-
arðar króna
Tölvugerð mynd af væntanlegu vöruhóteli Eimskips.
SÍLDARVINNSLAN hf. hefur
keypt hlut Kaldbaks hf. í fóðurverk-
smiðjunni Laxá hf. á Akureyri.
Markmið Síldarvinnslunnar hf. með
kaupunum er að styrkja stöðu félags-
ins í framleiðslu á fóðri til fiskeldis og
er liður í aukinni þátttöku Síldar-
vinnslunnar hf. í fiskeldi almennt.
Síldarvinnslan hf. og Kaldbakur hf.
hafa undirritað samkomulag þess
efnis að Síldarvinnslan hf. eignist
53,5% hlut Kaldbaks hf. í fóðurverk-
smiðjunni Laxá hf. á Akureyri. Gert
er ráð fyrir því að kaupverðið verði
greitt með hlutabréfum í Síldar-
vinnslunni hf. að nafnvirði 18,5 millj-
ónir króna, háð samþykki aðalfund-
ar. Eftir kaupin á Síldarvinnslan hf.
63,9% hlutafjár í Laxá. Laxá fram-
leiðir gæludýra- og fiskeldisfóður og
hefur framleitt fóður til fiskeldis fá
því árið 1987. Fyrirtækið er stærsti
framleiðandi á fiskeldisfóðri hérlend-
is, með um 68% markaðshlutdeild á
innanlandsmarkaði. Auk fóðurfram-
leiðslunnar útvegar Laxá hf. margs-
konar tækjabúnað fyrir fiskeldi,
fóðrunarbúnað, klakbúnað, súrefnis-
tæki, fiskdælur o.fl.
Framleiðsla Laxár er að mestu
leyti seld innanlands en fyrirtækið
hefur einnig sótt á erlenda markaði.
Mikil áhersla er lögð á vöruþróun og
hafa starfsmenn aflað sér verulegrar
þekkingar á sviði fóðurframleiðslu.
Fullkominn tæknibúnaður í verk-
smiðju Laxár tryggir hágæða vöru
og auðveldar fyrirtækinu að mæta
ólíkum kröfum viðskiptavina.
Aukin þátttaka í fiskeldi
„Síldarvinnslan hf. hefur verið að
auka þátttöku sína í fiskeldi undan-
farin misseri og þessi kaup á hlutafé í
Laxá styrkir stöðu okkar hvað varð-
ar framleiðslu á fóðri til fiskeldis.
Auk þess styrkir þetta stöðu Síldar-
vinnslunnar hf. innan fiskeldisgeir-
ans almennt,“ segir Björgólfur Jó-
hannsson, forstjóri Síldarvinnsl-
unnar hf. „Félagið er hluthafi í
Sæsilfri hf. sem hefur, frá því á síð-
asta ári, byggt upp laxeldi í Mjóafirði
á myndarlegan hátt, auk þess sem
Síldarvinnslan hf. stendur fyrir til-
raunum á hlýraeldi í Neskaupstað og
er með þorsk í kvíum í Norðfirði. Á
næstunni verður einnig hafist handa
við smíði laxasláturhúss hér í Nes-
kaupstað, en laxaslátrun hefst hjá
okkur næsta haust,“ segir Björgólfur
Jóhannsson.
Síldarvinnslan hf. hefur ennfrem-
ur gert samkomulag við Kaldbak hf.
um kaup á 32,2% hlut Kaldbaks hf. í
Barðsnesi ehf. Gert er ráð fyrir að
kaupverðið verði greitt með hluta-
bréfum í Síldarvinnslunni hf. að nafn-
virði 48 milljónir króna, háð sam-
þykki aðalfundar. Við þetta á
Síldarvinnslan hf. 75,3% hlutafjár í
Barðsnesi ehf.
Barðsnes ehf. gerir út nótaskipið
Birting NK 119 og starfrækir fiski-
mjölsverksmiðju í Sandgerði sem af-
kastar um 600 tonnum á sólarhring.
Félagið ræður yfir 2,33% aflahlut-
deild í úthlutuðum loðnukvóta, 5 leyf-
um í úthlutuðum síldakvóta og 3 leyf-
um í norsk-íslenska síldarstofninum.
Höfum trú á rekstrinum
„Við stofnuðum Barðsnes ehf. í fé-
lagi við Kaupfélag Eyfirðinga fyrir
rúmlega þremur árum. Rekstur
Barðsness ehf. hefur verið erfiður
allt frá stofnun en félagið byggist al-
farið á veiðum og vinnslu uppsjáv-
arfisks. Við höfum trú á að rekstur-
inn komi til með að batna á næstu
misserum og lofar yfirstandandi
loðnuvertíð góðu í þeim efnum,“ seg-
ir Björgólfur Jóhannsson, forstjóri
Síldarvinnslunnar hf. „Við erum með
þessum kaupum að styrkja okkur
enn frekar í veiðum og vinnslu upp-
sjávarfisks, sem er styrkasta stoðin
undir rekstri Síldarvinnslunnar hf.,“
segir Björgólfur.
Síldarvinnslan kaupir
meirihluta í Laxá hf.
Síldarvinnslan hefur ennfremur gert samkomulag við Kald-
bak hf. um kaup á 32,2% hlut Kaldbaks hf. í Barðsnesi ehf.
TAP líftæknisjóðsins MP BIO hf. til
lækkunar á eigin fé félagsins árið
2001 var 633 milljónir króna. Þar af
var innleyst tap af starfsemi tímabils-
ins 31 milljón.
Eignarhlutir félagsins í óskráðum
félögum, sem öll eru erlend, eru sem
fyrr metnir miðað við kaupverð í er-
lendri mynt að teknu tilliti til
hækkana gagnvart íslenskri krónu. Í
tilkynningu frá félaginu segir að
vegna almennrar lækkunar á verði
skráðra hlutabréfa á mörkuðum og
áætlaðrar lækkunar á verði óskráðra
hlutabréfa sé það mat stjórnar og
framkvæmdastjóra MP BIO að rétt
sé að gæta ýtrustu varfærni við mat á
verði óskráðra hlutabréfa og færa þau
niður um 800 milljónir króna.
Stjórnendur félagsins vilja eftir
sem áður leggja áherslu á að þrátt
fyrir að þeir hafi fulla trú á að eignir
félagsins muni skila þeim ávinningi
sem vonast sé eftir sé fjárfesting í
lyfja-, líftækni- og erfðatæknifyrir-
tækjum almennt afar áhættusöm og
beri að skoða eignir og starfsemi fé-
lagsins með tilliti til þess.
Þar sem bókfært verð hlutabréfa í
eigu MP BIO í lok tímabilsins er
lægra en skattalegt verð þeirra
myndast reiknuð skattinneign.
Reiknuð skattinneign í lok tímabilsins
nemur 73 milljónum króna. Vegna
óvissu um nýtingu hennar í framtíð-
inni er hún ekki færð til eignar.
Óskráð hlutabréf
MP BIO færð niður
um 800 milljónir