Morgunblaðið - 04.04.2002, Blaðsíða 4

FRÉTTIR
4 FIMMTUDAGUR 4. APRÍL 2002 MORGUNBLAÐIÐ
RAUÐIR borðar þar sem Davíð
Oddsson, forsætisráðherra Íslands,
er boðinn velkominn til Víetnam eru
strengdir yfir götur í miðborg Hanoi
í tilefni fjögurra daga heimsóknar
ráðherrans til landsins. Gestgjafinn,
Phan Van Khai forsætisráðherra,
tók á móti hinum íslenska starfs-
bróður sínum við hátíðlega athöfn
við forsetahöllina. Þjóðsöngvar land-
anna voru leiknir við heiðursvörð og
íslenska sendinefndin og fulltrúar
gestgjafanna kynntir.
Ráðherrarnir ræddu saman
drjúga stund á skrifstofu forsætis-
ráðherrans og síðan undirrituðu
þeir, Ólafur Egilsson sendiherra
sem er með aðsetur í Peking og ráð-
herrar í ríkisstjórn Víetnams þrjá
samninga og yfirlýsingar, meðal
annars tvísköttunarsamning og al-
mennt orðaða yfirlýsingu um að
stuðla að auknum viðskiptum.
Gefur ferðinni aukið gildi
Davíð Oddsson segir að viðræður
þeirra forsætisráðherranna hafi ver-
ið með hefðbundnu formlegu sniði.
Farið hafi verið yfir stöðu landanna,
meðal annars í efnahagsmálum, rætt
um samskipti þeirra og alþjóðamál.
Eftir að hafa reynt áætlanabúskap
að sovéskri fyrirmynd fyrir allt land-
ið eftir sameiningu Norður- og Suð-
ur-Víetnams að loknu Víetnamstríð-
inu 1974 sneru stjórnvöld í Hanoi við
blaðinu fyrir fimmtán árum með því
að innleiða markaðsbúskap að hluta
með Doi Moi umbótaáætluninni svo-
kölluðu. Phan Van Khai skýrði frá
umbótunum og stöðu efnahagsmála
og því markmiði að koma Víetnam í
þá stöðu að geta talist iðnvætt ríki
árið 2020.
Davíð Oddsson segir í samtali við
blaðamann Morgunblaðsins að
margt komi á óvart í Hanoi og ná-
grenni. Fyrstu áhrifin af landinu séu
þau að Víetnamar virðist skemmra á
veg komnir en hann hefði gert ráð
fyrir og eigi mjög margt ógert, það
sjáist til dæmis víða á borgarum-
hverfinu. Hagvöxtur hafi verið góður
síðustu árin en grunnurinn hafi verið
það bágborinn, meðal annars í kjöl-
far langs tíma þar sem þjóðin átti í
styrjöldum.
Ferðin var farin til að endurgjalda
heimsókn þáverandi forsætisráð-
herra Víetnams til Íslands, árið 1995,
en boðið hefur verið margítrekað frá
þeim tíma, að sögn Davíðs. Þá segir
hann að vaxandi markaður sé í Víet-
nam og aukin samskipti þjóðanna og
góð þátttaka í viðskiptasendinefnd-
inni, sem er undir forystu Útflutn-
ingsráðs Íslands, sýni að fyrirtækin
sjái sér hag af því að vera tiltölulega
snemma á ferðinni hér til að ná sér í
viðskiptasambönd. Það gefi ferðinni
aukið gildi.
Segir Davíð að ýmis vandkvæði
séu á viðskiptum við Víetnam en
fram hafi komið hjá forsætisráð-
herranum að stjórnvöld teldu sig
vera að skapa traust umhverfi fyrir
erlend fyrirtæki að starfa í. Í við-
skiptasendinefndinni er á annan tug
fulltrúa frá fjórtán íslenskum fyrir-
tækjum. Með í för forsætisráðherra
er eiginkona hans, Ástríður Thorar-
ensen, embættismenn úr forsætis-
ráðuneytinu og utanríkisráðuneyt-
inu, auk sendiherrans.
Nemar frá Víetnam hafa verið í
sjávarútvegsháskóla Sameinuðu
þjóðanna á Íslandi og hafa íslensk
stjórnvöld boðið að einn til tveir
nemar geti komið til viðbótar og
standa vonir til að það geti orðið
áfram. Víetnamar þáðu einnig boð
forsætisráðherra um samstarf við
jarðhitarannsóknir. Jarðhiti er í
Víetnem en rannsóknir á honum eru
skammt á veg komnar. Munu ís-
lenskir vísindamenn væntanlega
taka að sér verkefni á þessu sviði.
Forsætisráðherra og hin opinbera
sendinefnd heimsóttu þing Víetnams
þar sem rætt var við Nguyen Van
An, forseta þjóðþingsins, og síðan
var haldið til kvöldverðar sem Phan
Van Khai og eiginkona hans héldu til
heiðurs íslensku forsætisráðherra-
hjónunum. Í þinghúsinu bað forseti
þingsins forsætisráðherra að bera
forseta Alþings boð um að heim-
sækja Víetnam við tækifæri. Davíð
flutti honum kveðju Halldórs Blön-
dals, forseta Alþingis, sem og boð
um að heimsækja Ísland.
Morgunblaðið/Helgi Bjarnason
Davíð Oddsson forsætisráðherra og Nguyen Van An, forseti víetnamska þingsins, slógu á létta strengi í sam-
ræðum sínum í þinghúsinu. Yfir þeim vakir blómum skrýdd lágmynd af Ho Chi Minh, sem var leiðtogi þjóðernis-
sinna og kommúnista í styrjöldinni við Frakkland og Bandaríkin.
Davíð Oddsson forsætisráðherra segir að margt komi á óvart í Hanoi
Bjóða íslenska aðstoð við jarð-
hitarannsóknir og námsdvöl
Fyrsta opinbera heim-
sókn forsætisráðherra
Íslands til Víetnams
hófst í gær með athöfn
við forsetahöllina í
höfuðborginni Hanoi
þar sem forsætisráð-
herra Sósíalíska lýð-
veldisins Víetnam tók
á móti Davíð Odds-
syni. Með í för er fjöl-
menn viðskiptasendi-
nefnd. Helgi
Bjarnason fylgdist
með fyrsta degi
heimsóknarinnar.
ÍSLANDSFLUG hóf fraktflug
um mánaðamótin frá Beirút í
Líbanon til nokkurra áfanga-
staða í Evrópu. Samið var við
flugfélagið TMA Cargo (Trans
Mediterranean Airways) til
eins árs og að sögn Ómars
Benediktssonar, framkvæmda-
stjóra, er þetta meðal stærstu
verkefna félagsins á erlendri
grund til þessa. Samninginn við
TMA má meta á um 1 milljarð
króna en þær fimm áhafnir sem
starfa munu við flugið, ásamt
flugvirkjum, eru allar erlendar.
Ef vel gengur er ákvæði í
samningnum um framlengingu
flugsins í ár til viðbótar.
Íslandsflug leggur til frakt-
vél til verkefnisins af gerðinni
Airbus 310. Flogið er frá Beirút
til Parísar, Amsterdam, Berg-
amo á Ítalíu, Liege í Belgíu og
fleiri staða í Evrópu. Aðallega
er flogið með neysluvarning
eins og matvörur og fatnað.
„Þetta er góð búbót fyrir fé-
lagið og verkefnið eitt það
stærsta sem við erum með í
gangi erlendis í dag,“ sagði
Ómar en Íslandsflug gerir nú
út átta þotur til verkefna á er-
lendum vettvangi; fimm far-
þegavélar af gerðinni Boeing
737, tvær skrúfuþotur og Air-
bus-fraktvélina. Áhafnir eru
jafnt íslenskar sem erlendar.
Milljarðs-
samningur
um fraktflug
MAÐUR á fimmtugsaldri brotnaði á
báðum fótum og var einnig talinn
handleggsbrotinn eftir fall af þaki
Viðeyjarstofu í gær, skv. upplýsing-
um frá Slökkviliði höfuðborgarsvæð-
isins.
Maðurinn var við vinnu á þakinu
þegar hann rann til og féll 4–5 metra
niður af þakinu og lenti á fótunum á
hellulagðri stétt. Tilkynnt var um
slysið í Viðey til lögreglu á öðrum
tímanum í gær. Sjúkraflutninga-
menn fóru með Viðeyjarferjunni út í
eyjuna og sóttu manninn og fluttu á
slysadeild.
Féll af þaki
Viðeyjarstofu
og fótbrotnaði
NÝR GRUNNUR verður notaður við
útreikning á neysluvísitölu Hagstofu
Íslands fyrir nýliðinn mánuð en
grunninum er breytt einu sinni á ári.
Að sögn Rósmundar Guðnasonar,
deildarstjóra vísitöludeildar Hagstof-
unnar, er verið að taka inn niðurstöð-
ur úr neyslukönnun sem staðið hefur
óslitið frá árinu 2000 en grunninum er
breytt einu sinni á ári. „Ég held að við
höfum sagt frá því í fréttatilkynningu
í mars að 2000 að við myndum skipta
um grunn núna þannig að þetta teng-
ist á engan hátt umræðu um rauð
strik. Sjálf vísitalan er bara mæling á
útgjöldum heimilanna og menn mega
ekki rugla saman útreikningi á vísitöl-
unni og svo þeim notum sem menn
hafa síðan af henni. Þetta er tvennt
ólíkt.“ Rósmundur segir að nú sé ver-
ið að taka niðurstöður úr neyslukönn-
uninni árið 2000 í heild sinni og svo sé
einnig verið að færa inn á árið 2001
fyrir dagvöruverslun. „ Þar erum við
því með nánast alveg nýjar upplýs-
ingar um neysluútgjöldin en ég tek
fram að þessari vinnu við grunninn er
ekki alveg að fullu lokið. Í sjálfu sér
sýnist mér að ekki verði miklar breyt-
ingar á samsetningu vísitölunnar í
heild en það verða hins vegar tölu-
verðar breytingar á milli vöruflokka.
Ég get nefnt sem dæmi að það er
tilhneiging í átt frá matvörum yfir í
tilbúnar matvörur. Þá hefur orðið
töluverð breyting á vötuúrvali svo og
innkaupamynstri heimilanna. Í fyrra-
sumar gerðist það t.d. að fólk fór í
auknum mæli að kaupa inn í lágvöru-
verslunum en það er að hluta til
breyting sem við tókum inn í desem-
ber en þá lækkaði hún vegna þessa
þáttar.“
Rósmundur segir að í neyslukönn-
unum hafi verið tekin upp sú nýjung
að leyfa fólki að skila inn strimlum og
hlutfallið hafi verið komið í 75% í
fyrra. „Þannig að við erum alltaf að fá
meira og meira af okkur gögnum á
svona ýtarlegu formi og í raun af-
stemmd og slíkt þekkist ekki annars
staðar. Þetta hefur gert okkur kleift
að hafa verslanavogirnar ýtarlegri og
það þýðir að við getum látið Bónus,
svo dæmi sé tekið, hafa hærri vog á
þeim vörum sem meira selst af þar.
Það er mikil nýjung og á þessu sviði
erum við fremstir.“
Litlar breyt-
ingar á
heildarsam-
setningu
Nýr neysluvísitölu-
grunnur Hagstofunnar
♦ ♦ ♦