Morgunblaðið - 16.03.2002, Qupperneq 69

Í KVÖLD mun Sinfóníuhljómsveit
Íslands bregða helstu lagasmíðum
bresku rokksveitarinnar Queen í sí-
gildan búning ásamt erlendum og ís-
lenskum söngvurum.
Um er að ræða sýningu sem sett
var á laggirnar fyrir u.þ.b. tveimur
árum og kallast upp á ensku „Anoth-
er Kind of Magic – Symphonic
Queen Spectacular“. Martin Yates
útsetur lögin og flytjendur eru lista-
menn frá West End í Lundúnum.
Stjórnandi er David Charles Abell
en íslensku söngvararnir sem koma
við sögu eru þeir Eyjólfur Kristjáns-
son, Bragi Þór Valsson og Gunnar
Ben. Efnisskráin er sett upp sem
hálfgildings söngleikur og má nefna
að ljós og sviðsumgjörð er hönnuð af
atvinnumönnum frá West End.
Hann er fríður, flokkurinn sem
hingað er kominn frá leikhússtræt-
um Lundúna. Einsöngvarar í sýn-
ingunni eru fjórir, þau Hazel Fern-
andes, Sally Ann Triplett, James
Graeme og Dean Collinson.
Öll hafa þau tekið þátt í helstu
söngleikjum sem settir hafa verið
upp á West End, hvort sem er í burð-
ar- eða stoðrullum. Einnig hafa þau
mörg hver komið að sjónvarps- og
kvikmyndaleik ásamt því að semja
og flytja tónlist með hinum ýmsu
dægurtónlistarmönnum.
Hljómsveitarstjórinn, David
Charles Abell, er Bandaríkjamaður,
og nam í Yale og Juilliard.
Hann hefur stjórnað óperusýning-
um í fjölmörgum húsum vestra og
einnig unnið með öllum helstu sin-
fóníuhljómsveitum Bretlands. Einn-
ig hefur hann mikið komið að söng-
leikjum ýmiss konar.
Þau lög sem áhorfendur geta búist
við að heyra eru sígild verk úr
smiðju Queen-liða svo sem „Bicycle
Race“, „Fat Bottomed Girls“, „A
Kind of Magic“, „Crazy Little Thing
Called Love“, „Radio Ga-Ga“, „Kill-
er Queen“, „We Are the Cham-
pions“, „Innuendo“, „Who Wants to
Live Forever“, „Somebody to Love“,
„You’re My Best Friend“, „Don’t
Stop Me Now“ og „Bohemian Rhap-
sody“ (að sjálfsögðu!).
Þetta er málið!
Blaðamaður Morgunblaðsins kíkti
inn á æfingu ásamt ljósmyndara,
fylgdist með framvindu mála og
spjallaði við aðstandendur.
„Ég heyrði nú bara af þessu fyrir
þetta tveimur, þremur vikum,“ segir
Eyjólfur Kristjánsson og sest á tré-
pall með blaðamanni . „Þá var hringt
í mig og ég spurður hvort ég vildi ljá
þessu mína fögru bakrödd (hlær).“
Eyjólfur segir að upphaflega hafi
átt að vera kór en hætt hafi verið við
það. Þrír karlmenn hafi verið fengnir
til að styðja við bakraddasöngkon-
urnar og áhersla lögð á að tveir
þeirra væru fluglæsir á nótur.
„En svo vildu þeir hafa einn popp-
ara með. Og þá var
náttúrlega hringt í
mig (hlær). Nei, ég
segi svona. Ég kann
reyndar að lesa nót-
ur en ég get ekki
lesið þær eins og ég
sé að lesa Andrés
Önd!“
Uppi við sviðið
stendur stjórnandinn,
David Charles Abell, í
hvítum stuttermabol,
maulandi epli. Hann
fellst góðfúslega á stutt
spjall.
„Yates hefur semsagt
útsett þetta fyrir sex
manna rokksveit, sinfóníusveit, sex
bakraddasöngvara og fjóra ein-
söngvara,“ útskýrir Abell. „Og þegar
ég ber þetta saman við lög Queen þá
hljóma þau bara eins og prufuupp-
tökur. Þetta er málið!,“ segir hann
og skellir upp úr.
Abell segir lög Queen búa yfir sin-
fónískum skölum og því ekkert til-
tökumál að útsetja þau á þennan veg.
„Þetta er mjög spennandi verkefni
og ég vona að þakið lyftist af á laug-
ardaginn. Lög Queen aðlagast þess-
um útsetningum ótrúlega vel og
krafturinn er magnaður.“
Abell segir að sýningar sem þess-
ar opni einatt augu tónlistarunn-
enda.
„Heimar opnast. Þeir sem hlusta
aðallega á sígilda tónlist fá athygl-
isverða innsýn; þeir sem hlusta að-
allega á rokk/popp heyra lög Queen
leikin, að viðbættum krafti hinna sí-
gildu tóna. Það er kannski klisja að
segja það en ég trúi því að hér sé
eitthvað fyrir alla sem hafa gaman af
tónlist.“
Sýningin verður í Laugardalshöll
kl. 17.00 í dag. Miðaverð er 3.500 kr. í
sal en 2.500 kr. í stúku.
Einsöngvararnir samstilla sig.
Eðlilegur samruni
arnart@mbl.is
Morgunblaðið/Golli
Queen í klassískum búningi
David Charles Abell að störfum.
FÓLK Í FRÉTTUM
MORGUNBLAÐIÐ LAUGARDAGUR 16. MARS 2002 69
Smárabíói kl 14:00 í dag og á morgun sunnudag kl 14:00
Laugarásbíói kl 15:00 í dag og á morgun sunnudag kl 15:00
Regnboganum kl 16:00 í dag og á morgun sunnudag kl 16:00
Borgarbíói Akureyri kl 16.00 í dag og á morgun sunnudag kl 16:00
Nýja Bíói Keflavík kl 16:00 í dag og á morgun sunnudag kl 16:00
Missið ekki af forsýningum á fyndnustu
fjölskyldumynd ársins um helgina:
með íslensku tali
HARMONIKUBALL
Gömlu og nýju dansarnir - Dansleikur fyrir alla
“Komdu í kvöld..........
Dansleikur í kvöld frá kl. 22
í ÁSGARÐI, Glæsibæ við Álfheima.
Félagar úr Harmonikufélagi Reykjavíkur leika fyrir dansi.
Gestaspilarar frá Félagi harmonikuunnenda Vesturlands .
Ragnheiður Hauksdóttir syngur. Gömlu- og nýju dansarnir.
Dansleikur fyrir alla. - Fordrykkur í boði hússins fyrir fyrstu 150 gestina.
 ÁSGARÐUR, Glæsibæ: Harm-
onikufélagi Reykjavíkur og Ragn-
heiður Hauksdóttir söngkona.
 BÚÐARKLETTUR, Borgarnesi:
Undir fölsku flaggi.
 CAFÉ AMSTERDAM: Sænsk/
íslenska dúóið Broad.
 CAFÉ RIIS, Hólmavík: Kvart-
ettinn BAAB.
 CATALINA, Hamraborg: Gammel
Dansk.
 CELTIC CROSS: Spilafíklarnir.
 DUBLINER: Penta.
 GALLERÍ TUKT: Nýtt gallerí í
Hinuhúsinu, Pósthússtræti. Opn-
unarsýningin kallast Tinna + Bibbi
og byggist á sameiginlegri og ósam-
eiginlegri listsköpun Birgis Arnar
Thoroddsen og Tinnu Ævarsdóttur.
Hefst kl. 16.00. Opin alla virka daga
frá kl. 14:00-18:00, til 31. mars.
 GAUKUR Á STÖNG: Buttercup.
 INGHÓLL, Selfossi: Í Svörtum
fötum.
 KAFFI REYKJAVÍK: Papar.
 KAFFI-LÆKUR, Hafnargötu 30,
Hafn.: Njalli í Holti og Össi saxó-
fónn.
 KRINGLUKRÁIN: Bíó Tríó –
söngskemmtun með Erni Árnasyni.
 KRISTJÁN IX, Grundarfirði:
Svensen og Hallfunkel.
 N1 (ENN EINN), Keflavík: Á
móti sól.
 PAKKHÚSIÐ, Selfossi: Gunnar
Ólason og Ingvar Valgeirsson.
 PLAYERS-SPORT BAR, Kópa-
vogi: Hálft í hvoru.
 PRIKIÐ: Dj Rampage og Dj Shal-
em B.
 RÁIN, Keflavík: Bingó.
 SJALLINN, Akureyri: SSSól.
 SJÁVARPERLAN, Grindavík:
Karma.
 VIÐ POLLINN, Akureyri: Pétur
Kristjánsson og hljómsveit.
 VÍDALÍN: Miðnes.
 VÍKIN, Höfn: Írafár.
Í DAG
 Sjá einnig Staður og stund á mbl.is
Í DAG stendur Sportkafarafélag Íslands fyrir svo-
kölluðum köfunardegi, hvar áhugasamir eiga þess
kost á að kynna sér þessa ævintýralegu íþrótt
undir leiðsögn atvinnumanna. Fer kynningin fram
í Sundhöll Reykjavíkur á milli kl. 10 og 17.
Þeir sem eru yngri en 18 ára þurfa að koma
með skriflegt leyfi forráðamanna og litlir krakkar
mega prófa í grunnu lauginni, að sjálfsögðu undir
góðu eftirliti þeirra sem vanir eru.
Verð er 1.500 kr. fyrir fullorðna en 1.000 kr.
fyrir börn. Búnaður sem fólk þarf að koma með er
gott skap, sundföt og stuttermabolur.
Köfunardag-
urinn 2002
Morgunblaðið/Ásdís
Sveinbjörn Hjálmarsson, varaformaður Sportkafara-
félags Íslands, kynnir kafarabúnað.
TENGLAR
.........................................................................
www.kofun.is