Morgunblaðið - 16.03.2002, Qupperneq 64

64 LAUGARDAGUR 16. MARS 2002 MORGUNBLAÐIÐ






 







  


 




 
 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
HINN 9. mars skrifar Albert Jensen
trésmíðameistari í bréfi til blaðsins
um skoðanir sínar á innflytjendum og
trúmálum. Greinin endurspeglar
mikla fordóma í anda menningar-
hyggjunnar og ég get ekki setið á mér
með að upplýsa Albert svolítið um
staðreyndir raunveruleikans.
Albert talar um að taka vel á móti
innflytjendum en það verði að stjórna
þeim straumi á farsælan hátt. Inn á
milli viðrar hann svo laumulega for-
dómafullar skoðanir sínar á múslim-
um og „trúarofstæki“ þeirra: „En svo
er það hin öra fjölgun múslima hér á
landi sem gæti orðið okkur þung í
skauti vegna þess að trúin er líka lög
þeirra og því láta þeir illa að stjórn í
öðrum þjóðfélögum. Þeir vilja ekki
aðlagast viðtökuþjóðum …[þ]aðan er
sprottin stríðsyfirlýsing á hendur öll-
um öðrum trúarbrögðum. Fólk sem
skapar illindi á ekkert erindi hingað.“
Líkt og önnur trúarbrögð boðar Allah
hvorki stríð né önnur illindi. Né held-
ur er það í þeirra lögum að vera á móti
ríkjandi menningu. Albert vill greini-
lega aðeins hafa kristna íbúa hér á
landi. Þvílík fásinna að ætlast til slíks.
Alheimsþróunin og hnattvæðing nú-
tímans býður ekki upp á það og auk
þess ríkir einstaklings- og trúfrelsi
hér á landi. Ég efast um að Albert
gæti hugsað sér að vera strípaður trú
sinni ef hann flyttist til fjarlægra
landa og ég vil ekki trúa að hann haldi
virkilega að framtíð Íslands standi og
falli með múslimskum innflytjendum.
Framtíðin mun frekar hafa verra af
slíkum hugsunarhætti sem Albert
leyfir sér að þora að opinbera land-
anum en nokkurn tíma fjölbreytni
trúarbragða.
Trú er hluti af menningu og sá ras-
ismi sem blossar í dag er einmitt
menningarbundinn rasismi, nýras-
ismi. Hann gerir ráð fyrir því að
menning sé frosin og óbreytanleg og
lokar augunum fyrir menningarlegri
fjölbreytni. Menning hins vegar er,
hefur alltaf verið og mun áfram vera í
stöðugri þróun og það er barnalegt að
halda að Ísland verði af þeirri þróun.
Hvað þá að landamæri okkar geti
flokkað út þá fáu svörtu sauði sem
fylgja öllu fé. Greinilegt er að Albert
þjáist af ákveðinni múslimafælni sem
stjórnast af neikvæðum staðalmynd-
um um múslima en slíkar staðal-
myndir eru nátengdar rasisma. Al-
bert setur alla múslima undir sama
hatt og dæmir og segir þá ekki eiga
erindi til Íslands. Hann stillir þannig
kristnu fólki upp sem englum á himn-
um en sveipar alla múslima klæðum
djöfulsins.
Víðsýni, umburðarlyndi og virðing
eru lykilatriði í nútímasamfélagi og sú
sjálfsagða staðreynd að telja heima-
garðinn ekki alltaf með bestu og fal-
legustu uppskeruna. Mér finnst alltaf
svolítið fyndið þegar Íslendingar
halda að Ísland megi vernda frá öllu
sem þeir telja illt og skaðvænlegt. Að
passa upp á að allt sé best hér og ekk-
ert fari úrskeiðis eins og hjá „hinum“.
Hræðsla við að við hættum að vera
sérstök og best ef við viðurkennum
aðra menningu að fullu. Ég held að
við þurfum að gera okkur grein fyrir
að við breytum ekki lífsins staðreynd-
um og þróun og tími sé kominn til að
við opnum hug okkar og byrjum þar
að breyta og bæta.
ERLA SIGURLAUG
SIGURÐARDÓTTIR,
nemi í Háskóla Íslands,
Njálsgötu 84, Reykjavík.
Opnum hug okkar
Frá Erlu Sigurlaugu
Sigurðardóttur:
KANNSKI finnst mörgum nóg kom-
ið og verið sé að bera í bakkafullan
lækinn, við að setja á blað, það sem
hér er drepið á.
Ég hef ekki skilið af hverju á að
selja Landssímann og bankana okk-
ar úr landi, fyrirtæki sem mala gull.
Ekki trúi ég að þeir sem vilja kaupa
geri það af vorkunnsemi við Íslend-
inga, þeirra sjónarmið hljóta að vera
gróðahyggja.
Hverra kosta eigum við völ, ef af
sölu verður og kaupendur, sem þá
eru orðnir eigendur, ákveða að
hækka þjónustugjöldin? Má því ekki
segja að sjálfstæði þjóðarinnar sé
lagt að veði?
Vissulega eru þessi verðmæti eign
okkar allra, og afkomenda þeirra
sem hafa í áratugi unnið með huga
og hörðum höndum við að byggja
upp íslenskt þjóðfélag og síðan falið
stjórnvöldum að fara með og gæta
sameiginlegra eigna okkar.
Skattar okkar og genginna hafa
gert þessar eignir að veruleika, stað-
reynd sem við erum stolt af, segja
má því að illa sé komið, ef selja á hlut
af velgengni okkar úr landi.
Hvergi hef ég séð upplýsingar frá
stjórnvöldum eða öðrum um hag-
kvæmni þess að selja, ógeðfelld
finnst mér sú tilhugsun að skipta við
Búnaðarbankann „bankann minn“ ef
hann væri kominn í meirihlutaeign
erlendra aðila.
Íslenkst þjóðfélag hefur nötrað og
skolfið að undanförnu vegna siðleys-
is ýmissa þeira, sem hefur verið
treyst fyrir forræði og umsjá stofn-
ana ríkisins. Ég hef fulla samúð með
þeim sem hafa látið glepjast til þess
að gera það sem síst skyldi, en undr-
ast þó hvað þeim hefur fundist það
sjálfsagt, en allir verða auðvitað að
axla ábyrgð gerða sinna, þar má eng-
inn vera undanskilinn. hvort sem er í
Sjálfstæðisflokki, Vinstri grænum,
Samfylkingunni eða Framsóknar-
flokki.
„Fégirndin er rót alls þess, sem
illt er,“ segir í Guðs orði.
Gefum að þessu gætur og byggj-
um upp þjóðfélag, sem við öll getum
verið stolt af, þar sem siðgæði þegn-
anna situr í fyrirrúmi og Íslensk
æska gengur til framtíðar með
styrkan arf, liðinna kynslóða í
brjósti.
JÓHANN F. GUÐMUNDSSON,
Sléttuvegi 11, 103 Reykjavík.
Hver vill kaupa
landið mitt?
Frá Jóhanni F. Guðmundssyni: